اوباڑو میں جماعت اسلامی کے تحت یکجہتی کشمیر ریلی نکالی گئی
اشاعت کی تاریخ: 6th, February 2025 GMT
میرپورماتھیلو(نمائندہ جسارت)اوباڑو شہر میں جماعت اسلامی کے تحت یکجہتی کشمیر ریلی کا انعقاد کیا گیا۔ریلی کی صدارت تشکیل احمد صدیقی نے کی جس میں اسکولز کے طلبہ اساتذہ کے ساتھ مفتی محمد یوسف مزاری اور حاجی اکبر علی گنب نے خصوصی شرکت کی۔ریلی سے خطاب کرتے ہوئے تشکیل احمد صدیقی نے کہا کہ کشمیر کے معاملے میں جو لوگ لیت و لعل کا مظاہر کررہے ہیں ان کا احتساب کیا جائے، حکمرانوں سے گزارش ہے کہ کشمیریوں کو حق خودارادیت دلوائیں۔مفتی محمد یوسف مزاری نے خطاب کرتے ہوئے کہاکہ کشمیر کا مسئلہ پاکستان کا اور سندھ کا مسئلہ بھی ہے دریا سندھ کا پانی بھی کشمیر سے آتا ہے۔ حاجی اکبر علی گمب نے کہا کہ یکجہتی کشمیر کی عظیم الشان ریلی منعقد کرنے پر جماعت اسلامی اوباڑو کو خراج تحسین پیش کرتا ہوں مزید انہوں نے کشمیر میں بھارتی جارحیت کی مذمت کی۔ریلی میں مختلف پرائیوٹ اسکولز شاہین پبلک اسکول ، پرلس پبلک اسکول ، شاہ لطیف اسکول اور ایکسیلینس اسکول کے بچوں نے بڑی تعداد میں شرکت کی۔ کشمیر کی آزادی کے موضوع پر بچوں نے تقاریر بھی کیں ۔ریلی میں مولانا عبد الجبار سومرو جنرل سیکرٹری جماعت اسلامی ضلع گھوٹکی ، غلام قادر سیٹھار،حافظ علی حسن منصوری ، حاکم علی شیخ ، منصور احمد جویو ، علی شیر چاچڑ ، جہانگیر حسین انصاری ، محمد عرفان مزاری اورحافظ مولا بخش مزاری کونسلر جماعت اسلامی مقام بیروٹا و دیگر رہنما موجود تھے۔
.ذریعہ: Jasarat News
کلیدی لفظ: جماعت اسلامی
پڑھیں:
اندرون سندھ یوم یکجہتی کشمیر پر ریلیوں اور جلسوں کا انعقاد
حیدرآباد / ٹنڈوجام /جیکب آباد/ میرپور ماتھیلو/ ماتلی/ٹنڈوآدم / سکھر / نوابشاہ /خیرپور/ ٹنڈو محمد خان /محرابپور/ میرپورخاص /بدین / مٹیاری /پڈعیدن /دھابیجی / سنجھورو / نوشہرو فیروز / کندھکوٹ (نمائندگان جسارت )امیر جماعت اسلامی پاکستان حافظ نعیم الرحمان کی کال پر ملک کی دیگر اضلاع کی طرح جماعت اسلامی ضلع جیکب آباد کے ضلعی ہیڈ کوارٹر جیکب آباد شہر میں بھی جماعت اسلامی ضلع کی جانب سے ضلعی امیر ابوبکر سومرو ،نائب امراء علامہ محمد حنیف کھوسو، عبدالصمد کٹبار کی قیادت میں دفتر جماعت اسلامی سے پریس کلب تک کشمیری عوام سے اظھار یکجہتی کے طور پر ” یوم یکجہتی کشمیر ” ریلی کا اہتمام کیا گیا. ریلی دفتر جماعت اسلامی سے قائداعظم روڈ، ڈی سی چوک ،پریس کلب روڈ سے فلگ شگاف نعرے “کشمیریوں سے رشتہ کیا لاالہ اللہ، کشمیر بنے گا پاکستان، بھارتی درندگی مردہ باد، بھارت کا ایک علاج الجھاد الجھاد” لگاتے ہوئی جب پریس کلب پہنچی تو یقیناً جلسہ عام کا منظر پیش کرنے لگی. ریلی کے شرکاء جس میں ضلع بھر سے جماعت اسلامی کے کارکناں کے ساتھ عام شہریوں نے بھی اپنے کشمیری عوام سے والہانہ اظہار محبت کے جذبے کے تحت بڑی تعداد میں شرکت کی۔اس موقع پر ضلعی امیر ابوبکر سومرو ، عبدالصمد کٹبار ، ھدایت اللہ رند اور علامہ محمد حنیف کھوسو نے خطاب کرتے ہوئے کہا کہ مقبوضہ وادی کشمیر کے عوام مطمئن رہیں کہ جب تک ہماری جان میں جان ہے، جماعت اسلامی ہر جگہ اپنے بھائیوں، بہنوں، بیٹیون، بیٹوں، جوان، بزرگوں سے ان کی بھارتی تسلط سے آزادی تک ہر قسم کا تعاون کرتے رہیں گے. ان کا کہنا تھا کہ اقوام عالم اور انسانی حقوق کے علمبردار کہاں چلے گئے ہیں جبکہ وہ تو جانوروں اور پرندوں کے حقوق کے نہ فقط باتیں کرتے ہوئے نہیں تھکتے ہیں بلکہ ان کے لیے سب کچھ کر گزرتے ہوئے نظر آتے ہیں. رہنماؤں کا کہنا تھا سید ابوالاعلیٰ مودودی رحہ کی یہ بات سو فیصد درست ہے کہ بھارت مذاکرات سے نہیں بلکہ جھاد سے مقبوضہ کشمیر چھوڑے گا. ماتلی میونسپل کمیٹی کی جانب سے کشمیر ڈے پر کشمیر بنے کا پاکستان ریلی نکالی گئی ریلی کی قیادت چیف مونسپل آفیسر عتیق قائم خانی اور انجینئر عبد الرزاق ہالپوٹہ نی کی ریلی میں شہریوں اور میونسپل اسٹاف بڑی تعداد میں۔ شرکت کی۔ یوم یکجہتی کشمیر کے موقع پر میرپور ماتھیلو میں ضلعی انتظامیہ و سیاسی سماجی رہنماؤں کی جانب سے الگ الگ ریلیوں کا انعقاد ، کشمیر بنے گا پاکستان کے فلگ شگاف نعرے ، تفصیلات کے مطابق پانچ فروری یوم یک جہتی کشمیر کے موقع پر ملک بھر کے دیگر شھرون کی طرح میرپور ماتھیلو میں بھی مختلف سیاسی سماجی رہنماؤں کی جانب سے الگ الگ ریلیوں کا انعقاد کیا گیا اس موقع پر میڈیا سے بات چیت کرتے ہوئے پرنسپل گورنمنٹ بوائز ہائی سکول غلام سرور کھوکھر ، اے سی میرپور ماتھیلو بابر علی ، تعلقہ ایجوکیشن افسر قاضی لطف اللہ کلوڑ قومی امن کمیٹی کے رہنما اصغر مجاھد مہر ، سعد اللہ کورائی ، و دیگر کا کہنا تھا کہ کشمیر پاکستان کی شہ رگ ہے ہم بڑے خوش نصیب ہیں جو آزاد فزا میں سانس لے رہے ہیں ، انشاء اللہ کشمیری بھائی اپنی جدوجہد میں جلد کامیاب ہونگے جبکہ ریلی میں بھارتی جارحیت اور مظالم کے خلاف نعرے بلند کئے گئے اور دنیا بھر کو بھارت کے مکروہ چہرے سے آگاہ کیا گیا۔ 5 فروری یوم یکجہتی کشمیر کے موقع پر جماعت اسلامی ٹنڈوآدم کی جانب سے پریس کلب کے سامنے کشمیری مسلمانوں سے اظہار یکجہتی کیلئے نائب امیر جماعت اسلامی سندھ افضال احمد آرائیں کی قیادت میں مظاہرہ کیا گیا اس موقع مظاہرین نے ہاتھوں میں جھنڈے بینرز اور پلے کارڈز اٹھا رکھے تھے جن پر کشمیر کی جدو جہد آزادی کی حمایت اور بھارتی فوج کے مظالم کے اور غاصبانہ قبضے کے خلاف نعرے درج تھے اس موقع پر نائب امیر جماعت اسلامی سندھ افضال احمد آرائیں ، مقامی امیر سید عریف اللہ نے مظاہرین سے خطاب کرتے ہوئے کہا کہ بانی پاکستان قائد اعظم محمد علی جناح رح نے فرمایا تھا کہ کشمیر پاکستان کی شہہ رگ ہے اور کشمیر کی آزادی سے ہی پاکستان کی تکمیل ممکن ہے پاکستان کے لہلہاتے کھیت کھلیان زرخیز زمینیں کشمیر سے آنے والے پانی سے ہی سیراب ہوتی ہیں بھارت کی آٹھ لاکھ فوج کشمیری مسلمانوں پر ظلم کے پہاڑ توڑ رہی ہے انسانی حقوق کی نام نہاد تنظیمیں اور اقوام متحدہ خاموش تماشائی بنے ہوئے ہیں مسلم حکمرانوں کا رول بھی مایوس کن ہے انہوں نے کہا کہ تحریک آزادی میں لاکھوں کشمیری مسلمان جام شہادت نوش کرچکے ہیں مگر انکے جذبہ حریت میں کمی نہیں آئی ان شہیدوں کا لہو رنگ لائے گا اقوام متحدہ کے ایجنڈے پر کشمیر سب سے پرانا حل طلب مسئلہ ہے جو اقوام متحدہ کا منہ چڑا رہا ہے انہوں نے کہا کہ ہمارے حکمران بھی کشمیریوں کا نقطئہ نگاہ پیش کرنے سے قاصر ہیں انہیں ہندوستان کی درندگی نظر نہیں آتی وہ آلو پیاز کی تجارت کیلئے مسئلہ کشمیر کو یکسر نظر انداز کررہے ہیں انکے نزدیک سبزیوں کی تجارت انسان خون سے زیادہ عزیز ہوچکی ہے اور مسئلہ کشمیر کو سرد خانے میں ڈال دیا گیا ہے انہوں نے کہا کہ ضرورت اس امر کی ہے کہ ہم مظلوم کشمیری مسلمانوں پر ہونے والے مظالم پر ہندوستان کی سفاکی و بربریت پر اٹھ کھڑے ہوں مسلمانوں خواتین کی لٹی عصمتوں ، بہتے خون اور نسل کشی کے خلاف آواز بلند کریں۔
رمضان میں غریب خاندانوں کوکتنےکتنے ہزار روپے دیے جائیں گے؟اہم اعلان