الخدمت حیدرآباد کے تحت100مستحق خاندانوں میں ونٹر پیکجز تقسیم
اشاعت کی تاریخ: 7th, February 2025 GMT
حیدر آباد،الخدمت کے تحت ونٹر پیکجز تقسیم کی تقریب سے امیر ضلع حافظ طاہر مجید،نعیم عباسی،ڈاکٹر سیف الرحمان،ڈاکٹر اشفاق قریشی اور جاوید اقبال خطاب کررہے ہیں
حیدرآباد( اسٹاف رپورٹر)الخدمت فاو¿نڈیشن ضلع حیدرآباد کے تحت100مستحق خاندانوں میں ونٹر پیکجز تقسیم کی تقریب کا انعقاد دیال داس کلب حیدرآباد میں کیا گیا۔تقریب کے مہمان خصوصی سرپرست الخدمت فاو¿نڈیشن و امیر جماعت اسلامی حیدرآباد حافظ طاہر مجید نے مستحق خاندانوں میں ونٹر پیکج تقسیم کیے۔ الخدمت فاو¿نڈیشن حیدرآباد کے
صدر نعیم عباسی، نائب صدر ڈاکٹر سیف الرحمن، گورنمنٹ کالج یونیورسٹی حیدرآباد کے صدر ڈاکٹر اشفاق قریشی، ٹریفک اینڈ روڈ سیفٹی فاو¿نڈیشن کے چیئرمین جاوید اقبال بھی شریک تھے۔ سرپرست الخدمت فاو¿نڈیشن و امیر جماعت اسلامی حیدرآباد حافظ طاہر مجید نے تقریب سے خطاب کرتے ہوئے کہا کہ الخدمت فاو¿نڈیشن کے تحت ہر سال مستحق افراد میں لحاف، بستر، تکیے اور گرم کپڑے تقسیم کیے جاتے ہیں، سردی میں غریب لوگوں کی مشکلات میں اضافہ ہو جاتا ہے اور سردی کے باعث بچے، خواتین اور بزرگ تکلیف میں ہوتے ہیں ونٹر پیکج کا تحفہ نہ صرف سردی سے بچنے کے لیے کارآمد ثابت ہوتا ہے بلکہ بیماریوں سے بھی بچاتا ہے۔انہوں نے مزید کہا کہ الخدمت کا وژن ہے کہ لوگوں کو اس طرح سہارادیاجائے کہ وہ اپنے پاو¿ں پر کھڑے ہو جائیں، الخدمت کے ذمے داران اورکارکنان بے غرض ہو کر عوام کی خدمت کررہے ہیں۔الخدمت فاو¿نڈیشن ہرسال ہزاروں خاندانوں میں ونٹر پیکج تقسیم کرتی ہے،بے سہارا لوگوں کی مدد دینی فریضہ اور ہم سب کی معاشرتی ذمے داری ہے،انہوں نے کہا کہ اس وقت شدید سردی ہے، بعض غریب خاندانوں کے پاس سردی سے بچاو¿ کے لیے مناسب گرم کپڑے نہیں ہے ضرورت اس امر کی ہے مخیرحضرات حیدرآباد کے غریب مکینوں کے لیے گرم کپڑوں کا بندوبست کریں۔بچوں اور ضعیف افراد کو شدید سردی سے بچانے کے لیے اہل خیر افراد الخدمت فاو¿نڈیشن کے ساتھ تعاون کریں۔
ذریعہ: Jasarat News
کلیدی لفظ: الخدمت فاو نڈیشن حیدرآباد کے تقسیم کی کے لیے
پڑھیں:
کیا وفاقی حکومت سپر ٹیکس کی رقم اس طرح سے صوبوں میں تقسیم کر سکتی ہے؟ جج آئینی بینچ
سرپم کورٹ کے جج جسٹس جمال خان مندوخیل نے استفسار کیا ہے کہ کہ کیا سپر ٹیکس کا پیسہ صوبوں میں وفاقی حکومت تقسیم کرتی ہے، رقم 8 روپے ہو یا 8 ٹریلین کیا، اس طرح تقسیم کی جا سکتی ہے۔
