خیبرپختونخوا: کرک میں پولیس چوکی پر حملہ، 3 اہلکار شہید، 6 زخمی
اشاعت کی تاریخ: 6th, February 2025 GMT
پشاور:خیبر پختونخوا ( کے پی کے ) کے ضلع کرک میں شرپسندوں نے ایک پولیس چوکی پر حملہ کیا، جس کے نتیجے میں 3 پولیس اہلکار شہید اور 6 زخمی ہوگئے۔
میڈیا رپورٹس کے مطابق وفاقی وزیر داخلہ محسن نقوی اور وزیر اعلی خیبرپختونخوا علی امین گنڈاپور نے اس واقعے کی شدید مذمت کی اور شہید ہونے والے اہلکاروں کو خراج عقیدت پیش کیا۔
پولیس حکام کے مطابق یہ حملہ تھانہ خرم تحصیل بانڈہ داد شاہ کی چوکی پر ہوا، جہاں مسلح افراد نے بھاری ہتھیاروں سے فائرنگ کی، پولیس کی جوابی کارروائی کے دوران حملہ آور فرار ہوگئے، ڈی پی او کرک نے بتایا کہ حملے میں شہید ہونے والوں میں ڈرائیور نقیب اور عدنان شامل ہیں۔
زخمی اہلکاروں کو فوری طور پر ڈسٹرکٹ ہیڈ کوارٹر اسپتال منتقل کیا گیا، جہاں ایک اور پولیس اہلکار تیمور حیات زخموں کی تاب نہ لاتے ہوئے دم توڑ گیا۔ زخمیوں کی حالت تشویشناک بتائی جا رہی ہے، اور انہیں پشاور ریفر کر دیا گیا ہے۔
واقعے کے بعد پولیس نے علاقے میں سرچ آپریشن شروع کر دیا ہے، عینی شاہدین نے بتایا کہ نامعلوم حملہ آوروں اور پولیس کے درمیان فائرنگ کا سلسلہ دیر تک جاری رہا، آئی جی پختونخوا ذوالفقار حمید نے موقع پر پہنچ کر تفصیلات معلوم کیں اور مزید احکامات جاری کیے۔
.ذریعہ: Jasarat News
پڑھیں:
خیبرپختونخوا پولیس کی لازوال قربانیوں کو قدر کی نگاہ سے دیکھتے ہیں: محسن نقوی
ویب ڈیسک:وفاقی وزیر داخلہ محسن نقوی نے کہا ہے کہ خیبرپختونخوا پولیس کے بہادر سپوتوں نے اپنے خون سے وطن عزیز کے امن کی آبیاری کی ہے۔
وفاقی وزیرداخلہ محسن نقوی نے کرک میں پولیس چوکی بہادر خیل پر فتنہ الخوارج کے دہشتگردوں کی فائرنگ کے واقعہ مذمت کی اور فائرنگ سے شہید ہونے والے پولیس اہلکاروں کو خراج عقیدت پیش کیا،محسن نقوی نے شہید پولیس اہلکاروں کے لواحقین سے دلی ہمدردی و تعزیت کا اظہار کیا اور واقعہ میں زخمی ہونے والے پولیس اہلکاروں کی جلد صحتیابی کیلئے دعا کی۔
پاکستان کا کشمیر میں بھارتی مظالم کیخلاف اقوام متحدہ اور سلامتی کونسل کو خط
وزیر داخلہ محسن نقوی نے کہا کہ فتنہ الخوارج کے دہشتگردوں نے رات کی تاریکی میں پولیس چوکی پر بزدلانہ حملہ کیا، خیبرپختونخوا پولیس کے شہید ہونے والے اہلکاروں کی قربانی کو سلام پیش کرتے ہیں، خیبرپختونخوا پولیس دہشتگردی کے خلاف جنگ میں فرنٹ لائن پر موجود ہے،ان کا مزید کہنا تھا کہ کے پی کے پولیس کے بہادر سپوتوں نے خون سے وطن عزیز کے امن کی آبیاری کی ہے، خیبرپختونخوا پولیس کی لازوال قربانیوں کو قدر کی نگاہ سے دیکھتے ہیں۔
ججز تعیناتی کا معاملہ، چیف جسٹس کی زیر صدارت جوڈیشل کمیشن کا اجلاس آج ہو گا
خیال رہے کہ گزشتہ شب کرک میں پولیس چوکی پر دہشتگردوں نے فائرنگ کر دی جس کے نتیجے میں 2 اہلکار شہید ہوگئے، شہداء میں عدنان اور نقیب شامل ہیں، واقعہ میں 6 پولیس اہلکار زخمی بھی ہوئے۔
جی ایچ کیو حملہ کیس میں عمران خان عدالت میں پیش