بالی ووڈ اداکار سونوسود کے وارنٹ گرفتاری جاری
اشاعت کی تاریخ: 7th, February 2025 GMT
نئی دہلی(نیوز ڈیسک) بالی وڈ اداکار اور اپنے فلاحی کاموں کی بدولت مشہور سونو سود ایک مقدمے کے سلسلے میں بڑی مشکل میں پھنس گئے۔جمعرات کو لدھیانہ کی ایک عدالت نے دھوکا دہی کے مقدمے میں گواہی نہ دینے کے بعد سونو سود کے خلاف وارنٹ گرفتاری جاری کر دیے۔اداکار کو یہ سمن لدھیانہ کے وکیل راجیش کھنہ کی طرف سے دائر کردہ ایک کیس کے سلسلے میں جاری کیا گیا تھا، جس نے ایک شخص موہت شکلا پر 10 لاکھ روپے کی دھوکا دہی کا الزام لگایا تھا۔ایڈوکیٹ راجیش کھنہ نے الزام لگایا تھا کہ موہت شکلا کے ذریعہ انہیں جعلی ریجیکا کوائن میں سرمایہ کاری کرنے کا لالچ دیا گیا تھا، اور اداکار کو اس معاملے میں گواہی دینا تھی۔
گواہی کے لیے طلب کرنے کے لیے عدالت نے اداکار کو بار بار سمن (طلبی کے نوٹس) جاری کیے لیکن انہوں نے ان پر کوئی توجہ نہیں دی، جس کے بعد عدالت نے وارنٹ گرفتاری جاری کردیے۔سونو سود کو گرفتار کرنے کے لیے یہ وارنٹ لدھیانہ کی جوڈیشل مجسٹریٹ رمن پریت کور نے جاری کیا ہے۔وارنٹ ممبئی کے اندھیری ویسٹ کے اوشیوارا پولیس اسٹیشن کو بھیجے گئے ہیں اور ساتھ ہی انہیں ہدایت کی گئی ہے کہ وہ اداکار کو گرفتار کر کے عدالت میں پیش کریں۔عدالتی حکم میں کہا گیا کہ ‘سونو سود کو مناسب طور پر سمن یا وارنٹ بھیجے گئے ہیں لیکن وہ حاضر ہونے میں ناکام رہے ہیں (مفرور ہے اور سمن یا وارنٹ سے بچنے کے مقصد سے غائب رہتا ہے) آپ کو حکم دیا جاتا ہے کہ سونو سود کو گرفتار کرکے عدالت میں پیش کیا جائے۔
حکم نامے میں مزید لکھا گیا کہ آپ کو اس وارنٹ کو 10 فروری 2025 کو یا اس سے پہلے واپس کرنے کی ہدایت کی جاتی ہے جس میں اس دن اور جس طریقے سے اس پر عمل کیا گیا ہے، یا اس پر عملدرآمد نہ ہونے کی وجہ کی تصدیق ہوتی ہو۔خیال رہے کہ حال ہی میں سونو سود نے ایک ایکشن سے بھرپور تھرلر فلم فتح کی ہدایت کاری کی ہے جو 10 جنوری کو سینما گھروں کی زینت بنی تھی۔یہ فلم COVID-19 وبائی امراض کے دوران حقیقی زندگی میں پیش آنے والے سائبر کرائم واقعات سے متاثر ہے۔خیال رہے کہ سونو سود کو عالمی وبا کے دوران دور دراز علاقوں سے ہجرت کر کے کام کی غرض سے شہروں میں آنے والے غریب مزدوروں کی مدد کرنے پر خوب پذیرائی ملی تھی۔
شمالی وزیرستان میں سیکیورٹی فورسز کا آپریشن، 12 خوارج ہلاک،فائرنگ کے تبادلے میں لانس نائیک شہید
.ذریعہ: Daily Ausaf
کلیدی لفظ: سونو سود کو اداکار کو
پڑھیں:
عالمی برادری مقبوضہ جموں و کشمیر میں ماورائے عدالت قتل کا سلسلہ بند کروائے، علی رضا سید
