مہنگائی بڑا بحران تھا،اس کی بڑھوتی میں کمی آئی، قیصر شیخ
اشاعت کی تاریخ: 7th, February 2025 GMT
اسلام آباد:
رہنمامسلم لیگ (ن) قیصر احمد شیخ کا کہنا ہے کہ جہاں تک پاکستان کے ایک سال کا تعلق ہے، اکنامک فگرز سے تو کوئی انکار کر ہی نہیں سکتا مثلاً مہنگائی میں کمی ہوئی ہے، یہ اعداد و شمار ادارہ شماریات کے ہیں ہم سب ان سے اتفاق کرتے ہیں۔
ایکسپریس نیوز کے پروگرام کل تک میں گفتگو کرتے ہوئے انھوں نے کہا کہ 28 فیصد سے اگر دو، تین فیصد پر چلی گئی ہے، مہنگائی سب سے بڑا بحران تھا، یہ نہیں کہ مہنگائی کم ہوئی ہے، مہنگائی کی جو بڑھوتی ہے اس میں کمی آئی ہے تو یہ بہت بڑی بات ہے۔
رہنما تحریک انصاف فیصل چوہدری نے کہا کہ میں غصہ نہیں کرتا ہوں، کبھی کبھی آپ ضبط کھو بیٹھتے ہیں، میں کوشش تو کرتا ہوں کہ غصہ نہ کروں، عمران خان نے آرمی چیف کو جو خط لکھا ہے اس کے مندرجات بتائے تو مجھے اور میرے جونیئرز کو کہا کہ آپ جائیں، مجھے انھوں نے کہا کہ آپ کا نام کلیئر نہیں ہے، مجھے نہیں سمجھ آتی کہ یہ کون لوگ ہیں جو پیچھے بیٹھ کر فیصلے کر رہے ہیں۔
ایک سوال پر انھوں نے کہا کہ خط لکھا جا سکتا ہے اس میں کوئی قباحت نہیں۔
تجزیہ کار حفیظ اللہ نیازی نے کہا کہ میرے پاس کرسٹل بال تو ہے نہیں، نہ مجھے زائچے نکالنے آتے ہیں، میں تو یہ دیکھتا ہوں کہ جو ہسٹری ہوتی ہے اسے اپنے آپ کو دہرانا ہوتا ہے، واقعات کا جو سلسلہ ہوتا ہے اگر پہلے یہی متغیرات تھے، یہی حالات تھے اور اگر کوئی کام کیا گیا ہے توکس طرح کامیاب ہوا ہے، مت بھولیں کے8 فروری کے بعد عمران خان پورے ملک میں کوئی چار لاک ڈاؤنز کی کال دے چکے ہیں جو صدا بصحرا ثابت ہوئی تھیں، اب میں کیسے مان لوں کہ ان کی کال کامیاب ہو جائے گی۔
.ذریعہ: Express News
کلیدی لفظ: نے کہا کہ
پڑھیں:
اڈیالہ جیل داخلے سے روکنے پر فیصل چوہدری برہم، جیل عملے کو مغلظات سے نواز دیا
راولپنڈی:بانی پی ٹی آئی عمران خان کے وکیل فیصل چودھری کو اڈیالہ جیل داخلے سے روک دیا گیا، فیصل چوہدری عملے پر برہم ہوگئے اور مغلظات بکیں، جیل عملے کے خلاف درخواست بھی دے دی۔
ایکسپریس نیوز کے مطابق جیل کے داخلی گیٹ پر فیصل چودھری اور جیل عملے کے مابین تلخ کلامی ہوئی، دو گھنٹے تک ڈپٹی سپرنٹنڈنٹ کے کمرے میں بٹھا کر فیصل چودھری کو واپس جانے کا کہہ دیا گیا جس پر فیصل چودھری نے اڈیالہ جیل چوکی میں جیل انتظامیہ کے خلاف مقدمہ درج کرنے کی درخواست دے دی۔
