ٹنڈوجام ،مختلف علاقوں میں آوارہ کتوں کی بہتات ،شہری پریشان
اشاعت کی تاریخ: 6th, February 2025 GMT
ٹنڈوجام (نمائندہ جسارت )ٹنڈو جام کے قریب یونین کمیٹی حاجی سانو خان گوپانگ 58 کے مختلف دیہات میں آوارہ اور پاگل کتوںکی وجہ سے خوف وہراس میں مبتلا گھروں سے نکلنا مشکل ہوگیا چیئرمین میونسپل کارپورشن ٹنڈوجام سے کتا مار مہم چلانے کا مطالبہ۔ تفصیلات کے مطابق یونین کونسل حاجی ساون خان گوپانگ کے رہائشیوں سلیمان خان عبدالرحمن خیر بخش گوپانگ نے بتایا ہے کہ ان کے گائوں میں اور گائوں سے باہر بیمار اور زخمی کتوں کی وجہ سے ان کی زندگی اجیرن بن کر رہ گئی اور کتوں کا کاٹنا بچوں اور خواتین ومرد وں کو معمول کا حصہ بنتا جارہا ہے جس کی وجہ سے گاوں میں خوف ہراس پایا جاتا اور بچوں کو اکیلے اسکول بھیجنے سے بھی والدین ڈرتے ہیں جب کہ امتحانات بھی قریب آگئے ہیں انھوں نے بتایا کہ چند روز قبل ایک پاگل کتا گاوں کے ایک گھر میں گھس گیا تھا اور اس نے پانچ افراد کو زخمی کردیا انھوں نے چیئرمین میونسپل کارپورشن ٹنڈوجام سے اپیل کی ہے کہ وہ گاوں کے لوگوں کی زندگی محفوظ بنانے کے لیے ان کتوں کے خلاف کتا مار مہم کا آغاز کریں تاکہ گاوں کے لوگ بغیر کسی خوف وہراس کے اپنے گھروں سے باہر نکل سکیں اور بچے اپنے اسکول جا سکیں۔
.ذریعہ: Jasarat News
پڑھیں:
ٹنڈوجام،تھر کاروایتی و ثقافتی میلہ آج منعقد کیاجائے گا
ٹنڈوجام (جسارت نیوز)سندھ زرعی یونیورسٹی ٹنڈوجام کی زیرمیزبانی اور تھری اسٹوڈنٹس کونسل کے اشتراک سے تھر روایتی و ثقافتی میلہ6 فروری کومنعقد کیا جائیگا اس میلے کا مقصد تھر کے ماحولیاتی، ثقافتی، سماجی اور اقتصادی پہلوؤں پر تبادلہ خیال کے لیے ایک جامع پلیٹ فارم فراہم کرنا ہے جبکہ اس کی عظیم وراثت اور روایات کو بھی اجاگر کرنا ہے یہ میلہ وائس چانسلر پروفیسر ڈاکٹر الطاف علی سیال کی سرپرستی میں منعقد کای جارہا ہے جس میں ملکی اسکالرزمحققین، طلبہ اور ثقافتی شخصیات تھر کے متنوع منظرنامے کو تکنیکی سیشنز، نمائشوں اور ثقافتی پرفارمنسز میں شرکت کریں گے اس تقریب میں وزیر تعلیم و خواندگی ، حکومت سندھ، سید سردار علی شاہ بطور مہمان خصوصی اور وزیر اعلیٰ سندھ کے مشیر، راج ویر سنگھ اور یونیورسٹی کے سابق وائس چانسلر ڈاکٹر فتح مری کو بطور اعزازی مہمان مدعو کیا گیا ہے۔ اس میلے میں معروف ماہرین مختلف موضوعات پر اظہار خیال کریں گے جن میں پروفیسر نور احمد جنجھی تھر کی حیاتیاتی تنوع، ناصر پنھور ماحولیاتی،ادریس جتوئی تھر اور سندھی ادب،بھارو مل امرانی تھری لوک داستانوں اور روایتی ثقافت پر اظہار خیال کریں گے جبکہ دیگر نمایاں مقررین میں ڈاکٹر سونو مل کھنگھارانی تھر میں اقتصادی مواقع، نور احمد بجیر روزگار کے مواقع اور خواتین کے حقوق اور ان کے مسائل پر پشپا کماری اور زاہدہ دیتھو روشنی ڈالیں گی اس میلے کے دوران تھری ثقافت، خوراک، زراعت اور دستکاری کی نمائش کا افتتاح کیا جائے گاجبکہ دوسری نشستوں میں تھر کے ماحولیاتی نظام، حیاتیاتی تنوع، ثقافت اور ورثے پر تکنیکی سیشنز ہوں گے جس کے بعد لوک داستانوں اور تھری فنون پر مبنی ثقافتی پرفارمنسز پیش کی جائیں گی شام کے وقت ڈراما اور آرٹ کے ذریعے تھر کے موضوعات کو اجاگر کیا جائے گا۔
پیکا ایکٹ میں کوئی متنازع شق ہے تو سامنے لائیں، عطاءاللہ تارڑ