سعودی عرب اور پاکستان میں مالیاتی جرائم سے نمٹنے کا ایم او یو سائن ہو گیا
اشاعت کی تاریخ: 5th, February 2025 GMT
سٹی42: سعودی عرب کی کابینہ نے مالیاتی جرائم سے نمٹنے کے لیے پاکستان کے ساتھ 'مفاہمت کی یادداشت' کی منظوری دے دی۔
سعودی عرب کی کابینہ کا اجلاس کراؤن پرنس محمد بن سلمان کی صدارت میں ہوا جس میں دیگر اہم امور کے ساتھ پاکستان کے ساتھ مالیاتی جرائم کے تدارک کے لئے تعاون بڑھانے کی غرض سے میمورنڈم آف انڈرسٹینڈنگ پر بھی دستخط کئے گئے۔
سعودی نیوز آؤٹ لیٹ عرب نیوز نے لکھا، یہ ڈیویلپمنٹ مملکت اور جنوبی ایشیائی ریاست پاکستان کے درمیان گہرے سٹریٹجک تعلقات کی نشاندہی کرتی ہے۔
سوئیڈن ؛ سکول میں فائرنگ،10 افراد ہلاک
پاکستان کے فنانشل مانیٹرنگ یونٹ اور سعودی ڈیپارٹمنٹ آف فنانشل انویسٹی گیشن کے درمیان مفاہمت کی یادداشت پر دستخط
کراؤن پرنس شہزادہ محمد بن سلمان کی سربراہی میں سعودی عرب کی کابینہ نے منی لانڈرنگ، دہشت گردوں کی مالی معاونت اور متعلقہ جرائم سے نمٹنے کے لیے تعاون بڑھانے کے لیے پاکستان کے فنانشل مانیٹرنگ یونٹ (ایف ایم یو) کے ساتھ مفاہمت کی ایک یادداشت کی منظوری دی ہے۔
لاہور میں بارش؟ خدا آپ کو صبر عطا کرے!
سعودی پریس ایجنسی نے رپورٹ کیا ہے کہ پاکستان کو حالیہ برسوں میں منی لانڈرنگ اور دہشت گردوں کی مالی معاونت کے حوالے سے اہم چیلنجز کا سامنا ہے، منی لانڈرنگ کے مسئلہ کی وجہ سے جون 2018 میں فنانشل ایکشن ٹاسک فورس (FATF) کی گرے لسٹ میں پاکستان کو بھی شامل کر لیا گیا تھا۔ اپنے مالیاتی نظام کو مضبوط بنانے کے لیے جامع اصلاحات کے نفاذ کے بعد اکتوبر 2022 میں پاکستان کو گرے لسٹ سے نکال دیا گیا۔
ایف ایم یو، اینٹی منی لانڈرنگ ایکٹ 2010 کے تحت قائم کیا گیا، یہ یونٹ پاکستان کے مالیاتی انٹیلی جنس یونٹ کے طور پر کام کرتا ہے، جو مشکوک لین دین کی رپورٹس کا تجزیہ کرنے اور بین الاقوامی ہم منصبوں کے ساتھ ہم آہنگی کا ذمہ دار ہے۔
"سعودی پریس ایجنسی نے رپورٹ کیا کہ مملکت سعودی عرب کے مالیاتی تحقیقات کے جنرل ڈیپارٹمنٹ اور اسلامی جمہوریہ پاکستان میں فنانشل مانیٹرنگ یونٹ کے درمیان منی لانڈرنگ کے سینئیر عہدیداروں نے دہشت گردی کی مالی معاونت اور متعلقہ جرائم سے متعلق تحقیقات کے تبادلے میں تعاون کے حوالے سے مفاہمت کی ایک یادداشت پر دستخط کئے ہیں۔
یہ ایم او یو سعودی عرب اور پاکستان کے درمیان گہرے سٹریٹجک تعلقات کی نشاندہی کرتا ہے۔ پاکستانی تارکین وطن کی بڑی تعداد مملکت میں مقیم ہے، اور متعدد پاکستانی کاروباری ادارے بھی وہاں بزنس کر رہے ہیں۔
سعودی عرب پاکستان کی معیشت کا کلیدی مددگار رہا ہے، اس نے اسٹیٹ بینک آف پاکستان میں زرمبادلہ کے خاطر خواہ ذخائر کے ساتھ پاکستان کے فارن ایکسچینج ذخائر کو تقویت دی ہے اور تیل کی ادائیگی کی موخر سہولیات کی سہولت بھی فراہم کی ہے۔
