سونے کی قیمت پاکستان سمیت دنیا بھر میں تاریخ کی بلند ترین سطح پر پہنچ گئی
اشاعت کی تاریخ: 5th, February 2025 GMT
کراچی:سونے کی قیمت پاکستان سمیت دنیا بھر میں تاریخ کی بلند ترین سطح پر پہنچ گئی۔
میڈیا رپورٹس کے مطابق سرمایہ کاروں کی جانب سے اپنے سرمایے کو محفوظ بنانے کے رجحان نے سونے کی قیمتوں میں زبردست اضافہ کردیا ہے، جس کے نتیجے میں بین الاقوامی مارکیٹ میں فی اونس سونے کی قیمت ایک ہی دن میں 53 ڈالر بڑھ کر 2868 ڈالر کی نئی بلند ترین سطح پر پہنچ گئی۔
عالمی قیمتوں میں اضافے کا اثر مقامی صرافہ مارکیٹوں پر بھی نمایاں طور پر نظر آیا اور بدھ کے روز پاکستان میں فی تولہ سونا 5300 روپے کے بڑے اضافے کے بعد 2 لاکھ 99 ہزار 600 روپے کی ریکارڈ سطح پر پہنچ گیا، جبکہ 10 گرام سونے کی قیمت 4158 روپے کے اضافے سے 2 لاکھ 56 ہزار 859 روپے تک جا پہنچی۔
اسی طرح چاندی کی قیمت میں بھی نمایاں اضافہ دیکھا گیا، فی تولہ چاندی 36 روپے مہنگی ہوکر 3350 روپے جبکہ 10 گرام چاندی 31.
ماہرین کے مطابق عالمی سطح پر معاشی غیر یقینی صورتحال اور سرمایہ کاروں کی سونے میں بڑھتی ہوئی دلچسپی کے باعث آئندہ دنوں میں بھی قیمتوں میں مزید اضافے کا امکان ہے۔
ذریعہ: Jasarat News
کلیدی لفظ: سطح پر پہنچ گئی سونے کی قیمت
پڑھیں:
سونا عالمی اور مقامی سطح پر مزید مہنگا، قیمت ایک بار پھر بلند ترین سطح پر
کراچی:عالمی اور مقامی مارکیٹوں میں سونا ایک بار پھر مہنگا ہونے کی وجہ سے قیمت بلند ترین سطح پر پہنچ گئی ہے۔
بین الاقوامی بلین مارکیٹ میں فی اونس سونے کی قیمت میں 2 ڈالر کا اضافہ ہوا، جس کے نتیجے میں سونے کی نئی عالمی قیمت 2799 ڈالر فی اونس کی بلند سطح پر پہنچ گئی ہے۔
دوسری جانب پیر کے روز مقامی مارکیٹ میں 24 قیراط کے حامل سونے کی فی تولہ قیمت میں 200 روپے کا اضافہ ہونے سے نئی قیمت 2 لاکھ 92 ہزار 400 روپے ہو گئی ، اسی طرح فی 10 گرام سونے کی قیمت بھی 171 روپے کے اضافے سے 2 لاکھ 50 ہزار 685 روپے ہو گئی ہے۔
ماہرین کا کہنا ہے کہ بین الاقوامی سطح پر تجارتی جنگ چھڑنے کے بعد سونے کے بڑھتے ہوئے خریداری معاہدوں کے نتیجے میں سونے کی عالمی قیمت تاریخ کی بلند ترین سطح پر پہنچنے کے اثرات مقامی صرافہ مارکیٹوں پر بھی بدستور مرتب ہورہے ہیں۔ عالمی اور مقامی مارکیٹوں میں سونے کی قیمت میں اضافے کے برعکس فی تولہ چاندی کی قیمت 5روپے کی کمی سے 3265روپے اور فی 10گرام چاندی کی قیمت بھی 4روپے کی کمی 2799روپے کی سطح پر آگئی۔
ملٹری ٹرائل کیس: 9 مئی اور 16 دسمبر والے شہریوں میں کیا فرق ہے؟ آئینی بنچ