برسلز سے جاری ایک بیان میں مقبوضہ جموں و کشمیر میں جاری بھارتی مظالم کا حوالہ دیتے ہوئے کہا کہ ضلع کشتوار میں تین کشمیریوں کی شہادت ماورائے عدالت قتل کی تازہ ترین مثال ہے جس کے بارے میں بھارتی فوج نے دعویٰ کیا ہے کہ یہ تین افراد جھڑپ کے نتیجے میں مارے گئے۔ اسلام ٹائمز۔ کشمیر کونسل یورپ کے چیئرمین علی رضا سید نے عالمی برادری سے مطالبہ کیا ہے کہ وہ مقبوضہ جموں و کشمیر میں ماورائے عدالت قتل کا سلسلہ بند کروائے۔ذرائع کے مطابق علی رضا سید نے برسلز سے جاری ایک بیان میں مقبوضہ جموں و کشمیر میں جاری بھارتی مظالم کا حوالہ دیتے ہوئے کہا کہ ضلع کشتوار میں تین کشمیریوں کی شہادت ماورائے عدالت قتل کی تازہ ترین مثال ہے جس کے بارے میں بھارتی فوج نے دعویٰ کیا ہے کہ یہ تین افراد جھڑپ کے نتیجے میں مارے گئے جبکہ مقامی لوگوں کے مطابق بھارتی فوج نے محاصرے اور تلاشی کی کارروائی کے دوران ان نوجوانوں کو شہید کیا ہے۔ علی رضا سید نے بتایا کہ میڈیا رپورٹ کے مطابق ضلع کشتواڑ میں بھارتی فوج نے تلاشی کارروائی کے دوران علاقے کا محاصرہ کیا اور اس موقع پر تین کشمیری نوجوانوں کو شہید کر دیا۔ انہوں نے کہا کہ اس طرح کے واقعات کی عالمی سطح پر تحقیقات ہونی چاہیے۔ انہوں نے انسانی حقوق کی عالمی تنظیموں سے اپیل کی کہ وہ مقبوضہ جموں و کشمیر میں جاری بھارتی مظالم کا نوٹس لیں۔ بھارتی فوج مقبوضہ وادی میں روزانہ کی بنیاد پر کشمیری عوام کو ظلم و ستم کا نشانہ بنا رہی ہے۔ چیئرمین کشمیر کونسل ای یو نے کہا کہ قابض افواج نہ صرف کشمیری شہریوں کو ماورائے عدالت قتل اور غیر قانونی طور پر گرفتار کر رہی ہیں بلکہ خواتین، بزرگوں اور بچوں کو بھی نہیں بخشا جا رہا۔ںانہوں نے کہابکہ گھروں پر چھاپے اور غیرقانونی نظربندیاں روز کا معمول ہے۔ علی رضا سید نے کہاکہ ان ہتھکنڈوں کا مقصد کشمیریوں کی آواز کو دبانا اور تحریکِ آزادی کو کچلنا ہے۔ انہوں نے کہا کہ بھارتی حکام اب دبا ئو ڈال کر بعض کشمیریوں سے تحریک آزادی کشمیر کے خلاف بیانات دلوا رہے ہیں۔ یہ بھارت کا انتہائی اوچھا ہتھکنڈا ہے اور ناقابل قبول ہے۔ انہوں نے کہا کہ تنازعہ کشمیر جنوبی ایشیا کے امن کے لیے سنگین خطرہ بن چکا ہے جس کا پرامن حل ناگزیر ہے۔ انہوں نے اقوام متحدہ سمیت عالمی برادری، انسانی حقوق کی تنظیموں اور بااثر ممالک سے مطالبہ کیا کہ وہ مقبوضہ جموں و کشمیر میں انسانی حقوق کی بدترین پامالیوں کا نوٹس لیں اور کشمیری عوام کو ان کا جائز حق خودارادیت دلوانے کے لیے بھارت پر سیاسی اور سفارتی دبائو ڈالیں۔
’قومی ایوارڈز برائے فروخت‘، مصطفیٰ چوہدری اور خالد بٹ کی دلچسپ گفتگو