سعودی کابینہ نے مملکت کی جانب سے انٹرپول ریجنل بیورو کی میزبانی کو ایک اہم قدم کے طور پر اجاگر کرتے ہوئے کہا کہ اس نے انتہا پسندی اور دیگر جرائم سے ان کی مختلف شکلوں میں مقابلہ کرنے میں مملکت کے اہم کردار کو بین الاقوامی سطح پر تسلیم کیا ہے۔
کل مارکیٹیں بند رکھنے کا اعلان
Waseem Azmet.ذریعہ: City 42
کلیدی لفظ: سعودی عرب کی منی لانڈرنگ پاکستان کے مفاہمت کی کے درمیان کے ساتھ کے لیے
پڑھیں:
بجلی کی فی یونٹ قیمت میں کمی، فری لانسرز اور صنعتی صارفین کو کتنا فائدہ ہوگا؟
وزیراعظم پاکستان شہباز شریف کی جانب سے 3 اپریل کو بجلی کے گھریلو صارفین کے لیے قیمتوں میں 7 روپے 41 پیسے فی یونٹ تک کمی کا اعلان کیا گیا تھا جس کے بعد تمام گھریلو صارفین کے لیے بجلی کا فی یونٹ 38 روپے 37 پیسے کا ہوگیا۔
صنعتی صارفین کے لیے بجلی کی قیمت میں 7 روپے 59 پیسے فی یونٹ کمی کا اعلان کیا گیا تھا اور اب ان کے لیے بجلی کے فی یونٹ کی قیمت 40 روپے 60 پیسے ہو چکی ہے۔
یہ بھی پڑھیں بجلی کی قیمتوں میں بڑی کمی، کیا یہ ریلیف عارضی ہے؟
یاد رہے کہ وفاقی وزیر توانائی اویس لغاری کے مطابق بجلی کی اس قیمت میں کمی کے بعد 4 کروڑ صارفین میں سے ایک کروڑ 80 لاکھ جن صارفین کا بل پہلے ماہانہ 2 ہزار روپے آتا تھا، ان کا بل اب ایک ہزار روپے سے بھی کم آئےگا۔
بجلی کی قیمت میں کمی سے فری لانسرز اور صنعت کاروں کو کیا فائدہ ہوگا؟اسلام آباد کے رہائشی فری لانسر طاہر عمر کہتے ہیں کہ زیادہ تر فری لانسرز زیادہ سولر سسٹم پر منتقل ہوگئے ہیں، کیونکہ فری لانسرز تھوڑے اپ ڈیٹڈ ہوتے ہیں، اور وہ نئی ٹیکنالوجیز کو عام عوام کی نسبت اپناتے بھی جلدی ہیں۔ ’ہمارے زیادہ تر فری لانسرز دوستوں نے بروقت ہی خود کو سولر پر منتقل کرلیا تھا، لیکن ایک تعداد وہ بھی ہے جن کا انحصار سولر پر نہیں ہے، تو ان کو یقیناً بجلی کی قیمت میں کمی سے فائدہ ہوگا، کیونکہ جب سسٹم چلانے ہوتے ہیں تو ایئر کنڈیشن کی ضرورت پڑتی ہے، اس لحاظ سے ان کو ریلیف ملے گا۔‘
ان کا کہنا تھا کہ فری لانسرز کے لیے یہ کوئی اتنا قابل قدر ریلیف نہیں ہے، ملک میں اب تک یوٹیوب اور ٹک ٹاک ٹھیک نہیں چل رہا۔
انہوں نے کہاکہ فری لانسرز کے لیے جو چیزیں سب سے زیادہ معنی رکھتی ہیں، وہ ہموار انٹرنیٹ اور دیگر اسپیشل ریلیف ہیں، جس کے لیے اقدامات ہونے چاہییں۔
انہوں نے کہاکہ حکومت کا فری لانسرز کے لیے عملی اقدام یہ ہے کہ پنجاب آئی ٹی بورڈ نے ’ای ارن‘ کے نام سے ’کو ورکنگ اسپیس‘ بنائی ہوئی ہیں، جبکہ وفاقی حکومت نے کچھ مخصوص کالجز میں کانفرنسس ہالز کو ورکنگ اسپیس کے لیے مختص کیا ہے تاکہ فری لانسرز وہاں بیٹھ کر کام کریں، اس طرح کی چیزیں فری لانسرز کو کافی فائدہ دیتی ہیں۔
طاہر عمر نے کہاکہ ایسی جگہوں پر انٹرنیٹ کی یقینی دستیابی کے علاوہ بجلی کی فراہمی بھی ہوتی ہے، یہ وہ چیزیں ہیں جو عملی طور پر فری لانسرز کو فائدہ پہنچاتی ہیں۔
’بجلی بل میں 2 ہزار روپے کی کمی بھی اچھا خاصا ریلیف ہے‘زین العابدین بیرون ممالک میں مختلف سروسز فروخت کرتے ہیں، جنہوں نے وی نیوز کو بتایا کہ ان کے گھر میں صرف 4 لوگ ہیں اور بجلی کے ماہانہ قریباً 200 یونٹس استعمال ہوتے ہیں، جس میں سب سے زیادہ ان کا پورا دن چلنے والا سسٹم استعمال کرتا ہے اور ماہانہ ان کا 9 ہزار روپے سے زیادہ بل آتا ہے۔
