جماعت اسلامی سندھ کے تحت کراچی تا کشمور یومِ یکجہتی کشمیر منایا گیا
اشاعت کی تاریخ: 5th, February 2025 GMT
صوبائی امیر کاشف سعید شیخ نے یوم یکجہتی کشمیر ریلی سے خطاب کرتے ہوئے کہا کہ کشمیر کی آزادی کیلئے مودی سے مذاکرات کی بھیک مانگنے کی بجائے غیرت اور جرآت مند قیادت کی ضرورت ہے۔ اسلام ٹائمز۔ جماعت اسلامی سندھ کے تحت پانچ فروری کو کراچی تا کشمور یومِ یکجہتی کشمیر بھرپور جوش و جذبے کے ساتھ منایا گیا۔ سندھ کے چھوٹے بڑے شہروں دادو، میرپورخاص، حیدرآباد، سکھر، لاڑکانہ، جیکب آباد، نواب شاہ، ٹنڈو محمد خان، بدین، سانگھڑ، مٹیاری، ٹھٹہ، کشمور اور دیگر چھوٹے بڑے شہروں میں ریلیاں، سیمینار، مذاکرے اور جلسہ عام منعقد کئے گئے، اس موقع پر جماعت اسلامی سمیت مختلف سیاسی، مذہبی اور سماجی رہنماﺅں اور انسانی حقوق کی تنظیموں و سول سوسائٹی کے نمائندوں نے خطاب کیا۔ جماعت اسلامی کے سینئر رہنما اسداللہ بھٹو نے صوبائی دفتر کراچی میں منعقدہ تقریب سے خطاب کرتے ہوئے کہا کہ کشمیر پاکستان کا نامکمل ایجنڈا ہے، اس لیے تو قائداعظمؒ نے کشمیر کو پاکستان کی شہ رگ قرار دیا تھا، اس لیئے کشمیری عوام ناصرف اپنی آزادی بلکہ تکمیل پاکستان کی جنگ لڑ رہے ہیں، حکومتِ پاکستان کو ہر حوالے سے ان مظلوموں کی مدد کرنی چاہئے۔
صوبائی امیر کاشف سعید شیخ نے دادو پریس کلب پر یوم یکجہتی کشمیر ریلی سے خطاب کرتے ہوئے کہا کہ ہمارے حکمران سالہا سال سے بھارت سے مذاکرات کی بھیک مانگ رہے ہیں اور بھارت مستقل ہٹ دھرمی کا مظاہرہ کر رہا ہے، بھارتی قیادت کے رویئے نے یہ ثابت کر دیا ہے کہ اس سے بات کرنا بھینس کے آگے بین بجانے سے بڑھ کر کچھ نہیں، کشمیر کی آزادی کیلئے مودی سے مذاکرات کی بھیک مانگنے کی بجائے غیرت اور جرآت مند قیادت کی ضرورت ہے۔ دیگر مقررین نے مسئلہ کشمیر کو اجاگر اور بھارتی مظالم کی مذمت کرتے ہوئے کہا کہ بھارت نے کشمیر کی خصوصی حیثیت ختم اور 2009ء دنوں سے کرفیو لگا کر دنیا کی سب سے بڑی جیل میں تبدیل اور جنت نظیر وادی کو جہنم بنا کر رکھ دیا ہے۔ مقررین نے زور دیا کہ اقوام متحدہ کی منظور کردہ قرراردادوں کے مطابق کشمیری عوام کو اپنا حق خود ارادیت اور جنت نظیر کشمیر پر قابض بھارتی فوج کے مظالم سے نجات دلائی جائے۔
ذریعہ: Islam Times
کلیدی لفظ: یکجہتی کشمیر جماعت اسلامی
پڑھیں:
ملک بھر میں آج یوم یکجہتی کشمیر منایا جائے گا،کشمیر پاکستان کی شبہ رگ ہے،حافظ نعیم الرحمن
لاہو ر (نمائندہ جسارت)امیر جماعت اسلامی حافظ نعیم الرحمن نے کہا ہے پاکستان کے 25 کروڑ عوام صبح آزادی کشمیر تک کشمیریوں کے ساتھ ہیں۔ آج ملک بھر میں یوم یکجہتی کشمیر منایا جائے گا۔ جماعت اسلامی کے تحت ملک بھر کے صوبائی و ضلعی ہیڈکوارٹرز، چھوٹے بڑے شہروں میں اہل کشمیر سے یکجہتی کے لیے ریلیاں اور مارچز نکالے جاہیں گے۔ لاہور میں مال روڑ پر یوم یکجہتی کشمیر ریلی سے خطاب کروں گا، مہنگی بجلی اور آئی پی پیز مافیا کے خلاف جاری احتجاجی تحریک کا آئندہ کا لائحہ عمل بھی دوں گا۔ پاکستانی گھروں سے جوق در جوق نکلیں اور کشمیریوں سے محبت کا اظہار کریں۔
