مجھے صحت خرابی کے باعث ضمانت پر رہا کیا گیا ، کوئی ڈیل نہیں ہوئی
اشاعت کی تاریخ: 6th, February 2025 GMT
اسلام آباد ( اردوپوائنٹ اخبار تازہ ترین۔ آئی پی اے ۔ 06 فروری 2025ء ) مرکزی رہنماء پی ٹی آئی اعظم سواتی نے کہا ہے کہ مجھے صحت خرابی کے باعث ضمانت پر رہا کیا گیا ، کوئی ڈیل نہیں ہوئی، 9مئی واقعے کی تحقیقات سپریم کورٹ کے ججز سے کرائی جائیں۔ انہوں نے میڈیا سے گفتگو کرتے ہوئے کہا کہ مجھے صحت خرابی کے باعث ضمانت پر رہا کیا گیا ، کوئی ڈیل نہیں ہوئی۔
9 مئی واقعے کی تحقیقات سپریم کورٹ کے ججز سے کرائی جائیں۔ اعظم سواتی نے کہا کہ میں عمران خان کو پیغام دوں گا کہ آپ کو اعظم سواتی یا کسی اور لیڈر کی ضرورت نہیں کیونکہ یہ قوم آپ کے ساتھ جڑ چکی ہے۔ اس ملک میں صرف ایک لیڈر ہے جس کا نام عمران خان ہے۔ وہ جب بھی حکم دے گا تو ملک میں تبدیلی آئے گی، عمران خان کی آشیرباد صوبائی حکومت کو حاصل ہے اور صوبائی حکومت اسی طریقے سے آگے بڑھے گی، جنید اکبر کو صوبائی صدر بننے پر مبارکباد پیش کرتا ہوں، ہمارے ورکر کثیر تعداد میں جلسے میں شرکت کریں گے۔(جاری ہے)
دوسری جانب پاکستان تحریک انصاف خیبرپختونخواہ کے صوبائی صدر جنید اکبر نے دعویٰ کیا ہے کہ 26ویں آئینی ترمیم میں حکومت کو ووٹ دینے کیلئے مجھے 75کروڑ کی آفرکی گئی تھی، میں نے ان کی پیشکش کو مسترد کرتے ہوئے آئینی ترمیم کی مخالفت کی تھی،ریاستی جبر جو میرے ساتھ ہوا معاف کرنے کیلئے تیار ہوں،رہنماءپی ٹی آئی نے تقریب سے خطاب کرتے ہوئے کہا کہ تحریک انصاف کا ورکرز تھکتا نہیں۔ 1996 سے پاکستان تحریک انصاف میں ہوں ایسا جذبہ نہیں دیکھا۔ یہ پارٹی ہم آن کرتے ہیں۔ میرے جیسے مڈل کلاس لوگ اوپر آتے ہیں۔روایتی برادری، حلقہ سب ختم ہوگیا جس پر عمران خان کا ہاتھ ہوگا وہی جیتے گا اور اسی سے سٹیبلشمنٹ و پارٹیوں کو مسئلہ ہے۔ تحریک انصاف کا ورکر سیاسی ورکر ہے نوکر نہیں۔ اپنا لگاتا ہے اپنا کھاتا ہے۔ کسی کا غلام نہیں۔ دیگر پارٹیوں کو جاگیر بنادیا گیا ہے۔ انہوں نے کہا کہ انشاءاللہ تعالیٰ ہم مزاحمت کریں گے۔ پاکستانی عوام کا حق ہے جس کو ووٹ دینا چاہیے دے۔ میں کارکنان کو مایوس نہیں کروں گا اور ہر قربانی دینے کیلئے تیار ہوں۔ میری مضبوطی کی وجہ بھی کارکنان ہی ہیں۔ تقریب سے خطاب کرتے ہوئے جنید اکبر کا مزید کہنا تھا کہ میں گدھے اور گھوڑے کو ایک ساتھ نہیں رکھوں گا، جو ڈلیور کرےگا وہ پارٹی میں ہوگا۔ جو ڈلیور کرےگا وہ پارٹی میں ہوگا۔یاد رہے کہ گزشتہ روز بھی پاکستان تحریک انصاف خیبرپختونخواہ کے صوبائی صدر جنید اکبر کا کہنا تھا کہ بانی پی ٹی آئی عمران خان نے بھی اگر درست بات نہ مانی تو پارٹی صدارت چھوڑ دوں گا۔.ذریعہ: UrduPoint
