پاکستان کا خلائی تحقیق میں بڑا قدم:چینی مشن کے ساتھ تاریخی معاہدہ
اشاعت کی تاریخ: 6th, February 2025 GMT
اسلام آباد:پاکستان نے خلا کی تسخیر میں ایک اہم کامیابی حاصل کرتے ہوئے چائنا نیشنل اسپیس ایڈمنسٹریشن (CNSA) کے ساتھ ایک تاریخی معاہدے پر دستخط کر دیے ہیں۔
یہ معاہدہ 5 فروری 2025 کو صدر مملکت آصف زرداری اور چینی صدر شی جن پنگ کی موجودگی میں طے پایا، جس کے تحت پاکستان کا پہلا مقامی طور پر تیار کردہ قمری روور چین کے چینگ ای-8 مشن میں شامل کیا جائے گا۔
یہ مشن 2028 میں چاند کی جانب روانہ ہوگا اور اس کا مقصد سائنسی تحقیق، چاند کی سطح کی نقشہ سازی اور وہاں موجود وسائل کی جانچ کرنا ہے۔
سپارکو کے ترجمان کے مطابق یہ معاہدہ پاکستان کی خلائی تحقیق میں ایک بڑا قدم ہے اور انٹرنیشنل قمری ریسرچ اسٹیشن (ILRS) کے منصوبے میں پاکستان کی شراکت کو مزید مستحکم کرے گا۔ اس پیشرفت سے پاکستان کے خلائی پروگرام کو عالمی سطح پر نئی پہچان اور مواقع ملنے کی توقع ہے۔
.ذریعہ: Jasarat News
پڑھیں:
آئی پی ایل: سوریا ونشی کا تاریخی کارنامہ، 14 سال کی عمر میں شاندار سینچری
راجستھان رائلز کے محض 14 سالہ بیٹر ویبھاؤ سوریا ونشی نے مردوں کی ٹی20 کرکٹ میں سینچری بنانے والے سب سے کم عمر کھلاڑی کا اعزاز حاصل کرکے تاریخ رقم کر دی۔
سوریا ونشی نے راشد خان کو چھکا لگا کر 35 گیندوں پر سینچری مکمل کی، جو انڈین پریمیئر لیگ (آئی پی ایل) کی تاریخ میں دوسرا تیز ترین اور کسی بھارتی کھلاڑی کی جانب سے تیز ترین سینچری ہے۔ بائیں ہاتھ سے بیٹنگ کرنے والے نوجوان نے 7 چوکے اور 11 چھکے لگائے اور 38 گیندوں پر شاندار 101 رنز بنانے کے بعد بولڈ ہو گئے۔
مزید پڑھیں: 14 سال کی عمر میں آئی پی ایل ڈیبیو کرنے والا ویبھوو سوریا ونشی کون ہے؟
گزشتہ سال کی نیلامی میں قریباً 1.1 کروڑ روپے (برطانوی کرنسی میں 1 لاکھ 3 ہزار 789 پاؤنڈ) میں خریدے گئے سوریا ونشی نے رواں ماہ کے آغاز میں آئی پی ایل میں سب سے کم عمر کھلاڑی کے طور پر ڈیبیو کیا تھا، جہاں اپنے کیریئر کی پہلی ہی گیند پر چھکا لگا کر سب کی توجہ حاصل کی تھی۔
جے پور میں بھی انہوں نے اسی اعتماد کے ساتھ گجرات کے باؤلنگ اٹیک کو تہس نہس کر دیا اور 210 رنز کا بڑا ہدف آسانی سے حاصل کرنے میں ٹیم کی مدد کی۔ سوریا ونشی نے یشسوی جیسوال کے ساتھ پہلی وکٹ پر 166 رنز کی شراکت قائم کی، جیسوال 70 رنز پر ناٹ آؤٹ رہے۔
مزید پڑھیں: 13 سال کی عمر میں کروڑ پتی، آئی پی ایل میں خریدا جانے والا یہ نوجوان کون ہے؟
ویبھاؤ کی سینچری 11ویں اوور میں مکمل ہوئی۔ آئی پی ایل میں اس سے تیز سینچری صرف ویسٹ انڈیز کے کرس گیل نے بنائی تھی، جنہوں نے 2013 میں رائل چیلنجرز بنگلور کی جانب سے 30 گیندوں پر سینچری اسکور کی تھی۔ یہ فتح راجستھان کے لیے 5 مسلسل شکستوں کے بعد امید کی ایک کرن بنی، اور ان کے ناک آؤٹ مرحلے تک پہنچنے کے امکانات کو برقرار رکھا۔
دوسری جانب گجرات ٹائٹنز کے لیے شبمن گل نے 84 رنز اور جوز بٹلر نے ناقابل شکست 50 رنز بنائے، مگر شکست کے ساتھ ان کی ٹیم پوائنٹس ٹیبل پر نیٹ رن ریٹ کی بنیاد پر تیسرے نمبر پر چلی گئی۔
ویبھاؤ سوریا ونشی کون ہیں؟ویبھاؤ سوریا ونشی نے پچھلے سال نیلامی میں سب سے کم عمر کھلاڑی کے طور پر آئی پی ایل ٹیم میں شمولیت حاصل کی تھی۔ گزشتہ اکتوبر میں محض 13 سال کی عمر میں انہوں نے آسٹریلیا انڈر-19 کے خلاف یوتھ ٹیسٹ میں 58 گیندوں پر سینچری بنا کر شہرت حاصل کی۔
سوریا ونشی بھارت کی انڈر-19 ایشیا کپ ٹیم کا بھی حصہ رہے، جہاں انہوں نے 44 کی اوسط سے 176 رنز بنائے۔ بہار (مشرقی بھارت کی ریاست) سے تعلق رکھنے والے ویبھاؤ نے محض 12 سال کی عمر میں فرسٹ کلاس کرکٹ (رانجی ٹرافی) میں ڈیبیو کیا۔ وہ بہار کے لیے 5 فرسٹ کلاس میچز کھیل چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی ایل انڈین پریمیئر لیگ ٹی20 کرکٹ راجستھان رائلز کم عمر کھلاڑی ویبھاؤ سوریا ونشی
وزیراعلیٰ خیبرپختونخوا علی امین گنڈاپور کے ناقابل ضمانت وارنٹ گرفتاری جاری