کراچی: گزشتہ رات پارہ سنگل ڈیجٹ میں ریکارڈ
اشاعت کی تاریخ: 6th, February 2025 GMT
—فائل فوٹو
کراچی میں گزشتہ رات درجۂ حرارت سنگل ڈیجٹ میں ریکارڈ کیا گیا۔
کراچی میں آئندہ 24 گھنٹوں کے دوران موسم خشک اور خنک رہنےکا امکان ہے۔
محکمۂ موسمیات کے مطابق کراچی کے علاقے جناح ٹرمینل اور اطراف کے علاقوں میں درجۂ حرارت سنگل ڈیجٹ میں ریکارڈ کیا گیا۔
جناح ٹرمینل پر درجۂ حرارت 8.
گلستانِ جوہر میں 10، شارعِ فیصل اور ماڑی پور پر 11.5 جبکہ بن قاسم میں پارہ 12.4 ڈگری سینٹی گریڈ رہا۔
ذریعہ: Jang News
پڑھیں:
خیبرپختونخوا کے درجہ حرارت میں غیر معمولی اضافے کا امکان، ایڈوائزری جاری
خیبرپختونخوا میں محکمہ موسمیات نے آنے والے دنوں میں صوبے کے بیشتر اضلاع میں متوقع ہیٹ ویو سے قبل الرٹ جاری کر دیا ہے۔
صوبائی ڈیزاسٹر مینجمنٹ اتھارٹی (PDMA) نے ہفتے کے روز اعلان کیا کہ کل بروز پیر سے دن کے وقت درجہ حرارت میں مسلسل اضافہ ہونے کا امکان ہے۔
یہ بھی پڑھیں:ہیٹ ویو: فالج سے کیسے بچا جا سکتا ہے؟
امکان ہے کہ درجہ حرارت میں یہ اضافہ 4 سے 6 ڈگری سینٹی گریڈ تک ہو سکتا ہے، جبکہ دوپہر اور شام کے اوقات میں خشک اور گرد آلود ہوائیں مختلف علاقوں کو متاثر کر سکتی ہیں۔
محکمہ موسمیات نے خبردار کیا ہے کہ مسلسل گرم اور خشک حالات ہیٹ اسٹروک کے خطرے کو بڑھا سکتے ہیں۔احتیاطی نقطہ نظر سے پی ڈی ایم اے نے تمام ضلعی انتظامیہ اور متعلقہ اداروں کو حفاظتی اقدامات پر عمل درآمد کرنے کی ہدایت کی ہے۔
محکمے کی جانب سے لوگوں کو صبح 10 بجے سے شام 5 بجے تک دھوپ سے باہر رہنے کا مشورہ دیا گیا ہے۔ خاص طور پر بزرگ شہریوں اور بچوں کو جو گرمی سے متعلق بیماریوں کا زیادہ خطرہ رکھتے ہیں۔
ہیٹ ویو کے مضر اثرات کو کم کرنے میں مدد کے لیے محکمہ صحت سے کہا گیا ہے کہ وہ ہیٹ اسٹروک کے علاج کے مراکز کی دستیابی کو یقینی بنائے، اور ہنگامی طبی عملے اور ریسکیو یونٹوں کو الرٹ پر رکھا گیا ہے۔اس حوالے سے کسانوں سے بھی اپیل کی گئی ہے کہ وہ اپنی فصلوں کے لیے وافر پانی محفوظ رکھیں۔
ایڈوائزری میں گرم موسم کے دوران مویشیوں اور پالتو جانوروں کی دیکھ بھال کے لیے رہنمائی بھی شامل ہے، جبکہ گاڑی چلانے والوں کو مشورہ دیا جاتا ہے کہ وہ سفر سے پہلے اپنی گاڑیوں کے کولنٹ لیول اور ٹائر پریشر کو چیک کریں۔
پی ڈی ایم اے کے مطابق اس کا ایمرجنسی آپریشن سینٹر فعال ہے اور شہری 1700 پر کال کرکے گرمی سے متعلق ہنگامی صورتحال کی اطلاع دے سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایڈوائزری پی ڈی ایم اے خیبرپختونخوا ہیٹ ویو
ترجمان سندھ حکومت کا مریم اورنگزیب کے بیان پر ردعمل