اڈیالہ جیل داخل ہونے سے روکنے پر عمران خان کے وکیل فیصل چوہدری اور عملے کے درمیان تلخ کلامی
اشاعت کی تاریخ: 6th, February 2025 GMT
بانی چیئرمین پاکستان تحریک انصاف (پی ٹی آئی) عمران خان کے وکیل فیصل چوہدری کو اڈیالہ جیل داخلے سے روک دیا گیا ہے، جس پر جیل عملے اور فیصل چوہدری کے درمیان تلخ کلامی ہوئی ہے۔
یہ بھی پڑھیں: ہمیں پتا ہے کہ یہ لکھے لکھائے فیصلے کہاں سے آتے ہیں، فیصل چوہدری
فیصل چوہدری نے اڈیالہ پولیس چوکی میں جیل انتظامیہ کے خلاف درخواست دائر کرتے ہوئے مؤقف اختیار کیا ہےکہ وہ بانی پی ٹی آئی کے وکیل ہیں اور تمام مقدمات میں پیش ہوتے ہیں، ان کے تمام کیسز میں میرا وکالت نامہ جمع ہے، آج انسداد دہشتگردی عدالت میں 9 مئی، جی ایچ کیو حملہ کیس کی سماعت مقرر تھی، داخلی گیٹ پر جیل عملے نے بتایا کہ آپ کو اندر جانے کی اجازت نہیں۔
یہ بھی پڑھیں: عمران خان مؤقف پر قائم، اڈیالہ جیل سے فیصل چوہدری کے ذریعے اہم پیغام جاری
فیصل چوہدری نے درخواست میں کہا ہے کہ جیل میں داخل ہونے سے روکنے پر انہوں نے احتجاج کیا جس پر انہیں جیل کے ڈپٹی سپرنٹنڈنٹ کے کمرے میں 2 گھنٹے تک بٹھایا گیا، درخواست ہے کہ جیل عملے کے خلاف کارروائی کی جائے،اڈیالہ جیل چوکی نے فیصل چوہدری کی چوکی وصول کرلی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اڈیالہ جیل تلخ کلامی عمران خان فیصل چوہدری وکیل.ذریعہ: WE News
کلیدی لفظ: اڈیالہ جیل تلخ کلامی فیصل چوہدری وکیل فیصل چوہدری اڈیالہ جیل
پڑھیں:
ڈاکٹر عافیہ صدیقی کے امریکا میں وکیل کلائیو اسمتھ کا پاکستان آنے کا فیصلہ
اسلام آباد:رہائی اور وطن واپسی سے متعلق کیس میں ڈاکٹر عافیہ صدیقی کے امریکا میں وکیل کلائیو اسمتھ نے پاکستان آنے کا فیصلہ کر لیا۔
جسٹس سردار اعجاز اسحاق خان نے کیس کی سماعت کی، نئے تعینات ہونے والے ایڈیشنل اٹارنی جنرل عمر اسلم عدالت پیش نہ ہو سکے۔
دوران سماعت، وکیل عمران شفیق ایڈوکیٹ نے عدالت کو آگاہ کیا کہ کلائیو اسمتھ 4 مئی کو پاکستان آرہے ہیں۔ عدالت نے عمران شفیق ایڈووکیٹ کی کلائیو اسمتھ سے مشاورت کے لیے وقت دینے کی استدعا منظور کر لی۔
وکیل عمران شفیق نے استدعا کی کہ کلائیو اسمتھ 4 مئی کو پاکستان آرہے ہیں، اگلی سماعت 6 مئی کو رکھ لیں۔
عدالت نے لاء افسر اور وزارت خارجہ حکام سے استفسار کیا کہ آپ کو اگر اعتراض نہیں تو ہم چھ مئی کو سماعت رکھتے ہیں۔ لاء افسر نے جواب دیا کہ ہمیں اعتراض نہیں، سماعت 6 مئی کو رکھ لی جائے۔
ہائیکورٹ نے عافیہ صدیقی سے متعلق کیس کی سماعت 6 مئی تک ملتوی کر دی۔
شمالی وزیرستان میں تیل و گیس کا نیا ذخیرہ دریافت