درخواست میں فیصل چوہدری نے کہا کہ میں عمران خان کا وکیل ہوں ان کے تمام مقدمات میں پیش ہوتا ہوں، عمران خان کے تمام کیسز میں میرا وکالت نامہ جمع ہے، آج جیل عملے نے داخلی دروازے پر روک دیا اور اندر جانے کی اجازت نہیں دی، انسداد دہشت گردی عدالت نے نو مئی جی ایچ کیو کیس کی سماعت مقرر کی تھی، داخلی گیٹ پر جیل عملے نے بتایا آج آپ کو اندر جانے اجازت نہیں اور احتجاج کرنے پر مجھے ڈپٹی سپرینڈنٹ جیل کے کمرے میں دو گھنٹے تک بٹھایا گیا۔
درخواست میں کہا گیا ہے کہ دو گھنٹے تک مجھے حبس بیجا میں رکھا گیا، جیل عملہ پورا وقت میرے اور میرے ساتھ آئے سائلین کو ہراساں کرتا رہا، درخواست ہے ملزمان کے خلاف قانونی کاروائی کی جائے۔
اطلاعات ہیں کہ اڈیالہ جیل چوکی نے فیصل چودھری کی درخواست وصول کرلی۔
بعدازاں فیصل چوہدری کی جیل عملے سے تلخ کلامی کی ویڈیو بھی سامنے آگئی، ویڈیو میں دیکھا جاسکتا ہے کہ فیصل چوہدری جیل عملے پر آگ بگولا ہوئے، فیصل چوہدری اسسٹنٹ سپرنٹنڈنٹ کے سامنے گالیاں دیتے رہے اور کہتے رہے کہ مجھے کیوں روکا گیااور کس کی جرات ہے مجھے کلئیر نہیں کیا گیا، جواب میں اسسٹنٹ سپرنٹنڈنٹ عمران ریاض فیصل چوہدری کو وضاحتیں دیتے رہے۔
بعدازاں میڈیا سے گفت گو میں انہوں ںے کہا کہ الیکشن کمیشن انتخابات 2024ء کرانے میں ناکام رہا، کراچی کی سب سیٹیں خیرات میں دی گئی اگر ڈبے کھل جاتے ہیں آرٹیکل 6 لگ جاتا ہے۔
انہوں نے کہا کہ بڑھتی ہوئی دہشت گردی پر عوام کو ساتھ ملایا جائے عوام ہیں تو ریاست ہے، لیڈرشپ کی توہین کی گئی، مجھے اڈیالہ جیل میں محبوس رکھا گیا میں نے درخواست دے دی ہے اور آئینی حق محفوظ رکھتا ہوںں، آج نادیدہ قوتوں نے مجھے روکا، میں بار کونسلز کو درخواست کرتا ہوں وکلاء کی توہین ہے۔
ان کا کہنا تھا کہ وکلاء کی عزت کی حفاظت کریں، ہم بانی پی ٹی آئی کے لکھے گے خط سے متفق ہیں، خط میں جن معاملات کا اظہار کیا گیا وہ بہت اہم ہیں، پاکستان میں آزاد عدلیہ، آزاد میڈیا چاہتے ہیں۔
ان کا کہنا تھا کہ خط پڑھ لیا گیا ہے اور خط کا جواب بھی آگیا ہے، اس کا جواب دینا چاہیے، اپوزیشن نے اس خط کے مندرجات سے اتفاق کیا ہے، چارج شیٹ کا لفظ ٹھیک نہیں ہے۔
انہوں نے کہا کہ آج بشریٰ بی بی کی ملاقات عدالتی حکم کے باوجود نہیں بنائی گی، بانی کی بچوں سے بات نہیں کرائی گی، ڈاکٹروں کا چیک اپ بھی نہیں ہوا۔
ڈبل گیم کھیلنے والوں کو جانتے ہیں، افواج دوست نما دشمنوں کو شکست دے گی: آرمی چیف