عامر خان اب کس کی محبت میں گرفتار ہو گئے؟
اشاعت کی تاریخ: 7th, February 2025 GMT
بالی ووڈ اداکارعامر خان اس وقت جہاں اپنے بیٹے جنید خان کی فلم ‘لوویاپا’ کی تشہیر کر رہے ہیں وہیں ان کے بارے میں خبریں گردش کر رہی ہیں کہ ان کی ذاتی زندگی میں بھی ایک نئی محبت کی کہانی شروع ہو گئی ہے۔
عامر خان جنہوں نے 2021 میں اپنی بیوی کرن راؤ سے طلاق کا اعلان کیا تھا، اب دوبارہ محبت میں مبتلا ہو چکے ہیں۔ اور اس وقت کسی کے ساتھ تعلق میں ہیں۔ چند دن پہلے یہ بھی میڈیا میں رپورٹ ہوا تھا کہ انہوں نے اپنی نئی محبت کو اپنے خاندان سے ملوایا ہے جو اس بات کا اشارہ ہے کہ وہ اس تعلق کے بارے میں کافی سنجیدہ ہیں۔
یہ بھی پڑھیں: سلمان، شاہ رخ اور عامر خان کا جاں نشین کون ہوگا؟ امیشا پٹیل نے سب بتادیا
اداکار جو مارچ میں 60 سال کے ہونے والے ہیں، کہا جا رہا ہے کہ وہ بنگلور کی ایک خاتون کو ڈیٹ کر رہے ہیں۔ بھارتی میڈیا نے حال ہی میں رپورٹ کیا ہے کہ اس خاتون کا نام گوری ہے اور ان کا بالی ووڈ سے کوئی تعلق نہیں ہے۔
اگرچہ عامر خان نے ابھی تک اس خبر کی تصدیق نہیں کی ہے، لیکن حال ہی میں انہوں نے کہا تھا کہ وہ محبت میں بہت جذباتی اور رومینٹک ہیں۔ اداکار نے اپنے بیٹے کی فلم ‘لوویاپا’ کے ٹریلر لانچ ایونٹ میں کہا تھا، ’میں بہت رومینٹک آدمی ہوں، یہ سننے میں بہت مضحکہ خیز لگتا ہے لیکن میری دونوں بیویوں سے پوچھ لیں‘۔ انہوں نے مزید کہا کہ ’میری تمام پسندیدہ فلمیں رومانیٹک ہیں۔ میں رومانیٹک فلموں میں کھو جاتا ہوں۔ میں سچے پیار پر پختہ یقین رکھنے والا ہوں‘۔
یہ بھی پڑھیں: بالی ووڈ اسٹار عامر خان نے میرا شو کاپی کیا، حنا بیات کا الزام
بالی ووڈ اداکار کا کہنا تھا کہ جیسے جیسے ہم زندگی میں آگے بڑھتے ہیں، محبت کو سمجھنے کا طریقہ بدلتا ہے۔ آپ سمجھتے ہیں، زندگی کو، لوگوں کو اور اپنے آپ کو۔
واضح رہے کہ عامر خان کی پہلی شادی رینا دتہ سے 1986 میں ہوئی تھی لیکن دونوں 2002 میں علیحدہ ہو گئے تھے۔ بعد ازاں 2005 میں عامر خان نے فلم ساز کرن راؤ سے شادی کی تاہم 2021 میں ان کی طلاق ہو گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنید خان عامر خان فلم لوویاپا.ذریعہ: WE News
کلیدی لفظ: فلم لوویاپا بالی ووڈ
پڑھیں:
ہانیہ عامر کی کیوٹنس کی حدیں پار کرتی نئی ویڈیو وائرل
ڈراما ’کبھی میں کبھی تم‘ کی ’شرجینا‘ اور ’میرے ہمسفر‘ کی ’ہالہ‘ کو نہ صرف پاکستان بلکہ بھارت میں بے انتہا محبت ملی اور یہ محبت صرف کردار کو ہی نہیں بلکہ اس کو ادا کرنے والی ہانیہ عامر کو بھی ملی۔
ہانیہ عامر کی نہ صرف اداکاری ان کو سب کے دل میں خاص مقام دلواتی ہے بلکہ انکی دلکشی اور شوخ مزاجی کے بھی دیوانے کم نہیں۔
ہانیہ عامر پاکستانی شوبز انڈسٹری کا ایک ایسا نام ہے جو روز کی بنیاد پر شہ سرخیوں میں اپنی جگہ بنانے میں کامیاب رہتا ہے اور اس کی ایک خاص وجہ ان کا سوشل میڈیا پر متحرک رہنا ہے۔
اداکارہ اپنی انسٹاگرام اکاؤنٹ کی وجہ سے معروف کانٹینٹ کریئٹر کو ٹکر دیتی نظر آتی ہیں اور وہ پاکستانی بن چکی ہیں جنکو انسٹاگرام پر سب سے زیادہ فالو کیا رہا ہے۔
ہانیہ عامر نے ایک نئی ویڈیو فوٹو اینڈ ویڈیو شیئرنگ ایپ انسٹاگرام پر شیئر کی ہے جس میں وہ اپنی دلکش اداؤں کا بھرپور مظاہرہ کرتی نظر آئیں۔
View this post on InstagramA post shared by Hania Aamir 哈尼亚·阿米尔 (@haniaheheofficial)
ہانیہ عامر اس ویڈیو پر ہانیہ عامر نے پاکستان کوک اسٹوڈیو کے سیزن 15 کا مشہور گیت ‘مغروں لا’ لگایا اور اپنی حسین اداؤں سے سب کی توجہ حاصل کی۔
ہانیہ عامر ویڈیو کے آغاز میں یہ کہتی بھی نظر آئیں کہ وہ کہاں ہے، میں اتنی حسین ہوں، وہ کیوں نہیں آرہا، وہ کیوں میرا دل توڑ رہا ہے’۔
اس کے بعد ہانیہ عامر ہنستی، مسکراتی، دلکش پوز دیتی دکھیں اور اپنی ہی خوبصورتی پر خود ہی اتراتی بھی نظر آئیں۔
ہانیہ عامر اس ویڈیو میں اپنی کیوٹنس کا بھرپور مظاہرہ کرتی نظر آئیں لیکن جہاں انکی خوبصورتی اور کیوٹنس تعریفیں سمیٹتی دکھیں وہیں انکا لباس بھی توجہ کا مرکز بنا۔
ہانیہ عامر کا پہنا گیا لہنگا چولی بھارتی کلاتھنگ برانڈ ماہیما ماہاجن کا شاہکار ہے جس کا رنگ ‘روز’ جبکہ فیبرک اورگینزا ہے۔
کمنٹ سیکشن میں ہانیہ عامر کے چاہنے والے محبت سے بھرے کمنٹس کرتے دکھ رہے ہیں۔
انکی سہیلی یشما گِل نے بھی کمنٹ سیکشن کا رخ کیا اور لکھا کہ ‘بھائی تم کوئین ہو، بس بات ہی ختم ہوگئی’۔
مزیدپڑھیں:اسٹیبلشمنٹ سے مصالحت کی کوششیں، پی ٹی آئی کی خارجہ امور اور بین الاقوامی تعلقات کی کمیٹیاں تحلیل
ڈی جی خان: رشتے سے انکار پر لڑکی قتل