کشمیر پاکستان کی نظریاتی، جغرافیائی اور معاشی شہ رگ ہے، مقبوضہ کشمیر کی آزادی کے بغیر تکمیل تحریک پاکستان ممکن نہیں۔ مقبوضہ وادی میں بھارت کی 10 لاکھ قابض فوج جنگی جرائم کا ارتکاب کررہی ہے، عالمی برادری نوٹس لے۔منصورہ سے جاری بیان میں امیر جماعت نے کہا کہ جماعت اسلامی پاکستان اور آزاد کشمیر کے تحت مظفرآباد کے آزادی چوک میں کشمیر مارچ کا انعقاد کیا گیا اور اس سے اگلے روز پیر کو جماعت اسلامی نے اسلام آباد میں قومی کشمیر کانفرنس کا انعقاد کیا۔ جماعت اسلامی حکومت پاکستان کو باور کراتی رہے گی کہ کشمیریوں کو تنہا نہ چھوڑا جائے۔ پاکستان کو ایجنڈے کے تحت افغانستان سے لڑایا جارہا ہے اور بھارت سے دوستی اور تجارت کی باتیں ہورہی ہیں۔ کشمیریوں کو حق خودارادیت ملنے تک بھارت سے کسی قسم کے تعلقات کی مخالفت کریں گے۔ حکومت کشمیر پر اے پی سی بلائے۔ امیر جماعت نے کہا کہ تحریک آزادی کشمیر دراصل تحریک پاکستان کا تسلسل ہے اور تکمیل پاکستان کی تحریک ہے۔ جماعت اسلامی نے 1990ء میں کشمیریوں سے یکجہتی کے اظہار کے لیے پاکستان کی ساری سیاسی جماعتوں اور مختلف طبقات کو اس بات کے لیے تیار کیا کہ وہ اپنی عمومی زندگی میں تحریک آزادی کشمیر کی خاطر جدوجہد کرنے والے کشمیریوں کو بھول نہ جائیں بلکہ 5 فروری کو ہر سال ان سے یکجہتی کا اظہار کرتے رہیں۔ سابق امیر جماعت قاضی حسین احمد کی تجویز پر ہی 5 فروری کو قومی سطح پر یوم یکجہتی کشمیر منانے کا فیصلہ ہوا۔حافظ نعیم الرحمن نے کہا ہے کہ محض سیاسی و اخلاقی حمایت کی یقین دہانیاں کرا کے کشمیریوں کو نہ بہلایا جائے، بھارت سے تجارت سے کشمیر آزاد نہیں ہوگا، کشمیر کمیٹی کو مؤثر بنایا جائے۔ انہوں نے کہا کہ کشمیریوں کو اپنی آزادی کے لیے لڑنے کا حق اقوام متحدہ کا چارٹر دیتا ہے، فلسطین کی مثال سے ثابت ہوچکا ہے کہ طاقت کے بغیر مذاکرات نہیں ہوتے، مقبوضہ کشمیر بھی بزور شمشیر ہی آزاد ہوگا، کل ملک بھر کے عوام کشمیری عوام کی قربانیوں کو خراج تحسین پیش کریں گے۔ امیر جماعت نے کہا کہ پاکستان کے اندر بھارتی خفیہ ایجنسی را کی کارروائیوں کی اطلاعات ہیں، حکومت بھارتی دہشت گردی پر کیوں خاموش ہے۔ جنرل (ر) باجوہ کی کشمیر پر سودے بازی کے حوالے سے بھی باتیں ہورہی ہیں، دفتر خارجہ اس حوالے سے وضاحت کرے۔ انہوں نے کہا کہ کشمیریوں کی قربانیوں کو کسی صورت نظر انداز نہیں کیا جا سکتا۔ بھارتی حکومت نہ صرف مقبوضہ کشمیر بلکہ ملک کے اندر بھی انسانی حقوق کو پامال کر رکھا ہے۔ بھارت مسلسل کشمیریوں کی آواز دبا رہا ہے اور اقوام متحدہ کی قرار دادوں کو بھی نہیں مان رہا۔ عالمی برادری کی ذمے داری ہے کشمیر کے حق خود ارادیت کو یقینی بنائے۔
مریم نواز کی اے آئی تصاویر شیئر کرنے والا ملزم خیبر پختونخوا سے گرفتار