عمرہ زائرین کیلیے اچھی خبر:لازمی قرار دی گئی ویکسین پاکستان پہنچ گئی
اشاعت کی تاریخ: 6th, February 2025 GMT
عمرہ زائرین کے لیے ایک بڑی خوشخبری سامنے آئی ہے، جس کےمطابق گردن توڑ بخار (میننجائٹس) ویکسین کی 37,500 خوراکوں کی نئی کھیپ پاکستان پہنچ چکی ہے۔ اس پیشرفت سے ملک میں ویکسین کی قلت کے باعث پیدا ہونے والے مسائل جلد حل ہونے کی توقع ہے۔
ذرائع کے حوالے سے نجی ٹی وی کی رپورٹ میں بتایا گیاہ ے کہ یہ ویکسین فائزر پاکستان کی جانب سے درآمد کی گئی ہے اور جلد ہی صوبوں کو فراہم کی جائے گی۔ فارما کمپنی ویکسین کی تقسیم کا عمل صوبائی حکومتوں کے تعاون سے مکمل کرے گی۔
اس سلسلے میں پنجاب کو 16,000 ڈوز فراہم کی جا رہی ہیں، جو 7 فروری تک متعلقہ مراکز تک پہنچا دی جائیں گی جب کہ دیگر صوبوں کو بھی ان کی ضرورت کے مطابق ویکسین فراہم کی جائے گی۔
حکام کا کہنا ہے کہ ملک میں ویکسین کی قلت ختم کرنے کے لیے ہنگامی بنیادوں پر اقدامات کیے جا رہے ہیں۔ وزارت صحت اور فارما کمپنیوں کے درمیان مستقل رابطہ قائم ہے تاکہ زائرین کو بروقت ویکسین کی فراہمی یقینی بنائی جا سکے۔
ملک میں اس ویکسین کی ماہانہ کھپت تقریباً 1,000 ڈوز تک تھی تاہم سعودی حکومت کی جانب سے عمرہ زائرین کے لیے ویکسین کو لازمی قرار دیے جانے کے بعد طلب میں غیرمعمولی اضافہ ہوا، جس کے باعث ویکسین کی کمی دیکھنے میں آئی۔
ویکسین کی قلت کے باعث کئی افراد کو مشکلات کا سامنا کرنا پڑا اور بلیک مارکیٹ میں مہنگے داموں فروخت کی خبریں بھی سامنے آئیں۔ اس حوالے سے متعلقہ حکام نے واضح کیا ہے کہ حکومت منافع خوروں کے خلاف سخت کارروائی کرے گی تاکہ زائرین کو اصل قیمت پر ویکسین فراہم کی جا سکے۔
حکومت نے زائرین کو ہدایت کی ہے کہ وہ سفر سے کم از کم 10 دن پہلے ویکسین لگوانا یقینی بنائیں تاکہ سعودی عرب میں داخلے کے وقت کسی پریشانی کا سامنا نہ ہو۔ طبی ماہرین نے بھی زائرین کو وقت پر ویکسین لگوانے کی تاکید کی ہے کیونکہ گردن توڑ بخار ایک مہلک بیماری ہے جو سانس کے ذریعے ایک شخص سے دوسرے کو منتقل ہو سکتی ہے۔
وزارت صحت کے مطابق ویکسین کی دستیابی کے حوالے سے آئندہ چند روز میں صورتحال معمول پر آ جائے گی اور ملک بھر میں زائرین کو ویکسین بلاتعطل فراہم کی جائے گی۔
.ذریعہ: Jasarat News
کلیدی لفظ: فراہم کی جا ویکسین کی زائرین کو جائے گی
پڑھیں:
فلسطینیوں سے اظہار یکجہتی کیلئے آج ملک بھر میں ریلیوں اور مظاہروں کا انعقاد
فلسطینی عوام سے اظہار یکجہتی اور اسرائیلی مظالم کے خلاف آج ملک بھر میں ریلیاں جلوس اور مظاہرے کیے جا رہے ہیں جمعتہ المبارک کو مجلس اتحاد امت کی جانب سے یوم مظلوم و محصورین فلسطین کے طور پر منایا جا رہا ہے اس موقع پر مختلف مذہبی و سیاسی جماعتیں مظلوم فلسطینیوں کے حق میں آواز بلند کر رہی ہیں مجلس اتحاد امت کے زیر اہتمام قومی فلسطین کانفرنس کے اعلامیے میں مطالبہ کیا گیا ہے کہ جب تک غیر مشروط جنگ بندی نہیں ہو جاتی اسرائیل کے ساتھ تعلقات قائم کرنے والے ممالک سے سفارتی روابط ختم کیے جائیں کانفرنس کے شرکاء نے اقوام متحدہ کی سلامتی کونسل سے فوری اجلاس بلانے کا بھی مطالبہ کیا ہے تاکہ فلسطینیوں پر ہونے والے مظالم کو روکا جا سکے جمعیت علمائے اسلام نے بھی اعلان کیا ہے کہ آج تمام ضلعی ہیڈ کوارٹرز میں نماز جمعہ کے بعد اسرائیلی بربریت کے خلاف بھرپور احتجاج کیا جائے گا کارکن ہر ضلع میں مظاہرے کریں گے تاکہ عالمی برادری کو فلسطینی عوام کی تکلیف اور امت مسلمہ کے جذبات سے آگاہ کیا جا سکے اسی طرح جماعت اسلامی نے بھی آج ملک گیر سطح پر فلسطینیوں سے اظہار یکجہتی کیلئے احتجاجی مارچ کا اعلان کیا ہے امیر جماعت اسلامی حافظ نعیم الرحمان لاہور میں مال روڈ پر مرکزی مارچ کی قیادت کریں گے جہاں بڑی تعداد میں عوام کی شرکت متوقع ہے آج کے مظاہرے اور ریلیاں نہ صرف فلسطینی عوام کے ساتھ یکجہتی کا مظاہرہ ہیں بلکہ عالمی ضمیر کو جھنجھوڑنے کی ایک کوشش بھی ہیں تاکہ دنیا اسرائیلی مظالم کے خلاف عملی اقدامات کرے اور مظلوموں کو انصاف ملے
100 سے زائد فلموں میں کام کرنیوالے سینیئر بھارتی اداکار انتقال کر گئے