حسینہ واجد کے اشتعال انگیز ریمارکس نے ان کا گھر تڑوادیا، بنگلہ دیش حکومت
اشاعت کی تاریخ: 6th, February 2025 GMT
بنگلہ دیش کی حکومت نے سابق وزیراعظم کے آبائی گھر کی توڑ پھوڑ اور نذر آتش کیے جانے پر تشویش کا اظہار کرتے ہوئے اسے حسینہ واجد کے اشتعال انگیز ریمارکس کا نتیجہ ہے قرار دے دیا۔
یہ بھی پڑھیں: ڈھاکا: مشتعل مظاہرین نے مفرور وزیراعظم حسینہ واجد کا آبائی گھر گرا دیا
جمعرات کو پریس ونگ کے چیف ایڈوائزر نے اپنے بیان میں کہا ہے کہ ہندوستان فرار ہوجانے والی شیخ حسینہ کے جولائی انقلاب کے حوالے سے اشتعال انگیز ریمارکس نے لوگوں کو بھڑکا دیا۔
چیف ایڈوائزر نے کہا کہ گزشتہ 6 مہینوں سے تاریخی رہائش گاہ پر کوئی حملہ یا تباہی کا واقعہ نہیں ہوا اور شیخ حسینہ کے اشتعال انگیز بیانات کے بعد کشیدگی میں اضافہ ہوا جس سے جولائی انقلاب کے دوران اپنی جانیں قربان کرنے والوں کو تکلیف پہنچی۔
بیان میں کہا گیا کہ حسینہ واجد نے اپنے ریمارکس کے ذریعے لوگوں کی شہادت کے بارے میں تضحیک آمیز اور بے بنیاد دعوے کرکے ان کی بے عزتی کی اور دوسرا انقلاب کے نتیجے میں ملک سے فرار ہونے کے باوجود ان کا پرانا نامناسب لہجہ اور دھمکانے والا انداز برقرار ہے۔
انہوں نے کہا کہ حسینہ واجد نے بنگلہ دیش میں عدم استحکام پیدا کرنے کی دھمکی بھی دی ہے۔ انہوں نے مزید کہا کہ حکومت نے اس بات پر تشویش کا اظہار کیا ہے کہ شیخ حسینہ کے بار بار ریمارکس نے جولائی کے قتل عام کے زخموں کو مزید گہرا کر دیا ہے جس کے نتیجے میں تازہ ترین پرتشدد ردعمل سامنے آیا ہے۔
عبوری حکومت نے لوگوں کو یقین دلایا ہے کہ وہ جان و مال کے تحفظ کے لیے ہائی الرٹ ہے۔
مزید پڑھیے: حسینہ واجد کی بھانجی و برطانیہ کی فنانشل سروسز کی وزیر ٹیولپ صدیق نے استعفیٰ کیوں دیا؟
بیان میں کہا گیا کہ قانون نافذ کرنے والے ادارے صورتحال پر قابو پانے اور مزید بڑھنے سے روکنے کی ہر ممکن کوشش کر رہے ہیں۔
چیف ایڈوائزر نے کہا کہ شیخ حسینہ جو ایک مفرور ہیں اور انسانیت کے خلاف جرائم کے الزامات کا سامنا کر رہی ہیں ایسے بیانات دینے سے گریز کریں جو بدامنی کو ہوا دیں۔
انہوں نے بھارت پر زور دیا کہ وہ اس بات کو یقینی بنائے کہ اس کی سرزمین بنگلہ دیش میں عدم استحکام کو فروغ دینے کے لیے استعمال نہ ہو اور شیخ حسینہ کو مزید ریمارکس جاری کرنے سے روکا جائے۔
مزید پڑھیں: انٹرنیشنل کرائمز ٹریبونل نے شیخ حسینہ واجد سمیت 10 افراد کے وارنٹ گرفتاری جاری کردیے
بیان میں کہا گیا کہ حکومت جولائی کے قتل عام میں ملوث افراد کے لیے انصاف کو یقینی بنانے کے لیے پرعزم ہے اور قانونی عمل پوری رفتار سے آگے بڑھ رہا ہے۔
