یورپی یونین مدت ختم ہونے سے قبل ہی پاکستان کے جی ایس پی اسٹیٹس کا جائزہ لے رہا ہے
اشاعت کی تاریخ: 5th, February 2025 GMT
اسلام آباد ( اردوپوائنٹ اخبار تازہ ترین ۔ 05 فروری 2025ء ) پی ٹی آئی رہنما کے مطابق یورپی یونین مدت ختم ہونے سے قبل ہی پاکستان کے جی ایس پی اسٹیٹس کا جائزہ لے رہا ہے۔ تفصیلات کے مطابق پاکستان تحریک انصاف کے سینئر رہنما اور سابق سیکرٹری اطلاعات روف حسن کی جانب سے نجی ٹی وی چینل اے آر وائی نیوز پر صحافی وسیم بادامی سے گفتگو کرتے ہوئے پاکستان کے جی ایس پی اسٹیٹس سے متعلق بڑا انکشاف کیا گیا۔ روف حسن کی جانب سے انکشاف کیا گیا کہ یورپی یونین کا بیان سامنے آیا، یورپی یونین مدت ختم ہونے سے قبل ہی پاکستان کے جی ایس پی اسٹیٹس کا جائزہ لے رہا ہے۔ انہوں نے کہا کہ معاملات خاصے سنجیدہ ہیں لیکن حکومت کے رویے سے لگ رہا ہے کہ یا تو حکومت ان معاملات کو سمجھنے سے قاصر ہے یا سمجھنا ہی نہیں چاہتی، حکومت بس کسی بھی طرح اپنے اقتدار کو برقرار رکھنا چاہتی ہے جبکہ ملک تباہی کے دہانے پر ہے۔
(جاری ہے)
دوسری جانب اس حوالے سے حکومتی رہنما بیرسٹر عقیل کی جانب سے نجی ٹی وی چینل سماء نیوز پر صحافی ندیم ملک سے گفتگو کرتے ہوئے بتایا گیا کہ جی ایس پی پلس اسٹیٹس سےمتعلق جون میں نظرثانی ہوگی، یورپی یونین اپنا سسٹم تبدیل کر رہی ہے، سسٹم تبدیل ہونے کے بعد2027میں ہمیں نئی درخواست دینا ہوگا، آئی سی سی پی آر کے ریویو میں ملٹری کورٹس اور آزادی اظہار پر بات ہوئی، ہم نےتمام ملاقاتوں میں تحفظ دور کرنے کی کوشش کی۔ واضح رہے کہ 30 جنوری کو یورپی یونین کے نمائندے کا پاکستان سے متعلق اہم بیان سامنے آیا تھا۔ انڈپینڈینٹ نیوزکے مطابق پاکستان کے دورے پر موجود انسانی حقوق کے لیے یورپی یونین کے خصوصی نمائندے اولوف اسکوگ نے حکومت پر زور دیا ہے کہ وہ شہریوں کے خلاف مقدمات کی پیروی کے لیے فوجی عدالتوں کا استعمال نہ کرے.
ذریعہ: UrduPoint
کلیدی لفظ: تلاش کیجئے اظہار رائے کی آزادی انہوں نے کہا کہ فوجی عدالتوں جی ایس پی پلس یورپی یونین شہریوں کے کے خلاف بات چیت کے ساتھ کیا ہے کے لیے رہا ہے
پڑھیں:
آباد کا تعمیراتی مسائل پر وائرل سوشل میڈیا وڈیو سے اظہار لاتعلقی
کراچی(اسٹاف رپورٹر) ایسوسی ایشن آف بلڈرز اینڈ ڈیولپرز (آباد) نے تعمیراتی شعبے میں حل نہ ہونے والے مسائل پر سندھ حکومت پر تنقید کرنے والی سوشل میڈیا پر وائرل ہونے والی وڈیو سے باضابطہ طور پر خود کو الگ کرلیا ہے۔آباد کے سدرن ریجن کے چیئرمین احمد اویس تھانوی نے بتایا کہ ایک نامعلوم شخص اپنی شناخت چھپاتے ہوئے سوشل میڈیا پر صوبائی حکومت کی تعمیرات سے متعلق چیلنجز سے نمٹنے میں ناکامی پر مذمت کرتے ہوئے دیکھا گیاہے۔ احمد اویس تھانوی نے واضح کیا کہ آباد کا اس وڈیو سے کوئی تعلق نہیں ہے اور اس میں بیان کردہ آرا آبادکے موقف کی نمائندگی نہیں کرتی ہیں۔احمد اویس تھانوی نے کہا کہ آباد اپنے رکن بلڈرز کے تحفظات کو دور
کرنے کے لیے ہمیشہ کوشاں رہی ہے، اگر آباد کے کسی رکن کو تحفظات یا مسائل ہیں، تو وہ سوشل میڈیا کا سہارا لینے کے بجائے آباد سیکرٹریٹ کو رپورٹ کرے۔ انہوں نے بلڈرز اور ڈیولپرز کو درپیش چیلنجوں سے نمٹنے کے لیے آباد کی کوششوں پر مزید روشنی ڈالتے ہوے بتایا کہ آباد نے حال ہی میں پیپلز پارٹی کے چیئرمین بلاول زرداری کی جانب سے تاجروں کے ساتھ ہونے والے اجلاس میں آباد کے چیئرمین محمد حسن بخشی نے تعمیراتی شعبے کودرپیش مسائل پر چیئرمین بلاول کو آگاہی دی اور آباد نے تعمیراتی شعبے کی ترقی میں بڑی رکاؤٹوں کا خاکہ پیش کیا اور حکومت سے ان رکاوٹوں کو دور کرنے کی درخواست کی۔ جس کے بعد چیئرمین بلاول زرداری نے وزیراعلیٰ سندھ سید مراد علی شاہ کو مسائل کے حل کے لیے فوری اقدامات کرنے کی ہدایت کی۔ نتیجے کے طور پر بلڈرز اور ڈیولپرز کے خدشات کا جائزہ لینے اور ان کو دور کرنے کے لیے ایک خصوصی کمیٹی تشکیل دی گئی۔نئی قائم ہونے والی کمیٹی نے اپنا پہلا اجلاس گزشتہ روز وزیراعلیٰ مراد علی شاہ کی زیر صدارت طلب کیا۔ آباد کے چیئرمین حسن بخشی نے آباد کی جانب سے اہم سفارشات اور حل پیش کرتے ہوئے اجلاس میں حصہ لیاتھا۔ احمد اویس تھانوی کے مطابق، تجاویز کو غور سے سنا گیا اور آگے بھی اس طرح کے سیشن ہوتے رہیں گے۔حکومت سندھ پر اعتماد کا اظہار کرتے ہوئے احمد اویس نے کہاکہ ہمیں یقین ہے کہ یہ کمیٹی اپنی بات چیت جاری رکھے گی، او تعمیراتی شعبے کو درپیش چیلنجوں سے نمٹنے کے لیے بھرپور کردار ادا کرے گی۔ احمد اویس تھانوی نے اپنے اراکین پر بھی زور دیا کہ وہ شکایت کے ازالے کے لیے غیر سرکاری اور گمنام آن لائن مہمات میں شامل ہونے کے بجائے آباد کے چینل پر انحصار کریں۔
کراچی آئی شادی کی خواہشمند خاتون کا بیٹا منظر عام پر آگیا