کلیدی لفظ: تلاش کیجئے تحریک انصاف جنید اکبر کرتے ہوئے کہا کہ
پڑھیں:
کراچی: مبینہ بد ترین تشدد کے بعد گلا دبا کر قتل حاملہ خاتون کے اہلخانہ کا انصاف کا مطالبہ
ہاکس بے مشرف کالونی میں تشدد کا نشانہ بنانے کے بعد گلا دبا کر قتل کی جانے والی خاتون کے اہلخانہ نے کہا ہے کہ مقتولہ کی 8 ماہ شادی ہوئی تھی اوران دنوں حاملہ تھی، قتل میں ملوث شخص کو فل الفورگرفتار کیا جائے۔
ہاکس بے مشرف کالونی میں تشدد کا نشانہ بنانے کے بعد گلا دبا کر قتل کی جانے والی خاتون کے اہلخانہ نے انصاف کی فراہمی کا مطالبہ کردیا،مقتولہ کے اہلخانہ کا کہنا تھا کہ مقتولہ کی آٹھ ماہ شادی ہوئی تھی اوران دنوں حاملہ تھی،انھوں نے کہا کہ جو کہ قتل میں ملوث ہے اسے فل الفورگرفتار کیا جائے۔
تفصیلات کے مطابق بدھ کوموچکو تھانے تھانے کے ہاکس بے مشرف کالونی سیکٹر 6 بلاک بی بنگالی پاڑہ میں گھرسے20 سالہ خاتون عائشہ کی لاش ملی تھی۔
خاتون کی لاش قانونی کارروائی کے بعد امانتاً ایدھی سرد خانے منتقل کردی تھی گزشتہ روزمقتولہ خاتون کے اہلخانہ میت وصول کرنے کے لیے ایدھی سردخانے پہنچے، مقتولہ خاتون کے اہلخانہ نے بتایا کہ مقتولہ خاتون کی آٹھ ماہ قبل محمد تاج سےشادی ہوئی تھی اورعائشہ ان دنوں حاملہ تھی۔
مقتولہ کے کزن نے بتایا کہ وہ مچھر کالونی میں موجود تھے کہ انہیں کال موصول ہوئی کہ ان کی بہن کا انتقال ہو گیا ہے جب ہم وہاں پہنچے تو پولیس پہلے سے موجود تھی، بہن کی لاش کوایمبولینس کے ذریعے گھر سے اسپتال منتقل کیا۔
انھوں نے بتایا کہ ان کہ بہن کوبدترین تشدد کا نشانہ بنانے کے بعد گلا دبا کر قتل کیا گیا ہے، بہن کے گلے اور جسم کے مختلف حصوں پرتشدد کے نشانات واضح ہیں، ہمیں انصاف فراہم کیا جائے جو بھی بہن کے قتل میں ملوث ہیں اسے فل الفورگرفتار کرکے قانونی کارروائی عمل میں لائی جائے۔
ایس ایچ او موچکو فیصل لطیف کا کہنا ہےکہ خاتون کی لاش کا پوسٹ مارٹم کرنے کے بعد لاش ورثا کے حوالے کردی گئی ہے، مقتولہ خاتون کے اہلخانہ تدفن کے بعد پولیس سے رجوع کریں گے، اس کے بعد پولیس واقعے کاباضابطہ مقدمہ درج کرکےواقعےکی تفتیش کریگی۔
جی ایچ کیو حملہ کیس میں عمران خان عدالت میں پیش