پولیو قطرے پلانےسے انکار پر 3افراد گرفتار
اشاعت کی تاریخ: 7th, February 2025 GMT
کراچی ( اسٹاف رپورٹر )شیرشاہ بچوں کوپولیوکے قطرے پلانے سے انکارپرپولیو ورکرزسے جھگڑا کرنے والے3 افراد کو پولیس نے گرفتارکرکے تھانے منتقل کر دیا۔ تفصیلات کے مطابق شیرشاہ تھانے کی حدود محمدی روڈگلی نمبر 14 میں بچوں کوپولیو کے قطرے پلانے سے انکار پر پولیو ورکرزسے جھگڑا کرنے والے تین افراد عابد آفریدی ولد اول بادشاہ، عامر آفریدی ولد نور اصغراور حسنین آفریدی ولد اول بادشاہ کو پولیس نے گرفتارکرکے تھانے منتقل کردیا۔
.ذریعہ: Jasarat News
پڑھیں:
حیدر آباد میں7 روزہ انسدا پولیو مہم کا آغاز
حیدرآباد: انسداد پولیو مہم کے دوران خاتون ہیلتھ ورکرز لطیف آباد میں ایک بچے کو پولیو کے قطرے پلا رہی ہیںحیدرآباد(اسٹاف رپورٹر)یس ایس پی حیدر آباد ڈاکٹر فرخ علی اور ڈپٹی کمشنر حیدرآباد زین العابدین میمن نے بچوں کو پولیو کے قطرے پلاکر 7 روزہ انسدا پولیو مہم کا آغاز کردیا، 03 فروری سے شروع ہونے والی سات روزہ مہم 09 فروری تک جاری رہے گی، ایس ایس پی حیدرآباد ڈاکٹر فرخ علی نے پولیو ٹیموں سے بھی ملاقات کی اور انہیں مہم کو کامیاب بنانے کے متعلق ہدایات دی ،پولیو مہم کے دوران حیدرآباد کی 4 تحصیلوں میں 3 لاکھ 14 ہزار 80 بچوں کو پولیو سے بچا¶
کے قطرے پلائے جائیں گے ،پولیو مہم میں 985 پولیو ٹیم 160 اور 160 UCMOs حصہ لے رہے ہیں،اس کے علاوہ 36 ٹرانزٹ پوائنٹس اور 90 فکس سائیٹ بھی قائم کیے گئے جہاں مقرر عملہ اس مہم کے دوران بچوں کو پولیو کے قطرے پلائے گا،ڈسٹرکٹ پولیس حیدرآباد کے 1143 پولیس افسران و جوان بھی پولیو ٹیموں کی سیکورٹی کے فرائض سرانجام دیں گے، پولیو ٹیمیں محنت اور لگن سے کوشش جاری رکھیں جس سے ہمارے بچے پولیو سے ہمیشہ محفوظ رہیں،والدین اپنے بچوں کو پولیو کے قطرے باقاعدگی سے پلائیں جس سے پولیو سے نجات ممکن ہوسکے۔ ایس ایس پی حیدرآباد ڈاکٹر فرخ علی نے شہریوں سے خصوصی اپیل کی ہے کہ وہ پولیو مہم کو کامیاب بنانے میں اپنا کردار ادا کریں اور ان کے گھر آنے والی ٹیموں سے تعاون کو یقینی بنائیں تاکہ پاکستان کا مستقبل محفوظ بنایا جاسکے اور اسکے آنے والے معمور بچوں کو اس خطرناک مرض سے مکمل نجات دلائی جاسکے۔
زین العابدین میمن
ججز دیانتداری سے فیصلے کریں، کوئی بے گناہ جیل میں ہو توعذاب الٰہی قریب ہوتا ہے، جسٹس عقیل عباسی