کراچی؛ کسٹمز کی کارروائی، اسمگل شدہ ٹائرز کی بڑی کھیپ برآمد
اشاعت کی تاریخ: 6th, February 2025 GMT
کراچی:
پاکستان کسٹمز انفورسمنٹ کراچی نے انسداد اسمگلنگ مہم کے تحت شہر میں ایک مشترکہ کارروائی کے دوران اسمگل شدہ ٹائرز کی ایک بڑی کھیپ برآمد کرلی۔
ڈپٹی کلیکٹر کسٹمز انفورسمنٹ کراچی رضا نقوی نے بتایا کہ خفیہ اطلاع موصول ہونے پر کسٹمز حکام نے سندھ رینجرز اور پولیس کے ہمراہ پرانی سبزی مندی یونیورسٹی روڈ پر قائم مختلف گوداموں پر چھاپہ مار کاروائی کی۔
ان کا کہنا تھا کہ اس کارروائی میں کروڑوں روپے مالیت کے ہزاروں اسمگل شدہ ٹائرز برآمد کرلیے گئے ہیں، چھاپے کے دوران برآمد ہونے والے اسمگل شدہ ٹائرز کو ایک 40 فٹ کنٹینر اور 27 مزدا ٹرکوں کے ذریعے اے ایس او کسٹمز کے گودام میں منتقل کردیا گیا ہے۔
انہوں نے بتایا کہ مذکورہ علاقے میں چھاپے کے دوران کسٹمز حکام کو شدید مزاحمت کا بھی سامنا کرنا پڑا۔
رضا نقوی کے مطابق کسٹمز کا عملہ ضبط شدہ ٹائرز کی درست تعداد، سائز، برانڈ اور مالیت کا تعین کرنے میں مصروف ہے کیونکہ برآمد ہونے ٹائرز مختلف اقسام کے بنڈلز کی صورت میں برآمد ہوئے ہیں۔
انہوں نے کہا کہ امکان ہے کہ اسمگلروں کے منظم گروہ کی جانب سے یہ ٹائرز افغانستان سے اسمگل کرکے بلوچستان پہنچائے اور بعدازاں انہیں منظم انداز میں کراچی پہنچا کر مختلف گوداموں میں ڈمپ کیے تھے جنہیں تھوک کی سطح پر فروخت کیا جانا تھا۔
.ذریعہ: Express News
کلیدی لفظ: اسمگل شدہ ٹائرز
پڑھیں:
گوادر: پسنی میں گاڑی سے 54 کلو آئس برآمد
—فائل فوٹوبلوچستان کے ساحلی شہر گوادر کی تحصیل پسنی میں 1 گاڑی سے 54 کلو آئس برآمد کر لی گئی۔
ترجمان اینٹی نارکوٹکس فورس کے مطابق اے این ایف کے عملے نے اطلاع ملنے پر گوادر کے علاقے پسنی میں کارروائی کرتے ہوئے 1 لاوارث گاڑی سے 54 کلو آئس برآمد کی ہے۔
اینٹی نارکوٹکس فورس (اے این ایف) کی جانب سے منشیات اسمگلنگ کے خلاف 8 کارروائیاں کی گئیں جس میں 3 ملزمان کو گرفتار کیا گیا۔
انہوں نے بتایا ہے کہ منشیات اسمگلنگ کی غرض سے گاڑی میں چھپائی گئی تھی۔
کارروائی میں کوئی گرفتاری عمل میں نہیں آ سکی ہے، مزید تحقیقات جاری ہے۔
ملک میں معاشی استحکام کیساتھ روزگار کے نئے مواقع پیدا ہو رہے ہیں؛ وزیر قانون اعظم نذیر تارڑ