انہوں نے کہاکہ اگر بل پہلے ساڑھے 9 ہزار روپے تک آتا تھا، تو اب ساڑھے 7 ہزار تک آجائے گا، 2 ہزار روپے کی کمی بھی اچھا خاصا ریلیف ہے۔
’شکر ہے کہ حکومت نے کچھ تو ریلیف دیا، 2 ہزار روپے کا ریلیف مڈل کلاس لوگوں کے لیے اچھی خاصی اہمیت رکھتا یے، لیکن حکومت کو چاہیے کہ بجلی کی قیمت میں کمی کا عام آدمی تک فائدہ پہنچائے، کیوں کہ جب بجلی کی قیمت بڑھتی ہے تو تقریباً ہر چیز کی قیمت میں اضافہ کردیا جاتا ہے۔‘
انہوں نے کہاکہ بجلی کی قیمتوں میں فری لانسرز کو خصوصی ریلیف ملنا چاہیے، کیونکہ فری لانسرز ملک میں زرمبادلہ لانے کا سبب بنتے ہیں۔
’بجلی کے بل میں صنعتی صارفین کو دیے گئے ریلیف کا زیادہ فرق نہیں پڑےگا‘آئی نائن میں واقع رحمت فلور مل کے مالک احمد اعجاز نے اس بارے میں بتایا کہ صنعتوں کے لیے بجلی کے فی یونٹ کی قیمت میں 7 روپے 59 پیسے کی کمی ہوئی ہے، اس سے بہت زیادہ تو نہیں مگر تھوڑا بہت فرق لازمی آئے گا، کیونکہ گزشتہ 2 برسوں میں بجلی کے یونٹس میں ڈبل سے بھی زیادہ اضافہ ہوا ہے۔
انہوں نے کہاکہ اگر ہم اسی مہینے میں گزشتہ برس کا بل نکالیں تو وہ 25 لاکھ تھا، جبکہ رواں برس اسی مہینے کا بل 35 لاکھ روپے ہے۔
انہوں نے کہاکہ ابھی بل آیا تو نہیں ہے لیکن اگر اندازہ بھی لگایا جائے تو فی یونٹ 7 روپے 59 پیسے کی کمی کریں تو بجلی کا بل ایک سے ڈیڑھ لاکھ روپے کی کمی کے ساتھ آئے گا، یعنی اگر 35 لاکھ آنا تھا تو اب ساڑھے 33 یا 34 لاکھ روپے آ جائے گا۔
’صنعتوں کے بوجھ میں کوئی کمی نہیں ہوگی‘رائس مل کے مالک محمد لقمان شیخ نے کہاکہ ان کی مل کا ماہانہ بل 50 لاکھ روپے تک آتا ہے، اس صورتحال میں اس معمولی کمی سے کچھ خاص فرق نہیں پڑتا، کیونکہ اگر پہلے 50 لاکھ روپے بل آ رہا تھا تو اب 46 لاکھ روپے کے لگ بھگ آئےگا، جس سے صنعتوں کے بوجھ میں بالکل کمی نہیں آئے گی۔
لقمان شیخ کے مطابق ملک میں کاروباری افراد کے لیے ہمیشہ سے پالیسیوں کو بہت سخت رکھا گیا ہے، کاروباری افراد کے لیے سب سے زیادہ آسان پالیسیاں بنانے کی ضرورت ہے، کیونکہ کوئی ملک اس وقت تک ترقی نہیں کر سکتا جب تک اس ملک کی صنعتیں خوشحال نہ ہوں۔
یہ بھی پڑھیں وزیراعظم کی جانب سے بجلی کی قیمتوں میں ریلیف، پاور ڈویژن کا ردعمل سامنے آگیا
انہوں نے کہاکہ بجلی کے فی یونٹ میں صنعتوں کے لیے مزید کمی ہونی چاہیے کیونکہ سولر سسٹم کی نئی پالسیوں کے بعد صنعتوں کے لیے سولر پاور سسٹم بھی بہت بڑی سرمایہ کاری بن چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی قیمت میں کمی بلوں میں ریلیف شہباز شریف صنعتی صارفین فری لانسرز گھریلو صارفین وزیراعظم پاکستان وی نیوز
سابق وزیراعلی بلوچستان نواب ثنا اللہ خان زہری کا سیاسی و قبائلی رہنما کا ٹکری محمد صالح میروانی کی بہیمانہ قتل کی شدید مذمت قاتلوں کو جلد گرفتار کرنے کا مطالبہ