شہرمیں ٹریفک گردی ہو رہی، ایسا نہ ہو شہری ڈمپرز روکنے لگیں: گورنرسندھ
اشاعت کی تاریخ: 6th, February 2025 GMT
کراچی (اُردو پوائنٹ اخبارتازہ ترین - آن لائن۔ 06 فروری2025ء) گورنر سندھ کامران خان ٹیسوری نے انتباہ کرتے ہوے کہا ہے کہ شہرمیں خونی ڈمپر بے لگام ہیں، شہر میں ٹریفک گردی ہو رہی ہے، ایسا نہ ہو کہ شہری ڈمپرز روکنے لگیں یا صوبے کا آ ئینی سربراہ تمام اختیارات اپنے ہاتھ میں لینے پر مجبور ہو جائے ۔ پریس کانفرنس کرتے ہوئے انہوں نے کہا کہ آئی جی سندھ ڈمپرزکے معاملے پر سنجیدگی سے نوٹس لیں، حادثہ کرنے والے ڈمپر کو فوری آکشن کیا جائے، ڈمپرز کے مالکاں جاں بحق افراد کو معاوضہ ادا کریں۔
انہوں نے کہا کہ کراچی میں روزانہ شہری ڈمپرز سے ہلاک ہو رہے ہیں، محکمہ ٹرانسپورٹ اور آئی جی سندھ نوٹس لیں، مجبور نہ کریں، ایسانہ ہو صوبے کا آئینی سربراہ سب کچھ اپنے ہاتھ میں لے لے۔(جاری ہے)
انہوں نے کہا کہ رات گیارہ سے صبح سات کے بعد کوئی ڈمپر شہر میں داخل نہیں ہو سکتا، یہ دوپہر کے وقت کیسے گھوم رہے ہوتے ہیں۔ انہوں نے کہا کہ ساکنان شہر قائد کے تحت 31 واں عالمی مشاعرہ ہونے جا رہا ہے، جو کئی برسوں سے ہر سال ہو رہا تھا، اختلافات پیدا ہوگئے، عالمی مشاعرہ 8 فروری کو ایکسپو سینٹر میں منعقد ہو گا۔
انہوں نے کہا کہ حاجی رفیق پردیسی کی انسانیت کی خدمت کسی سے چھپی ہوئی نہیں، اب ایک ہو کر شہر کی ادبی محافل جاری رکھیں گے، شہر کی رونقیں بحال رکھنے کے لیے ہرممکن اقدامات کریں گے۔ yانہوں نے کہا کہ حاجی رفیق اور محمود صاحب کا رابطہ ہوا، دونوں ایک ہوئے، اب ایک مشاعرہ ہونے جا رہا ہے، حاجی رفیق صاحب حیثیت ہیں، سماجی کاموں میں بڑھ چڑھ کر حصہ لیتے ہیں۔ انہوں نے کہا کہ اس سال شہرکراچی میں کئی مشاعرے ہوئے، یہ سلسلہ جاری رہے گا، شہر کی رونقیں جاری رہیں گی، دونوں اب مل کر باہمی اتفاق سے کام کریں گے۔.ذریعہ: UrduPoint
کلیدی لفظ: تلاش کیجئے انہوں نے کہا کہ
پڑھیں:
موٹروے پولیس کی ایمانداری، نقدی اور زیورات سے بھرا گمشدہ بیگ مالک کو لوٹا دیا
ساہیوال کے قریب قومی شاہراہ پر موٹروے پولیس سنٹرل زون نے ایمانداری کی اعلیٰ مثال قائم کرتے ہوئے گمشدہ قیمتی سامان اس کے مالک کے حوالے کر دیا۔
ترجمان موٹروے پولیس کے مطابق قومی شاہراہ پر پانچ لاکھ روپے سے زائد مالیت کے زیورات اور دو لاکھ تیس ہزار روپے نقدی پر مشتمل بیگ مالک کے حوالے کردیا گیا۔
واقعہ اس وقت پیش آیا جب فاروق نامی شہری کی گاڑی ساہیوال کے قریب پنکچر ہوگئی۔ ٹائر تبدیل کرتے ہوئے وہ اپنا قیمتی بیگ قومی شاہراہ پر بھول گیا۔ شہری نے فوری طور پر موٹروے پولیس کی ہیلپ لائن 130 پر رابطہ کر کے بیگ کی گمشدگی کی اطلاع دی۔
موٹروے پولیس نے فوری کارروائی کرتے ہوئے قومی شاہراہ پر تلاش شروع کی اور کچھ دیر بعد بیگ تلاش کر کے اس کے اصل مالک تک پہنچا دیا۔
قیمتی بیگ واپس ملنے پر فاروق نامی شہری نے موٹروے پولیس کی ایمانداری اور فرض شناسی کی تعریف کی۔
شمالی وزیرستان میں تیل و گیس کا نیا ذخیرہ دریافت