شادی کیلئے آئی امریکی خاتون کے ذہنی بیماری ’بائی پولر ڈس آرڈر‘ میں مبتلا ہونے کا انکشاف
اشاعت کی تاریخ: 6th, February 2025 GMT
---فائل فوٹو
کراچی کے لڑکے سے شادی کے لیے پاکستان آئی امریکی خاتون اونیجا اینڈریو رابنس جناح اسپتال کراچی کے اسپیشل وارڈ میں داخل ہیں جہاں ان کا علاج جاری ہے۔
’دی نیوز‘ کی رپورٹ کے مطابق امریکی خاتون کے علاج کے لیے تشکیل دی گئی ڈاکٹروں کی ٹیم کی جانب سے انکشاف کیا گیا ہے کہ امریکی خاتون ذہنی بیماری ’بائی پولر ڈس آرڈر‘ میں مبتلا ہیں۔
کراچی کراچی کے لڑکے سے شادی کے لئے آئی امریکی.
ڈاکٹروں کی ٹیم کا کہنا ہے کہ طبی ٹیسٹ میں خاتون کو نفسیاتی بیماری بائی پولر ڈس آرڈر (Bipolar Disorder) کی تصدیق ہوئی ہے جس کا علاج امریکا میں بھی کیا جا رہا تھا۔
اس سے قبل جناح اسپتال میں زیرِ علاج امریکی خاتون میں ہیموگلوبن لیول کی کمی سامنے آئی تھی جس کے پیشِ نظر انہیں دو بار خون لگایا جا چکا ہے۔
میڈیا رپورٹس کے مطابق امریکی خاتون کو جگر کے مسائل کا بھی سامنا ہے، مریضہ اسپتال کا کھانا کھانے سے انکار اور فاسٹ فوڈ کی فرمائشیں کرتی رہتی ہیں۔
جے پی ایم سی کے ڈاکٹروں، امریکی خاتون کے علاج پر مامور ٹیم کا کہنا ہے کہ مریضہ کے جگر سے متعلق ٹیسٹ LFT کی رپورٹ بھی صحیح نہیں آئی ہے۔
پاکستان شوبز انڈسٹری کی معروف ماڈل، اداکارہ و میزبان نادیہ حسین نے حکومت سے مخلصانہ اپیل کی ہے کہ امریکی خاتون اونیجا اینڈریو رابنس کا مذاق نہ اڑائیں اور اسے احترام کے ساتھ ملک بدر کریں۔
دوسری جانب ماہرِ نفسیات پروفیسر ڈاکٹر محمد اقبال آفریدی نے کہا ہے کہ بائی پولر ڈس آرڈر ایک نفسیاتی بیماری ہے جو ختم نہیں ہوتی لیکن دوا اور تھیراپی کے ذریعے اسے کنٹرول کیا جا سکتا ہے۔
انہوں نے بتایا کہ اس بیماری میں مریض کی کیفیت میں اتار چڑھاؤ آتا رہتا ہے، مریض کبھی روتا ہے اور کبھی ہنستا ہے، اس بیماری میں 2 فیصد لوگ مبتلا ہیں اور یہ مرض 80 فیصد وراثت میں ملتا ہے۔
اس مرض میں مبتلا مریض ڈپریشن کا شکار رہتا ہے اور شدید ڈپریشن کی صورت میں نشے اور خودکشی کی طرف بھی مائل ہو سکتا ہے۔
دوسری جانب امریکی خاتون کی سوشل میڈیا پر ڈانس کرتے ہوئے ایک ویڈیو بھی وائرل ہوئی ہے جس میں انہیں خوش گوار موڈ میں دیکھا جا سکتا ہے۔
اس سے قبل بھی جناح اسپتال سے امریکی خاتون اونیجا اینڈریو رابنس کی ایک ویڈیو وائرل ہوئی تھی جس میں انہیں اسپتال میں ڈاکٹر سے بات کرتے ہوئے دکھا گیا تھا۔
ذریعہ: Jang News
کلیدی لفظ: امریکی خاتون بائی پولر ڈس جناح اسپتال
پڑھیں:
گوجر خان، شادی کی تقریب میں کھانا کھانے سے 200 مہمانوں کی حالت غیر، ابتدائی رپورٹ میں انکشافات
راولپنڈی:گوجر خان شادی کی تقریب میں کھانا کھانے سے 200 افراد کی حالت غیر ہونے کے معاملے پر ابتدائی تحقیقات مکمل کرلی گئی ہے۔
ایکسپریس نیوز کے مطابق توجر خان میں شادی کی تقریب میں کھانے سے 200 افراد کی حالت خراب ہونے کے معاملے پر ڈی جی فوڈ اتھارٹی نے نوٹس لے کر تحقیقات کیلیے ٹیم تشکیل دی تھی۔
واقعہ رپورٹ ہونے کے بعد فوڈ سیفٹی ٹیموں نے فوری کاروائی کرتے ہوئے کیٹرنگ یونٹ کو سیل کردیا اور 1 لاکھ روپے جرمانہ عائد کیا۔
فوڈ سیفٹی آفیسر نے لواحقین اور ڈاکٹرز سےملاقات بھی کی، ڈاکٹروں نے بتایا کہ تمام افراد کی حالت خطرے سے باہر ہے، کیٹرنگ پروسیسنگ ایریا میں واشروم، حشرات کی بھرمار پائی گی، جبکہ شادی کے کھانے میں ناقص کھلے مصالحے استعمال کیے گے۔
یونٹ میں موجود اشیاء کا ریکارڈ عدم موجود پایا گیا جبکہ پروسیسنگ ایریا میں صفائی کے ناقص انتظامات، واٹر ٹینک واشروم بھی پایا گیا۔
ابتدائی رپورٹ ڈی جی پنجاب فوڈ اتھارٹی کو پیش کردی گی جس میں کیٹرنگ کا مالک کو ذمہ دار قرار دیا گیا ہے۔
بانی پی ٹی آئی نے عالیہ حمزہ کو پنجاب میں فیصلوں کا اختیار دے دیا