سپریم کورٹ میں سپر ٹیکس سے متعلق کیس کی سماعت ہوئی، جسٹس امین الدین خان کی سربراہی میں پانچ رکنی بینچ سماعت کر رہا ہے۔
دوران سماعت جسٹس امین الدین خان نے کہا کہ آپ کی غیر موجودگی میں وکلاء سے کہا کہ دلائل دے لیں، وکلا نے کہا کہ مخدوم علی خان سینئر ہیں جب تک وہ ختم نہیں کریں گے، ہم دلائل نہیں دیں گے، کوشش کریں آپ دلائل جلدی ختم کر لیں۔
وکیل مخدوم علی خان نے کہا کہ میں اپنے دوست خواجہ حارث کو فالو کرتا ہوں کوشش کروں گا جتنی جلدی ختم کر سکوں، مخدوم علی خان نے دلائل کا آغاز کیا اور مؤقف اختیار کیا کہ انکم ٹیکس آمدن پر لگایا جاتا ہے اس میں کوئی خاص مقصد نہیں ہوتا، ٹیکس کا سارا پیسہ قومی خزانے میں جاتا ہے۔
جسٹس جمال خان مندوخیل نے کہا کہ کیا سپر ٹیکس کا پیسہ صوبوں میں وفاقی حکومت تقسیم کرتی ہے، مخدوم علی خان نے استدلال کیا کہ وزیر خزانہ کی تقریر کے مطابق سپر ٹیکس کا پیسا بےگھر افراد کی بحالی کے لیے استعمال ہونا تھا، 2016 میں سپر ٹیکس شروع کیا گیا 2017 میں ایک سال کے لیے توسیع کی گئی، 2019 میں توسیع کے لفظ کو "onwards" کر دیا گیا۔
مخدوم علی خان نے دلیل دی کہ 2016 میں جس مقصد کے لئے ٹیکس اکھٹا کیا گیا تھا اس میں صوبوں میں تقسیم نہیں ہونا تھا، ٹیکس سے متعلق تمام اصول 1973 کے آئین میں موجود ہیں۔
جسٹس جمال خان مندوخیل نے ایڈیشنل اٹارنی جنرل سے استفسار کیا کہ رقم آٹھ روپے ہو یا آٹھ ٹریلین کیا اس طرح تقسیم کی جا سکتی ہے، وکیل حافظ احسان نے جواب دیا کہ یہاں معاملہ رقم کی تقسیم کا نہیں ہے، رقم کی تقسیم کے حوالے سے عدالت نے کوئی احکامات جاری نہیں کیے۔
مخدوم علی خان نے مؤقف اپنایا کہ اس وقت تک ایک روپیہ بھی بےگھر افراد کی بحالی پر خرچ نہیں ہوا، انکم ٹیکس اور سپر ٹیکس میں فرق ہے، آمدن کم ہو یا زیادہ انکم ٹیکس دینا پڑتا ہے، انکم ٹیکس آرڈیننس کی شق 113 کے مطابق کم سے کم آمدن پر بھی ٹیکس لاگو ہوتا ہے۔
جسٹس امین الدین خان نے کہا کہ مخدوم صاحب آپ کو مزید کتنا وقت چاہیے، مخدوم علی خان نے کہا کہ میں پرسوں تک ختم کرنے کی کوشش کروں گا، جسٹس جمال خان مندوخیل نے مسکراتے ہوئے مخدوم علی خان سے مکالمہ کیا کہ آپ نے اپنے دوست کو اس معاملے میں فالو نہیں کرنا۔
اس کے ساتھ ہی سپریم کورٹ نے کیس کی سماعت کل تک ملتوی کر دی، مخدوم علی خان کل بھی دلائل جاری رکھیں گے۔
نائب تحصیل دار کی گاڑی پر بارودی مواد کا دھماکہ