صدر آصف علی زرداری کی چین کے وزیراعظم لی چیانگ سے ملاقات
اشاعت کی تاریخ: 6th, February 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔06 فروری ۔2025 )صدر مملکت آصف علی زرداری نے چین کے وزیراعظم لی چیانگ سے ملاقات کی اس دوران پاکستان اور چین کے درمیان مفاہمت کی متعدد یاد داشتوں پر دستخط کی تقریب بھی ہوئی ریڈیو پاکستان کے مطابق صدر مملکت آصف علی زرداری کی چین کے وزیر اعظم لی چیانگ سے ملاقات میں وزیرخارجہ اسحاق ڈار اور وزیر اعلیٰ سندھ مرادعلی شاہ بھی موجود تھے.
(جاری ہے)
ملاقات کے دوران دو طرفہ تعلقات اور مختلف شعبوں میں تعاون کے فروغ پر تبادلہ خیال کیا گیا بالخصوص قابل تجدیدتوانائی، سائنس اینڈ ٹیکنالوجی، انفرا اسٹرکچر اور زرعی شعبوں میں تعاون کو وسعت دینے پر غور کیا گیا صدر آصف زرداری اور چینی وزراعظم لی چیانگ کے مابین اقتصادی تعاون بڑھانے کے لیے نجی شعبے اور کاروباری برادری میں روابط کے فروغ پر گفتگو ہوئی دونوں راہنماﺅں نے پاک چین دوستی کو مزید مستحکم کرنے کے عزم کا اعادہ کیا. صدر آصف علی زرداری نے ترقیاتی ایجنڈے کے لیے چین کی مسلسل حمایت پر شکریہ ادا کیا انہوں نے واضح کیا کہ علاقائی روابط اور اقتصادی ترقی کے لیے سی پیک منصوبہ بہت اہمیت کا حامل ہے بعد ازاں پاکستان اور چین کے درمیان مفاہمت کی یادداشتوں ( ایم او یوز) پر دستخط کی تقریب ہوئی تقریب میں پاکستان اور چین کے درمیان مفاہمت کی یادداشتوں پر دستخط کیے گئے صدر آصف زرداری، وزیرخارجہ اسحاق ڈار او ر وزیراعلیٰ سندھ مراد علی شاہ تقریب میں شریک ہوئے. مفاہمتی یاداشتوں کے تحت پاکستان میں سیمنٹ کی پیداوار میں 5 ہزار ٹن یومیہ اضافے کے لیے پروڈکشن لائن لگائی جائے گی ٹھٹھہ سیمنٹ کمپنی اور چین کے چنگ گانگ کنسٹرکشن گروپ کے درمیان ایم یو پر دستخط ہوئے محکمہ توانائی سندھ اور چین کی منگ یانگ قابل تجدید توانائی کمپنی کے درمیان مفاہمتی یادداشت پر دستخط بھی ہوئے یادداشت کے تحت پاکستان میں قابل تجدید توانائی کے مختلف منصوبوں پر تعاون کیا جائے گا سندھ اور چینی کمپنی میں کوئلے کی گیسی فکیشن اور یوریا کے پیداواری پلانٹ کی مفاہمتی یادداشت پر دستخط بھی کیے گئے.
ذریعہ: UrduPoint
کلیدی لفظ: تلاش کیجئے آصف علی زرداری اور چین کے کے درمیان کے لیے
پڑھیں:
پاکستان اور چین کے درمیان مختلف معاہدوں پر دستخط
ویب ڈیسک : پاکستان اور چین کے درمیان مختلف شعبوں میں تعاون بڑھانے کے لئے مفاہمتی یادداشتوں پر دستخط ہوگئے۔
بیجنگ میں پاکستان اور چین میں قابل تجدید توانائی، کھاد اور تعمیرات سمیت مختلف شعبوں میں تعاون بڑھانے کے لئے مفاہمتی یادداشتوں پر دستخط کی تقریب ہوئی، جس میں ٹھٹھہ سمینٹ کمپنی اور چین کے چنگ گانگ کنسٹرکشن گروپ کے درمیان ایم اویوپردستخط ہوئے۔
ایم اویو کے تحت پاکستان میں سمینٹ کی پیداوار میں پانچ ٹن یومیہ اضافے کیلئے پروڈکشن لائن لگائی جائے گی۔ اس کے علاوہ سندھ کے محکمہ توانائی اورچین کی منگ یانگ توانائی کمپنی کے درمیان بھی ایم اویوپردستخط ہوئے، جس کے تحت چینی کمپنی پاکستان میں قابل تجدید توانائی کے منصوبوں پرتعاون کرے گی۔
پاکستان غزہ میں مستقل جنگ بندی کا مطالبہ کرتا ہے: ترجمان دفتر خارجہ
سندھ حکومت اورچینی کمپنی میں کوئلےکی گیسی فکیشن اور یوریا کے پیداواری پلانٹ کے منصوبے کی یادداشت پر بھی دستخط کیے۔
گذشتہ روز صدر مملکت آصف علی زرداری نے اپنے 5 روزہ دورہ چین کے دوران اپنے چینی ہم منصب شی جن پنگ سے ملاقات کی تھی۔ ملاقات کے بعد مفاہمتی یادداشت پر دستخط کی تقریب ہوئی تھی ۔ جس میں دونوں رہنماؤں نے سائنس و ٹیکنالوجی، میڈیا، صاف توانائی اور سماجی و اقتصادی ترقی سمیت دیگر شعبوں میں تعاون بڑھانے کے لیے مفاہمت کی یادداشتوں پر دستخط کیے۔
سریا کی قیمت میں ہزاروں روپے اضافہ کا خدشہ
تحریک تحفظ آئین پاکستان کا جلد سیاسی سرگرمیاں شروع کرنیکا اعلان