’شاہ رخ خان ورزش کی ترغیب دے رہے ہیں‘، عامر خان اور شاہ رخ خان کی ویڈیو وائرل
اشاعت کی تاریخ: 6th, February 2025 GMT
گزشتہ روز عامر خان نے اپنے بیٹے جنید خان کی فلم ’’لوویاپا‘‘ کے پریمیر پر بالی ووڈ کی مشہور شخصیات کو مدعو کیا۔ فلم کی اسکریننگ میں شاہ رخ خان نے بھی شرکت کی جن کا استقبال عامر خان نے کیا اور انہیں گلے لگا لیا۔
عامر خان اور شاہ رخ خان کی ملاقات کی ایک ویڈیو سوشل میڈیا پر وائرل ہو رہی ہے جس میں عامر خان بالی ووڈ کنگ شاہ رخ خان کی جسمانی فٹنس کی تعریف کر رہے ہیں اور انہیں بتا رہے ہیں کہ وہ کتنے اچھے لگ رہے ہیں، عامر خان نے مزید کہا کہ شاہ رخ خان انہیں دوبارہ ورزش شروع کرنے کی ترغیب دے رہے ہیں۔ عامر خان کا کہنا تھا کہ ’میں پھر سے جم شروع کر رہا ہوں‘۔
Aamir Khan is complimenting Shah Rukh Khan on his body fitness and telling him how good he looks and that SRK is inspiring him to start working out again pic.
— sohom (@AwaaraHoon) February 5, 2025
وائرل ویڈیو میں شاہ رخ خان نیلی شرٹ اور ڈینم میں نظر آئے جبکہ عامر خان نے اس موقع پر کُرتا اور دھوتی پینٹ پہن رکھی تھی۔ بعد ازاں شاہ رخ خان نے جنید خان کو گلے لگایا اور ان کی فلم کے لیے نیک خواہشات کا اظہار کیا۔ فلم کی اسکریننگ میں سلمان خان نے بھی شرکت کی تھی تاہم تینوں خانز ایک ساتھ تصویر نہ بنا سکے۔
یہ بھی پڑھیں: شاہ رخ خان نے گوری خان کو برقع پہننے اور نماز پڑھنے کا کیوں کہا؟
یاد رہے کہ پچھلے کچھ دنوں سے سری دیوی کی بیٹی خوشی کپور اور جنید خان کی فلم ’لوویاپا‘ کی خصوصی اسکریننگز جاری ہیں، جن میں رنبیر کپور، عالیہ بھٹ، کرن جوہر، دھرمیندر اور ریکھا جیسے ستارے پہلے ہی شرکت کر چکے ہیں۔
فلم ’لوویاپا‘ میں ایک رومانوی کہانی پر مبنی ہے، جس میں شادی سے پہلے جوڑے کو موبائل تبدیل کرنے کے بعد مختلف راز افشا ہونے پر مسائل کا سامنا کرنا پڑتا ہے۔ یہ فلم 7 فروری کو ریلیز ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’لوویاپا‘ بالی ووڈ جنید خان سلمان خان شاہ رخ خان عامر خانذریعہ: WE News
کلیدی لفظ: لوویاپا بالی ووڈ شاہ رخ خان شاہ رخ خان رہے ہیں خان کی
پڑھیں:
’پولیس کا کام پیسے پکڑنا ہی رہ گیا؟‘، شادی پر پیسوں کا تھال پکڑے پنجاب پولیس کے اہلکار کی ویڈیو وائرل
سوشل میڈیا پر ایک ویڈیو وائرل ہو رہی ہے جس میں معروف ٹک ٹاکر کاشف ضمیر چوہدری اپنے کسی دوست کی شادی پر پیسے پھینک رہے ہیں اور پیسوں کا تھال جس نوجوان نے پکڑا ہوا ہے وہ پنجاب پولیس کا جوان ہے جو نوٹوں کی گڈیاں کاشف ضمیر کو دیتا رہا۔
ویڈیو سوشل میڈیا پر وائرل ہوئی تو صارفین کی جانب سے اس پر خوب تنقید کی گئی۔ صارفین نے سوال کیا کہ پنجاب پولیس صرف انہی کاموں کے لیے رہ گئی ہے جبکہ کئی صارفین کا کہنا تھا کہ کاشف ضمیر کو پنجاب پولیس کا پروٹوکول کس حیثیت میں ملا ہوا ہے۔
https://Twitter.com/muqadasawann/status/1911488953271914537
علی عمران عباسی لکھتے ہیں کہ کیا پنجاب پولیس کے جوان صرف اس لیے رہ گئے ہیں کہ وہ پیسوں کا تھال پکڑیں اور ٹک ٹاکرز پیسے اڑائیں۔
https://Twitter.com/aliimranabbasi/status/1911373094339436872
شمع جونیجو نے لکھا کہ پنجاب پولیس کا اب یہ کام رہ گیا ہے کہ شادیوں پر رئیس زادوں کے لیے نوٹ پکڑ کے کھڑے رہیں تاکہ وہ گانے والیوں پر لُٹائیں؟ انہوں نے سوال کیا کہ یہ شخص کون ہے جس کی چاکری ہورہی ہے؟
https://Twitter.com/ShamaJunejo/status/1911499516425257253
ایک ایکس صارف نے طنزاً لکھا کہ پولیس کا کام پیسے پکڑنا ہی رہ گیا ہے اب چاہے شادی ہو یا سڑک کنارے۔
https://Twitter.com/MSK_1184/status/1911529195118723079
فائق خانزادہ نے پنجاب پولیس آفیشلز کو ٹیگ کرتے ہوئے لکھا کہ یہ پولیس کی وردی کے ساتھ زیادتی ہے۔
https://Twitter.com/Faiqikhan/status/1911532946751934932
واضح رہے کہ کاشف ضمیر چوہدری ایک معروف ٹک ٹاک اسٹار ہے اور اسے سونے کی بھاری چین اور گھر میں شیر پالنے والے کے حوالے سے بھی جانا جاتا ہے۔
کاشف ضمیر چوہدری ‘چوہدری گروپ آف کمپنیز پنجاب’ کا مالک بھی ہے اور سوشل میڈیا پر ان کی متعدد سیاستدانوں سمیت دیگر شخصیات کے تصاویر بھی موجود ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پولیس کاشف ضمیر
پارٹی رہنماوں کے ایک دوسرے پر الزامات، عمران خان نے وارننگ دیدی