الخدمت حیدرآباد کے تحت100مستحق خاندانوں میں ونٹر پیکجز تقسیم
اشاعت کی تاریخ: 7th, February 2025 GMT
حیدر آباد،الخدمت کے تحت ونٹر پیکجز تقسیم کی تقریب سے امیر ضلع حافظ طاہر مجید،نعیم عباسی،ڈاکٹر سیف الرحمان،ڈاکٹر اشفاق قریشی اور جاوید اقبال خطاب کررہے ہیں
حیدرآباد( اسٹاف رپورٹر)الخدمت فاو¿نڈیشن ضلع حیدرآباد کے تحت100مستحق خاندانوں میں ونٹر پیکجز تقسیم کی تقریب کا انعقاد دیال داس کلب حیدرآباد میں کیا گیا۔تقریب کے مہمان خصوصی سرپرست الخدمت فاو¿نڈیشن و امیر جماعت اسلامی حیدرآباد حافظ طاہر مجید نے مستحق خاندانوں میں ونٹر پیکج تقسیم کیے۔ الخدمت فاو¿نڈیشن حیدرآباد کے
صدر نعیم عباسی، نائب صدر ڈاکٹر سیف الرحمن، گورنمنٹ کالج یونیورسٹی حیدرآباد کے صدر ڈاکٹر اشفاق قریشی، ٹریفک اینڈ روڈ سیفٹی فاو¿نڈیشن کے چیئرمین جاوید اقبال بھی شریک تھے۔ سرپرست الخدمت فاو¿نڈیشن و امیر جماعت اسلامی حیدرآباد حافظ طاہر مجید نے تقریب سے خطاب کرتے ہوئے کہا کہ الخدمت فاو¿نڈیشن کے تحت ہر سال مستحق افراد میں لحاف، بستر، تکیے اور گرم کپڑے تقسیم کیے جاتے ہیں، سردی میں غریب لوگوں کی مشکلات میں اضافہ ہو جاتا ہے اور سردی کے باعث بچے، خواتین اور بزرگ تکلیف میں ہوتے ہیں ونٹر پیکج کا تحفہ نہ صرف سردی سے بچنے کے لیے کارآمد ثابت ہوتا ہے بلکہ بیماریوں سے بھی بچاتا ہے۔انہوں نے مزید کہا کہ الخدمت کا وژن ہے کہ لوگوں کو اس طرح سہارادیاجائے کہ وہ اپنے پاو¿ں پر کھڑے ہو جائیں، الخدمت کے ذمے داران اورکارکنان بے غرض ہو کر عوام کی خدمت کررہے ہیں۔الخدمت فاو¿نڈیشن ہرسال ہزاروں خاندانوں میں ونٹر پیکج تقسیم کرتی ہے،بے سہارا لوگوں کی مدد دینی فریضہ اور ہم سب کی معاشرتی ذمے داری ہے،انہوں نے کہا کہ اس وقت شدید سردی ہے، بعض غریب خاندانوں کے پاس سردی سے بچاو¿ کے لیے مناسب گرم کپڑے نہیں ہے ضرورت اس امر کی ہے مخیرحضرات حیدرآباد کے غریب مکینوں کے لیے گرم کپڑوں کا بندوبست کریں۔بچوں اور ضعیف افراد کو شدید سردی سے بچانے کے لیے اہل خیر افراد الخدمت فاو¿نڈیشن کے ساتھ تعاون کریں۔
ذریعہ: Jasarat News
کلیدی لفظ: الخدمت فاو نڈیشن حیدرآباد کے تقسیم کی کے لیے
پڑھیں:
حیدرآباد پولیس اور وکلا کے درمیان تنازع حل نہ ہوسکا
حیدرآباد پولیس اور وکلا کے درمیان تنازع حل نہ ہوسکا، وکلا نےایس ایس پی حیدرآباد کا تبادلہ نہ ہونے پر مرکزی قومی شاہراہ بند کردی ہے، جس کی وجہ سے لوگوں کو مشکلات کا سامنا ہے۔
حیدرآباد پولیس اور وکلا کےدرمیان کشیدگی بڑھتی جارہی ہے۔ ایس ایس پی کا تبادلہ نہ ہونے پر آج پھر وکلا نے ایس ایس پی آفس میں احتجاج کے بعد قومی شاہراہ پر دھرنا دے دیا۔
احتجاجی دھرنے کے باعث کراچی سے اندرون ملک آنے اور جانے والی ٹریفک معطل ہوگئی۔
صدر اور جنرل سیکریٹری ہائی کورٹ بار ایسوسی ایشن کا کہنا ہے کہ ایس ایس پی کا تبادلہ کر دیا جائے، وکلا پُرامن طریقے سے گھر چلے جائیں گے ورنہ احتجاج جاری رہے گا۔
دوسری جانب وکلا کے رویے کےخلاف حیدرآباد کے مختلف تھانوں کے ایس ایچ اوز نے گزشتہ روز احتجاجاً چھٹیوں پر جانے کی درخواست دے دی تھی، جس کو ڈی آئی جی نے مسترد کردیا اور ڈیوٹی پر واپس جانے کا حکم دیا تھا۔
حیدرآباد میں تین دن قبل وکیل کی گاڑی میں ہوٹر اور فینسی نمبر پلیٹ لگانے کے خلاف بھٹائی نگر پولیس نے مقدمہ درج کیا تھا۔ جس پر پولیس اور وکلا برادری کے درمیان کشیدگی پیدا ہوگئی تھی۔
ارشد شریف قتل کی تحقیقات کیلیے جوڈیشل کمیشن بنانے کی درخواست کی کاز لسٹ منسوخ