نوابشاہ ،سکون ریسٹورنٹ پرڈائریکٹر فوڈ اتھارٹی کاچھاپا
اشاعت کی تاریخ: 7th, February 2025 GMT
نوابشاہ (نمائندہ جسارت)سکون ریسٹورنٹ کورٹ روڈ نوابشاہ پر چھاپا شہر بھر میں ناقص خوراک والے ہوٹلوں پر چھاپے مارے جارہے شہریوں کی صحت کے لیے تمام تر اقدامات بروے کار لائے جائیں گے۔ نعمت اللہ کلاچی۔ نواب شاہ ڈپٹی ڈائریکٹر فوڈ اتھارٹی نعمت اللہ نے میڈیا سے بات چیت کرتے ہوئے کہا کہ آج ہم نے کمشنر کی ہدایات پر کارروائی کی ہے۔ عوام کی جانب سے متعدد شکایات موصول ہو رہی تھیں کہ ہوٹل انتظامیہ ناقص اور غیر معیاری کھانے فراہم کر رہی ہے، جو انسانی صحت کے لیے انتہائی نقصان دہ ہے۔چھاپے کے دوران ہوٹل میں کھانے پینے کی اشیا کی سنگین خلاف ورزیاں پائی گئیں۔ کئی اشیا جن میں سبزیاں، مٹن اور دیگر کھانے کے اجزا شامل ہیں، بغیر کسی ریفریجریشن کے طویل عرصے سے ذخیرہ کیے جا رہے تھے۔ غیر معیاری طریقے سے رکھے گئے ان کھانوں میں خطرناک بیکٹیریا، جیسے سالمونیلا پیدا ہو سکتے ہیں، جو فوڈ پوائزننگ اور سنگین بیماریوں کا سبب بن سکتے ہیں۔ڈائریکٹر فوڈ اتھارٹی نے مزید کہا کہ سکون ریسٹورنٹ کے خلاف کارروائی ایک منظم حکمت عملی کے تحت کی گئی، کیونکہ دو روز قبل ہمیں یہاں کے ناقص کھانے سے متعلق شکایات موصول ہوئیں۔ دورانِ چھاپہ بیکری آئٹمز، چاول اور دیگر فوڈ آئٹمز ایکسپائر پائے گئے۔فوڈ اتھارٹی نے فوری طور پر تمام غیر معیاری اور مضر صحت کھانے کو ضبط کر کے ضائع کرنے کا فیصلہ کیا۔ ہوٹل انتظامیہ پر 50 ہزار روپے جرمانہ عائد کیا گیا اور سکون ریسٹورنٹ کو فوری طور پر سیل کر دیا گیا۔
.ذریعہ: Jasarat News
کلیدی لفظ: سکون ریسٹورنٹ فوڈ اتھارٹی
پڑھیں:
گرینڈ اوپزیشن اجلاس؛ اسد قیصر کے گھر کھانا کھانے کے بعد مولانا فیضل الرحمان نے حکومت سے استعفا مانگ لیا
پی ٹی آئی کے رہنما اسد قیصر کے گھر پر کھانے کی دعوت میں مولانا فضل الرحمان، شاہد خاقان عباسی، ناصر عباس اور محمود اچکزئی بھی پہنچ گئے۔ سب نے مل کر کھانا کھایا، "گرینڈ اپوزیشن کا اجلاس" کیا اور مولانا نے حکومت کے استعفے کا مطالبہ کیا۔
اس کھانے کی دعوت کے موقع پر پی ٹی آئی اور اس کی اتحادی جماعتوں شیعہ حزب وحدت، سنی اتحاد کونسل، پختونخوا ملی عوامی پارٹی کے ساتھ مولانا فضل الرحمان اور شاہد خاقان عباسی بھی موجود تھے۔ سب نے مل کر "گرینڈ اپوزیشن کا اجلاس" کیا۔ پی ٹی آئی کے مصطفیٰ نواز کھوکر، عمر ایوب، شبلی فراز اور اسد قیصر کے ساتھ پی ٹی آئی کی اتحادی جامعت شیعہ حزب وحدت کے لیدر علامہ ناصر عباس بھی موجود تھے،۔
سوئیڈن ؛ سکول میں فائرنگ،10 افراد ہلاک
مولانا فضل الرحمان، محمود خان اچکزئی اور شاہد خاقان عباسی بھی موجود تھے۔ سنی اتحاد کونسل کے سربراہ حامد رضا کو بھی اس کھانے کی دعوت اور اجلاس میں آنا تھا لیکن وہ نہیں پہنچے۔
اس ملاقات کے حوالے سے پی ٹی آئی کے ذرائع کئی روز سے بتا رہے تھے کہ یہاں "گرینڈ اپوزیشن الائنس" بنایا جائے گا۔ آج شب پی ٹی آئی کے ذرائع نے بتایا کہ اسد قیصر کے گھر پر کھانے کی دعوت کے ساتھ ہونے والے اجلاس میں "حکومت کے خلاف ممکنہ الائنس کا بھی لائحہ عمل تیار کیا جائے گا۔"
لاہور میں بارش؟ خدا آپ کو صبر عطا کرے!
اسد قیسر کے گھر پر کھانے کی دعوت پر پہنچنے کے بعد مولانا فضل الرحمن نے میڈیا سے گفتگو کرتے ہوئے کہا، آج ہم اسد قیصر کی دعوت پر اپوزیشن کا الائنس یہاں آیا، سیاسی صورتحال پر تبادلہ خیال ہوا۔ مولانا فضل الرحمان نے بتایا کہ یہاں جمع ہونے والی سب جماعتوں کا یہ موقف تھا کہ 08 فروری کا الیکشن دھاندلی زدہ الیکشن تھا۔یہ منڈیٹ عوام کا منڈیٹ نہیں ہے۔
آٹھ فروری 2024 کے الیکشن کے بعد مولانا فضل الرحمان اس الزام کے ساتھ مدت تک احتجاج کرتے رہے کہ خیبر پختونخوا مین ان کی نشستیں دھاندلی کر کے پی ٹی آئی کے امیدواروں کو دے دی گئیں۔ اب فروری 2025 میں وہ پی ٹی آئی کے ساتھ گرینڈ الائنس بنا چکے ہیں اور دھاندلی کا الزام بھی لگاتے ہیں لیکن اب وہ یہ نہین کہتے کہ ان کی نشستیں دھاندلی کر کے کس کو دی گئیں۔
کل مارکیٹیں بند رکھنے کا اعلان
مولانا فضل الرحمان نے مزید کہا، اس جماعت کو مزید اقتدار میں رہنے کا کوئی حق نہیں ہے۔ موجودہ حکومت زبردستی عوام پر مسلط کی گئی ہے۔
مولانا فضل الرحمان نے کہا، نیا الیکشن ملک کو "مالی دہشت گردی" اور "دیگر بحران" سے نکالنے کا حل ہے. سیاسی قیدیوں کی رہائی ہونی چاہیے.پیکا قانون کا خاتمہ ہونا چاہیے.
ڈمپل کوئین کا پورا کیک اکیلے کھانے کا 'صحیح طریقہ'!
آج کے اجلاس کے بعد آنے والے وقت میں بھی مشاورت جاری رکھی جائے گی.
Waseem Azmet
ایف بی آر نے حکومت سے 30 ارب روپے مانگ لیے