قذافی اسٹیڈیم کی افتتاحی تقریب کل ہوگی،انٹری فری، معروف گلوکار پرفارم کرینگے
اشاعت کی تاریخ: 6th, February 2025 GMT
لاہور(نیوز ڈیسک)قذافی اسٹیڈیم لاہور کی افتتاحی تقریب کل (جمعہ کو) ہوگی، علی ظفر، عارف لوہار اور آئمہ بیگ پرفارم کریں گے، آتش بازی اور لائٹس شو کا بھی شاندار مظاہرہ ہوگا، تقریب میں داخلہ فری ہوگا۔ چیئرمین پی سی بی نے اسٹیڈیم کی تعمیر نو میں دن رات کام کرنے پر پوری ٹیم کی تعریف کی، کہا ورکرز کا شکریہ جنہوں نے ناممکن ٹاسک کو ممکن بنایا، تنقید کے باوجود پوری ٹیم نے انتھک محنت کی، اللہ تعالیٰ نے ہمارا راستہ آسان کیا۔چیمپئنز ٹرافی کیلئے پاکستانی اسٹیڈیمز کی تزین و آرائش کا کام آخری مراحل میں ہے، لاہور کے قذافی اسٹیڈیم کا افتتاح کل (جمعہ کو) کو رنگا رنگ تقریب کے ذریعے کیا جائے گا۔
افتتاحی تقریب میں معروف گلوکار علی ظفر، عارف لوہار اور آئمہ بیگ پرفارم کریں گے، اس موقع پر آتش بازی اور لائٹس شو کا بھی مظاہرہ کیا جائے گا، عوام کیلئے افتتاحی تقریب میں داخلہ فری ہوگا۔نئے تعمیر شدہ قذافی اسٹیڈیم میں پہلا میچ پاکستان اور نیوزی لینڈ کے درمیان 8 فروری کو کھیلا جائے گا۔چیئرمین پی سی بی محسن نقوی نے ذاتی طور پر تمام کاموں کا معائنہ کیا، صرف 117 روز کی ریکارڈ مدت میں جدید ترین اسٹیڈیم تیار کیا گیا، زیادہ روشن ایل ای ڈی لائٹس، 2 نئی پہلے سے بڑی اسکور سکرینز نصب کردی گئیں۔
شائقین کرکٹ کیلئے ہر انکلوژرز سے میچ دیکھنے کا بہترین ویو ممکن بنایا گیا ہے، انکلوژرز کے آگے تمام جنگلے ختم کردیئے گئے، آرام دہ امپورٹڈ نشستیں نصب کی گئیں، نئے ہاسپٹالٹی باکسز، شائقین کرکٹ اور کھلاڑیوں کیلئے عالمی معیار کی سہولتیں مہیا کی گئی ہیں۔چیئرمین پی سی بی محسن نقوی نے اسٹیڈیم کی تعمیر نو میں دن رات کام کرنے پر پوری ٹیم کی تعریف کی۔ کہا کہ سب سے پہلے ورکرز کا شکریہ ادا کرتا ہوں، جنہوں نے ناممکن ٹاسک کو ممکن بنایا، ایف ڈبلیو او، نیسپاک، کنٹریکٹر اور پی سی بی کی ٹیمز نے اسٹیڈیم کی تعمیر نو کا خواب حقیقت میں بدلا۔ان کا کہنا ہے کہ تنقید کے باوجود پوری ٹیم نے انتھک محنت کی اور اللہ تعالٰی نے ہمارا راستہ آسان کیا، ایک بڑے ٹاسک کی تکمیل پر اللہ تعالٰی کے حضور سربسجود ہیں۔
کمسن بچی پر تشدد اور خواجہ سرا گرو کے زبردستی اپنے ساتھ رکھنے کا انکشاف
.ذریعہ: Daily Ausaf
کلیدی لفظ: قذافی اسٹیڈیم افتتاحی تقریب اسٹیڈیم کی پوری ٹیم پی سی بی
پڑھیں:
امریکہ، 54 پاکستانی طلبا ایکسچینج پروگرام کے تحت تعلیم مکمل کرینگے
امریکا نے فل برائٹ پروگرام کی بندش کی اطلاعات کو غلط قرار دیتے ہوئے کہا کہ امریکی محکمہ خارجہ دنیا بھر میں اپنے تعلیمی ایکسچینج پروگراموں کا جائزہ لے رہا ہے تاکہ ان پروگراموں کو صدارتی انتظامیہ کی ترجیحات کے مطابق بنایا جا سکے۔ اسلام ٹائمز۔ امریکا نے پاکستان کیلئے گلوبل انڈر گریجویٹ ایکسچینج پروگرام کے حوالے سے وضاحت کی ہے کہ امریکا میں موجود 54 پاکستانی طلبا ایکسچینج پروگرام کے تحت اپنی تعلیم مکمل کریں گے۔ غیر ملکی خبررساں ادارے کے مطابق امریکا کی جانب سے وضاحتی بیان میں بتایا گیا کہ طلبا شیڈول کے مطابق پاکستان واپس آئیں گے، انہیں طے شدہ الانس اور مراعات بھی ملتی رہیں گی۔ امریکا نے فل برائٹ پروگرام کی بندش کی اطلاعات بھی غلط قرار دیتے ہوئے کہا کہ امریکی محکمہ خارجہ دنیا بھر میں اپنے تعلیمی ایکسچینج پروگراموں کا جائزہ لے رہا ہے تاکہ ان پروگراموں کو ٹرمپ انتظامیہ کی ترجیحات کے مطابق بنایا جا سکے۔
بیان میں مزید کہا گیا ہے کہ امریکی حکومت کے فنڈ کردہ کئی دیگر تبادلہ پروگرام پاکستانی طلبا کیلئے اب بھی دستیاب ہیں، بشمول فلبرائٹ پروگرام، جس کے شرکا اپنے وظیفے اور الانس بدستور وصول کر رہے ہیں۔ واضح رہے کہ یہ وضاحت پاکستان کیلئے گلوبل انڈرگریجویٹ ایکسچینج پروگرام بند ہونے کی خبروں پر عوامی تشویش کے بعد سامنے آئی ہے۔ گزشتہ دنوں امریکا نے پاکستان کیلئے گلوبل انڈرگریجویٹ ایکسچینج پروگرام ختم کرنے کا اعلان کیا تھا۔
چیئرمین پی پی بلاول بھٹو زرداری دبئی روانہ