چینی صدر، محسن نقوی میں انٹیلی جنس شیئرنگ میں تعاون بڑھانے پر تبادلہ خیال
اشاعت کی تاریخ: 5th, February 2025 GMT
پاکستان اور چین میں انٹیلی جنس شیئرنگ اور سرحدی فورسز کو محفوظ بنانے کےلیے تعاون پر تبادلہ خیال ہوا ہے۔
چینی صدر شی جی پنگ کے عشائیے میں وفاقی وزیر داخلہ سینیٹر محسن نقوی اور چینی صدر کے درمیان اہم موضوعات پر گفتگو ہوئی ہے۔
اس دوران محسن نقوی نے چینی صدر کو چینی شہریوں کی سیکیورٹی اور دہشت گردی کے خلاف مختلف اقدامات سے آگاہ کیا۔
وزیرداخلہ محسن نقوی نے اہم ملاقات سےمتعلق ایک بیان میں کہا کہ چین کے صدر شی جن پنگ سے ملاقات کرنا اعزاز کی بات ہے۔
ان کا کہنا تھا کہ ملاقات میں پاک چین اسٹریٹجک شراکت داری مزید مضبوط کرنے پر اتفاق ہوا ہے۔
وزیرداخلہ نے بیجنگ میں چینی ہم منصب سے بھی ملاقات کی، جس میں انٹیلی جینس شیئرنگ اورسرحدوں کو پیرا ملٹری فورسز کے لیے محفوظ بنانے سے متعلق تعاون پر گفتگو کی گئی۔
.ذریعہ: Jang News
پڑھیں:
دہشتگردی عالمی چیلنج ہے، دنیا پاکستان کیساتھ تعاون کرے: محسن نقوی
تصاویر بشکریہ سوشل میڈیاوفاقی وزیرِ داخلہ محسن نقوی نے کہا ہے کہ دہشت گردی ایک عالمی چیلنج ہے، دنیا کو پاکستان کے ساتھ بھرپور تعاون کرنے کی اشد ضرورت ہے۔
وزیرِ داخلہ محسن نقوی سے امریکی کانگریس مینز کے وفد نے ملاقات کی، وفد میں کانگریس مینز جیک برگمین، ٹام سوزی اور جوناتھن جیکسن شامل تھے۔
اس موقع پر وزیرِ مملکت داخلہ طلال چوہدری، قائم مقام امریکی سفیر نیٹلی بیکر اور وفاقی سیکریٹری داخلہ خرم آغا بھی موجود تھے۔
ملاقات میں دوطرفہ تعلقات اور باہمی دلچسپی کے امور پر تبادلہ خیال کیا گیا، معیشت، تجارت اور سرمایہ کاری کے شعبوں میں تعاون آگے بڑھانے پر بھی گفتگو کی گئی، سیکیورٹی، انسداد دہشت گردی اور بارڈر سیکیورٹی کے شعبوں پر بات چیت کی گئی۔
وفاقی وزیرِ داخلہ محسن نقوی کا کہنا ہے کہ امریکی ایوان نمائندگان کو پاکستان کے خلاف اکسایا جارہا ہے۔
وزیرِ داخلہ نے وفد سے گفتگو کرتے ہوئے کہا کہ امریکا سے پائیدار تعلقات پاکستان کی خارجہ پالیسی میں کلیدی حیثیت رکھتے ہیں، امریکا میں 30 اپریل کو پاکستان کاکس کا انعقاد خوش آئند ہے۔
انہوں نے کہا کہ انسداد دہشت گردی کے شعبے میں انٹیلیجنس اور ٹیکنالوجی شیئرنگ انتہائی اہمیت کی حامل ہے، پاکستان دہشت گردی اور دنیا کے درمیان دیوار کی حیثیت رکھتا ہے، دہشت گردی کے خلاف پاکستان کی قربانیوں کی اقوام عالم میں نظیر نہیں ملتی، امریکی کانگریس مینز کا دورہ دہشت گردی کے خلاف پاکستان کے بے مثال کردار کو اجاگر کرنے سے متعلق انتہائی اہم ثابت ہو گا۔
محسن نقوی نے کہا کہ امریکی وفد کے حالیہ منرلز انویسٹمنٹ فورم 2025ء میں شرکت خوش آئند ہے، حکومت کی جانب سے سرمایہ کاروں کو ہر ممکن سہولت اور ان کی سرمایہ کاری کو مکمل تحفظ فراہم کیا جائے گا۔
وزیر مملکت داخلہ طلال چوہدری نے کہا کہ مشترکہ کاؤنٹر ٹیررازم ڈائیلاگ، انسدادِ دہشت گردی سے متعلق باہمی تعاون کو مزید فروغ دینے میں کلیدی کردار ادا کرے گا۔
امریکی کانگریس مینز نے کہا کہ دہشت گردی کے خلاف جنگ میں پاکستان کے کردار کو بھرپور طریقے سے اجاگر کرنے کی ضرورت ہے، امریکا میں مقیم پاکستانی کمیونٹی باصلاحیت اور قابل ہے۔
ترجمان سندھ حکومت کا مریم اورنگزیب کے بیان پر ردعمل