اسلام آباد میں اسٹیمپ پیپرز کا اجرا بائیومیٹرک ویری فکیشن سے مشروط
اشاعت کی تاریخ: 6th, February 2025 GMT
اسلام آباد میں اسٹیمپ پیپرز کا اجرا بائیومیٹرک ویری فکیشن سے مشروط WhatsAppFacebookTwitter 0 6 February, 2025 سب نیوز
اسلام آباد(آئی پی ایس )وفاقی دارالحکومت میں جعلی اسٹیمپ پیپر کے سدباب کے لیے اسٹیمپ پیپرز کا اجرا بائیو میٹرک ویری فکیشن سے مشروط کردیا گیا، ڈپٹی کمشنر اسلام آباد کی جانب سے اسٹیمپ وینڈرز کو بائیو میٹرک ویری فکیشن کے لیے ہدایات جاری کردی گئیں۔
ڈپٹی کمشنر اسلام آباد کا کہنا ہے کہ کوئی بھی وینڈر نادرا بائیو میٹرک کے بغیر اسٹیمپ پیپرز جاری نہیں کر سکے گا، بائیو میٹرک کے بغیر جاری ہونے والے تمام اسٹیمپ پیپرز جعلی تصور ہوں گے۔
ڈی سی اسلام آباد کا کہنا تھا کہ بائیو میٹرک کے بعد شہر سے جعلی اسٹیمپ پیپرز کا خاتمہ ہو جائے گا، جعلی اسٹیمپ پیپرز کی وجہ سے شہریوں کو ریونیو اور دیگر معاملات میں مسائل کا سامنا تھا، جبکہ جعلی اسٹیمپ پیپرز کی وجہ سے کئی فراڈ کے کیسز بھی رپورٹ ہوئے۔ عرفان میمن کے مطابق اسٹیمپ پیپرز کے اوپر موجود بایو میٹرک سلپ سے ویریفکیشن کا عمل بھی آسان ہے اور بائیو میٹرک ویریفکیشن کے بعد شہری محفوظ ٹرانزیکشنز کر سکیں گے۔
ذریعہ: Daily Sub News
کلیدی لفظ: اسلام آباد
پڑھیں:
اسلام آباد ہائیکورٹ میں 3 نئے ججز کی تعیناتی کے بعد 2 انتظامی جج تبدیل
اسلام آباد ہائیکورٹ میں دیگر صوبوں سے 3 نئے ججوں کے تبادلے کے بعد انتظامی سطح پر اہم فیصلے کرتے ہوئے پرانے ججوں سے انتظامی ججوں کے عہدے واپس لے لیے گئے ہیں۔
اسلام آباد ہائیکورٹ میں 3 نئے ججز کی تعیناتی کے بعد انتظامی طور اہم تبدیلیوں میں جسٹس محسن اختر کیانی کو ہٹا کر جسٹس سردار محمد سرفراز ڈوگر کو انسداد دہشت گردی اور احتساب عدالتوں کا انتظامی جج تعینات کیا گیا ہے۔
یہ بھی پڑھیں: ججز کا خط بے نتیجہ نکلا، مختلف صوبوں سے 3 ججز کا اسلام آبادہائیکورٹ تبادلہ
اسی طرح جسٹس میاں گل حسن اورنگزیب کی جگہ جسٹس اعظم خان کو ڈسٹرکٹ کورٹس ویسٹ کا انتظامی جج تعینات کیا گیا ہے۔
واضح رہے کہ چند روز قبل چیف جسٹس اسلام آباد ہائیکورٹ کے لیے ملک کی کسی دوسری ہائیکورٹ سے جج لانے کی مبینہ خبروں پر اسلام آباد ہائیکورٹ کے سینیئر ترین جج جسٹس محسن اختر کیانی سمیت دیگر ججوں نے تشویش کا اظہار کیا تھا۔
مزید پڑھیں: اسلام آباد ہائیکورٹ میں ججوں کی نئی سنیارٹی لسٹ جاری، محسن اختر کیانی دوسرے نمبر پر چلے گئے
اسلام آباد ہائیکورٹ کے مذکورہ ججوں نے اس ضمن میں چیف جسٹس یحییٰ آفریدی کو خط لکھ کر اپنے تحفظات سے آگاہ کیا تھا، ججوں نے دیگر ہائیکورٹ سے جج لا کراسلام آباد ہائیکورٹ میں چیف جسٹس بنانے کی خبروں پر تشویش کا اظہار کیا تھا۔
یاد رہے کہ صدر آصف زرداری نے لاہور، سندھ اور بلوچستان ہائیکورٹ سے 3 ججوں کا تبادلہ اسلام آباد ہائیکورٹ کردیا تھا، جس کا وزارت قانون وانصاف کی جانب سے نوٹیفکیشن بھی جاری کیا گیا تھا۔
مزید پڑھیں: 3 ججوں کے اسلام آباد ہائیکورٹ تبادلے کیخلاف احتجاج، اسلام آباد ہائیکورٹ میں عدالتی کارروائی متاثر
نوٹیفکیشن کے مطابق جسٹس سردار محمد سرفراز ڈوگر کا لاہور ہائیکورٹ، جسٹس خادم حسین سومرو کا سندھ ہائیکورٹ اور جسٹس محمد آصف کا تبادلہ بلوچستان ہائیکورٹ سے اسلام آباد ہائیکورٹ کردیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ بلوچستان ہائیکورٹ جسٹس اعظم خان جسٹس خادم حسین سومرو جسٹس سردار محمد سرفراز ڈوگر جسٹس محسن اختر کیانی جسٹس محمد آصف سندھ ہائیکورٹ لاہور ہائیکورٹ وزارت قانون وانصاف
چینی کی قیمتوں میں مزید اضافہ، شہری مٹھاس کیلئے کڑوا گھونٹ پینے پر مجبور