ڈیننگ اسپورٹس فیسٹول، ٹیبل ٹینس گرلز ایونٹ بحریہ کے نام
اشاعت کی تاریخ: 7th, February 2025 GMT
کراچی (اسپورٹس رپورٹر) ڈیننگ اسپورٹس سوسائٹی کے زیر اہتمام اور ڈیننگ اسپورٹس ڈپاٹمنٹ کے تعاون سے دوسرے ڈیننگ اسپورٹس فیسٹول کا ٹیبل ٹینس گرلز ایونٹ بحریہ یونیورسٹی نے جیت لیا جبکہ بوائز میں فاسٹ یونیورسٹی نے میدان مار لیا۔ٹیبل ٹینس ایونٹ میں شہر قائد کی 16 یونیورسٹیز نے بھر پور شرکت کی۔ ڈیننگ یونیورسٹی کے ریجنل اسپورٹس کو آرڈی نیٹر کاشف احمد فاروقی کے مطابق ٹیبل ٹینس بوائز اور گرلز ایونٹ کے مقابلے سندھ اسپورٹس بورڈ میں منعقد ہوئے، سندھ اولمپک ایسوسی ایشن کے سیکریٹری جنرل احمد علی راجپوت مہمان خصوصی تھے،جبکہ اس موقع پرڈیننگ اسپورٹس سوسائٹی کی صدر زھرا مظہر، سندھ فینسنگ ایسوسی ایشن کے سیکریٹری محمد تقی، پرنسپل گورنمنٹ فار مین کالج ناظم آباد پروفیسر نوید احمد ہاشمی، پروفیسر سید غوریخان، عظیم الشان، تحسین احمد،محمد وسیم، مظہر چنہ، محمد طلحہ، حسن عرفان، کھیلوں کی صحافت سے وابستہ نامور جرنلسٹس اصغر عظیم، شکیل یامین کانگا،شہزادہ معین،عمر شاہین، محمد حماد، وسیم قریشی، ارشد وہاب،ریحان اکرم، شہزاد قادر، جنید راجپوت، محمد ندیم صدیقی، عدنان صدیقی اور دیگر بھی موجود تھے۔ مہمان خصوصی احمد علی راجپوت نے ڈیننگ یونیورسٹی کے شعبہ اسپورٹس کو اس شاندار اسپورٹس فیسٹول کے انعقاد پر مبارک باد پیش کرتے ہوئے کہا کہ یونیورسٹی لیول پر ہونے والے تمام ایونٹس میں کھیل کا معیار بہت بلندتھا اس ایونٹ سے بھی بہترین ٹیلنٹ سامنے آئے گا، انہوں نے ٹیبل ٹینس کھیل کر مقابلوں کا افتتاح بھی کیا۔ ٹیبل ٹینس ٹیم ایونٹ میں 16 ٹیموں نے شرکت کی،بوائز کے فائنل میں فاسٹ یونیورسٹی نے آئی او بی ایم کو شکست دے کر ایونٹ اپنے نام کیا جبکہ بحریہ یونیورسٹی نے تیسری پوزیشن حاصل کی۔ گرلز مقابلوں میں بحریہ یونیورسٹی نے پہلی پوزیشن حاصل کی جبکہ ڈیننگ نے دوسری اور اقرا یونیورسٹی نے تیسری پوزیشن پر قبضہ جمایا۔ ٹیکنیکل آفیشلز میں محمد ناصر، دامیر احمد،شایان خان،سنیل حسین،محمد امان اور عظیم شامل تھے۔ ڈیننگ اسپورٹس فیسٹول کے اسپانسرز میں ماسٹر فیس ماسک، ایم ٹی مرچانی ٹریولز، تیملا، الغنی موٹرز، سعد ہائیٹس، ایم ایم وائی ایسوسی ایٹ، فے کمپنی، جسٹ ڈرایؤ ،میدان، احسن کنول اور کوئس شامل ہیں دوسرے ڈیننگ اسپورٹس فیسٹول میں سات کھیلوں کو شامل کیا گیا ہے جن میں بیڈ منٹن، ٹیبل ٹینس، کرکٹ، فٹسال، روئنگ، باسکٹ بال اور تھروبال شامل ہیں۔
.ذریعہ: Jasarat News
کلیدی لفظ: یونیورسٹی نے ٹیبل ٹینس
پڑھیں:
گورنمنٹ گرلز ڈگری کالج نمبر1ڈیرہ میں یوم یکجہتی کشمیرکی پروقار تقریب کا انعقاد
گورنمنٹ گرلز ڈگری کالج نمبر1ڈیرہ میں یوم یکجہتی کشمیرکی پروقار تقریب کا انعقاد WhatsAppFacebookTwitter 0 5 February, 2025 سب نیوز
ڈیرہ اسماعیل خان ( محمد ریحان ) گورنمنٹ گرلز ڈگری کالج نمبر1ڈیرہ میں یوم یکجہتی کشمیرکے حوالے سے پروقار تقریب کا انعقاد،مہمان خصوصی اسٹیشن کمانڈر ڈیرہ بریگیڈیئر عامر حیات تھے،تقریب میں کشمیری عوام کے ساتھ بھرپور یکجہتی کا اظہار ۔
تفصیلات کے مطابق گورنمنٹ گرلز ڈگری کالج نمبر1ڈیرہ میں یوم یکجہتی کشمیرکے حوالے سے پروقار تقریب کا انعقادکیا گیا، تقریب کے مہمان خصوصی اسٹیشن کمانڈر ڈیرہ بریگیڈیئر عامر حیات تھے، مہمان خصوصی کی آمد پر کالج کی پرنسپل اور طالبات نے انکا شاندار استقبال کیا،تقریب کے دوران طالبات نے تقاریر، قومی نغمے اور ٹیبلوز پیش کئے، شرکا نے کشمیری عوام کے ساتھ بھرپور یکجہتی کا اظہار کیا،بہترین کارکردگی دکھانے والے اساتذہ کرام اورطلبہ میں انعامات تقسیم کیے گئے،تقریب میں تحریک آزادی کشمیر کے شہدا کو خراجِ عقیدت پیش کیا گیا اور جدوجہد جاری رکھنے کا عزم دہرایا گیا
تقریب میں کالج ہذا کی جانب پرنسپل عافیہ سعادت نے اسٹیشن کمانڈر ڈیرہ کو شیلڈ بھی پیش کی ، اس موقع پر اسٹیشن کمانڈر ڈیرہ بریگیڈیئر عامر حیات نے کالج ہذا کے مختلف حصوں کا دورہ کیا اور کالج ہذا کو پاک فوج کی جانب سے 100کرسیوں کا تحفہ بھی پیش کیا تاکہ وہاں پر مزید بہتر انداز میں تعلیمی سرگرمیوں سرانجام دی جا سکیں ۔
ارشد شریف قتل کی تحقیقات کیلیے جوڈیشل کمیشن بنانے کی درخواست کی کاز لسٹ منسوخ