دنیا کے 10 طاقتور ترین ممالک کی فہرست جاری، بھارت شامل نہیں
اشاعت کی تاریخ: 6th, February 2025 GMT
کراچی(اُردو پوائنٹ اخبارتازہ ترین - این این آئی۔ 06 فروری2025ء)فوربز میگزین نے 2025 کے دنیا کے 10 طاقتور ترین ممالک کی فہرست جاری کر دی ہے۔ مرتب کی گئی اس فہرست کا تعین پانچ اہم عوامل کی بنیاد پر کیا گیا، ان عوامل میں قیادت، معاشی اثر و رسوخ، سیاسی طاقت، مضبوط بین الاقوامی اتحاد اور فوجی طاقت شامل ہیں۔
(جاری ہے)
قابل ذکر بات یہ ہے کہ دنیا کی سب سے بڑی آبادی رکھنے والا ملک، پانچویں سب سے بڑی معیشت اور چوتھی سب سے بڑی فوج اور اپنے اہم اثاثوں کے باوجود بھارت کو اس فہرست میں شامل نہیں کیا گیا ہے۔
طاقتور ترین ممالک کی فہرست میں پہلے نمبر پر امریکا ہے، دوسرے نمبر پر چین، تیسرے پر روس، چوتھے نمبر پر برطانیہ، پانچویں پر جرمنی، چھٹے نمبر پر جنوبی کوریا، ساتویں نمبر پر فرانس، آٹھویں نمبر پر جاپان، نویں نمبر پر سعودی عرب اور دسویں نمبر پر اسرائیل کو رکھا گیا ہے۔.ذریعہ: UrduPoint
کلیدی لفظ: تلاش کیجئے
پڑھیں:
دنیا کی طاقتور ٹیکنالوجی کے مقابلے میں حماس نے اپنی ایمانی جذبے کیساتھ مقابلے کی لازول تاریخ رقم کردی، امیرالعظیم
پشاور میں جماعت اسلامی خیبر پختونخوا وسطی کے تحت منعقدہ لیڈرشپ ورکشاپ کے شرکاء سے خطاب کرتے ہوئے مرکزی سیکرٹری جنرل کا کہنا تھا کہ جماعت اسلامی وطن عزیز پاکستان کی سب سے منظم اور جمہوری جماعت ہے، جہاں پر کارکنان کو اظہار رائے کی جتنی آزادی ہے کسی دوسری سیاسی جماعت میں اس کا تصور بھی نہیں کیا جاسکتا۔ اسلام ٹائمز۔ جماعت اسلامی پاکستان کے سیکرٹری جنرل امیرالعظیم نے کہا ہے کہ جماعت اسلامی وطن عزیز پاکستان کی سب سے منظم اور جمہوری جماعت ہے، جہاں پر کارکنان کو اظہار رائے کی جتنی آزادی ہے کسی دوسری سیاسی جماعت میں اس کا تصور بھی نہیں کیا جاسکتا۔ جماعت اسلامی کے کارکنان کی مسلسل جدوجہد اور لیاقت باغ کے سامنے 14 دنوں کے دھرنے نے نہ صرف حکمرانوں کو بجلی کے ناروا بلز اور آئی پی پیز کے ساتھ شرمناک معاہدوں پر نظرثانی پر مجبور کیا بلکہ کارکنان کی مسلسل جدوجہد نے لوگوں کو جماعت کی طرف متوجہ کیا۔ ان خیالات کا اظہار انہوں نے مرکز اسلامی پشاور میں جماعت اسلامی خیبر پختونخوا وسطی کے زیراہتمام ہر سطح کے ذمہ داران کیلئے منعقدہ لیڈرشپ ورکشاپ کے شرکاء سے خطاب کرتے ہوئے کیا۔ ورکشاپ میں جماعت اسلامی کے ضلعی، این اے، زونل اور این سی کی سطح پر قائم تنظیموں کے امراء ناظمین اور ذمہ داران نے کثیر تعداد میں شرکت کی۔ امیر العظیم نے کہا کہ اپنی دعوت سے لگاو ایسی ہونی چاہئے کہ دنیا اسے تسلیم کرے، انہوں نے کہا کہ غزہ کے مظلوم مسلمانوں نے دنیا کی طاقتور ٹیکنالوجی کے مقابلے میں اپنے ایمانی جذبے کے ساتھ جو لازول قربانی دی ہے اس نے دنیا کی تاریخ میں مزاحمت اور اپنی مٹی اور کاز کے ساتھ وابستگی کی نئی تاریخ رقم کردی ہے۔
لیڈر شپ ورکشاپ سے صوبائی امیر عبدالواسع نے خطاب کرتے ہوئے کہا کہ اس وقت صوبہ بھر میں امن و امان کی صورتحال انتہائی دگرگوں ہے جبکہ بعض علاقوں میں 12 سے 18 گھنٹے کی ظالمانہ لوڈشیڈنگ نے لوگوں کی زندگی اجیرن کردی ہے۔ انہوں نے کہا کہ 6 فروری کو کسان بورڈ کے ساتھ مشاورت کے بعد صوبائی حکومت کی جانب سے لگائے گئے زرعی انکم ٹیکس اور سپرٹیکس کے حوالے سے لائحہ عمل کا اعلان کریں گے۔ ورکشاپ سے صوبائی جنرل سیکرٹری صابر حسین اعوان، نائب امراء مولانا محمد اسماعیل، میاں صہیب الدین کاکا خیل، ڈاکٹرمحمد اقبال خلیل، تربیہ اکیڈمی لاہور کے ڈائریکٹر شاہد وارثی اور ڈائریکٹر میڈیا احمد فرقان خلیل نے تنظیم سازی، مقامی جماعتوں کے قیام و فعالیت، بیت المال کے استحکام، ارکان سازی سوشل میڈیا کی اہمیت اور اس کے موثر استعمال پر لیکچرز دیئے۔ ورکشاپ میں تنظیمی ذمہ داران کو ہدایت کی گئی کہ 15 اپریل تک مقامی جماعتوں کی تنظیم سازی، خواتین کے نظمات اور جے آئی یوتھ کی تنظیموں کا قیام عمل میں لائیں۔
معروف سُپر اسٹارز بڑھاپے میں کیسے دکھائی دیں گے؟ اے آئی سے بنی تصاویر وائرل