وادی نیلم میں خواتین رضا کاروں کی پولیو کے خلاف جرأت مندانہ جدوجہد
اشاعت کی تاریخ: 6th, February 2025 GMT
15 ہزار سے زائد آبادی پر محیط وادی نیلم کے علاقے سرگن میں پولیو مہم چلانا شدید مشکلات سے بھرپور ہے۔ برفباری، دور دراز گھر، اور دشوار گزار راستے خواتین رضاکاروں کے لیے ایک بڑا چیلنج ہیں۔ مہناز سجاد سرگن کی رہائشی ہیں اور پولیو مہم میں 3 سال سے سوشل ورکر کے طور پر کام کرتی ہیں۔ مہناز کا تعلق کراچی سے اور شادی کے بعد سے سرگن میں مقیم ہیں۔
وی نیوز سے گفتگو کرتے ہوئے انہوں نے کہا کہ شہروں میں ڈور ٹو ڈور پولیو مہم آسان ہوتی ہے، لیکن یہاں برفباری والے علاقوں میں جہاں درجہ حرارت منفی ہوتا ہے وہاں کام کرنا بہت مشکل ہوتا ہے۔ ہمارے پاس کوئی سہولت نہیں ہوتی کہ ہم راستہ بنا سکیں ہم خود راستہ بنا کر گھر گھر جا کر بچوں کو پولیو کے قطرے پلاتے ہیں۔ بچوں کو تلاش کرنا پڑتا ہے کیونکہ گھر دور دور ہوتے اور بعض اوقات بچے گھر نہیں ہوتے۔
مزید پڑھیں: کوئٹہ: بچوں کو پولیو سے بچاؤ کے قطرے پلانے سے انکار پر 5 افراد گرفتار
ایریا انچارج نذر علی نے وی نیوز کو بتایا کہ ان کی زیر نگرانی مائع بکوالی سے کنڈی گھموٹ تک 5 ٹیمیں کام کر رہی ہیں، جو ہر گھر تک پہنچنے اور کسی بھی بچے کو پولیو ویکسین سے محروم نہ رہنے دینے کے لیے مکمل جانفشانی سے کام کر رہی ہیں۔ شدید موسمی حالات اور برفانی تودے گرنے کے خطرات کے باوجود، خواتین اپنی جانوں کی پرواہ کیے بغیر پولیو جیسے موذی مرض کے خلاف جنگ لڑ رہی ہیں۔
نذر علی کا مزید کہنا تھا کہ رضا کاروں کو مناسب سہولیات، حفاظتی ساز و سامان اور حکومتی مدد کی اشد ضرورت ہے تاکہ وہ اپنا یہ قومی فریضہ مزید مؤثر انداز میں انجام دے سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیو خواتین رضا کار وادی نیلم.ذریعہ: WE News
کلیدی لفظ: پولیو خواتین رضا کار وادی نیلم کام کر
پڑھیں:
ملین بچوں کو پولیو قطرے پلانے کا ہدف‘مہمات شروع
سرگودھا ،ملک بھر میں آج سے شروع ہونے والی انسداد پولیو مہم کے سلسلے میں رضا کا ایک بچے کو پولیو کے قطرے پلارہاہےاسلام آباد:(ویب ڈیسک) ملک بھر میںسال 2025ءکی ابتدائی پہلی قومی انسدادِ پولیو مہم شروع کردی گئی ہے۔
میڈیا کی رپورٹ کے مطابق نیشنل ایمرجنسی آپریشنز سینٹر کا کہنا ہے کہ پاکستان بھر میں 2025ءکی اولین نیشنل انسدادِ پولیو مہم کا آغاز ہوچکا ہے۔
اس حوالے سے نیشنل ایمرجنسی آپریشنز سینٹر نے بتایا ہے کہ پاکستان بھر میںپولیو کے خاتمے کے لیے پولیو مہم آج سے9 فروری تک بھر پور چلائی جا رہی ہے۔ اس ہم کی خاص بات یہ ہے کہ اس بار پورے ملک میں45 ملین سے زائد بچوں کو پولیو سے بچاو¿ کے ویکسن پلانے کا ہدف مقرر کردیا گیا ہے۔
نیشنل ای او سی کے مطابق 4 لاکھ سے زائد مرد و خواتین پر مشتمل عملہ بطور پولیو ورکرز اس مہم میں اپنی بھر پور خدمات سرانجام دیں گے۔
میڈیا کی رپورٹ کے مطابق وزیراعظم کی فوکل پرسن عائشہ رضا فاروق نے دارالخلافہ اسلام آباد اور راولپنڈی کی ہائی رسک یونین کونسلز کا دورہ کیا۔ سرکاری اعلامیہ کے مطابق عائشہ رضا فاروق نے مہم کا بھر پورجائزہ لیا اور فیلڈ میں موجود پولیو ٹیموں سے تفصیلی ملاقات کی۔
لاڑکانہ سماجی اتحاد کی جانب سے بے امنی کے خلاف احتجاج کیا جا رہا ہے