چیف ایڈوائزر نے کہا کہ حکومت اس بات کا جائزہ لے گی کہ اشتعال انگیز سرگرمیوں میں ملوث افراد کے خلاف کیا قانونی کارروائی کی جا سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بنگلہ دیش انقلاب بنگلہ دیش حکومت حسینہ واجد کا آبائی گھر حسینہ واجد کا گھر تباہ.ذریعہ: WE News
کلیدی لفظ: بنگلہ دیش بنگلہ دیش انقلاب بنگلہ دیش حکومت حسینہ واجد کا ا بائی گھر حسینہ واجد کا گھر تباہ اشتعال انگیز میں کہا حسینہ واجد بنگلہ دیش نے کہا کہ کے لیے
پڑھیں:
بانی پی ٹی آئی کے بجائے کہا کریں کہ جیل میں ملزم تعاون نہیں کرتا، چیف جسٹس کے ریمارکس
سپریم کورٹ میں بانی پاکستان تحریک انصاف (پی ٹی آئی) کے جسمانی ریمانڈ کے حوالے سے دائر اپیلوں پر سماعت کے دوران چیف جسٹس یحییٰ آفریدی نے اہم ریمارکس دیے ہیں کہ بانی پی ٹی آئی کے بجائے یہ کہا کریں کہ جیل میں ملزم تعاون نہیں کرتا۔
اسپیشل پراسیکیوٹر ذوالفقار نقوی نے عدالت سے استدعا کی کہ جسمانی ریمانڈ کی پیروی نہیں کی جا رہی، بس جیل میں فوٹوگرامیٹک، پولی گرافک اور وائس میچنگ ٹیسٹ کی اجازت دی جائے۔ بانی پی ٹی آئی جیل میں تعاون نہیں کر رہے، اس پر چیف جسٹس نے ریمارکس دیےکہ یہ بات کہا کریں کہ جیل میں ملزم تعاون نہیں کرتا۔
مزید پڑھیں: سیاسی روزہ رکھا ہے، پتا ہے کب کھولنا ہے‘ شیخ رشید کی 9 مئی مقدمات میں پیشی کے بعد گفتگو’
دورانِ سماعت بانی پی ٹی آئی کے وکیل سلمان صفدر نے مؤقف اختیار کیا کہ اب تو معاملہ فرد جرم تک پہنچ چکا ہے، ریمانڈ تو پیچھے رہ گیا۔ وکیل نے عدالت سے مؤکل سے ہدایات لینے کا موقع دینے کی استدعا کی۔ کہا بانی پی ٹی آئی کے خلاف 300 مقدمات زیر التوا ہیں اور مقدمات پر مؤکل سے بات کرنے کے لیے مناسب وقت نہیں دیا جا رہا۔ عدالت سے موجودہ کیس میں ہدایات لینے کے لیے خصوصی حکمنامہ جاری کرے۔
چیف جسٹس نے جواب دیا کہ اس بار آپ کی ملاقات بغیر کسی حکم کے ہوگی، دیکھتے ہیں بغیر حکم کے ملاقات کرنے دی جاتی ہے یا نہیں۔ عدالت نے کیس کی سماعت 23 اپریل کے لیے جسٹس ہاشم کاکڑ کی سربراہی میں 3 رکنی بینچ کے سامنے مقرر کرنے کی ہدایت دی۔
علاوہ ازیں سپریم کورٹ نے بانی پی ٹی آئی کی ضمانت قبل از گرفتاری بحالی کے خلاف پنجاب حکومت کی دائر اپیلیں، غیر مؤثر ہونے کی بنیاد پر خارج کردیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بانی پاکستان تحریک انصاف پی ٹی آئی چیف جسٹس یحییٰ آفریدی سپریم کورٹ
آرمی چیف سے امریکا کے اعلیٰ سطحی وفد کی جی ایچ کیو میں ملاقات