حیدرآباد: 4 ایس ایچ اوز کی احتجاجاً 1 ماہ چھٹی کی درخواست
اشاعت کی تاریخ: 5th, February 2025 GMT
حیدر آباد کے مختلف تھانوں کے اسٹیشن ہاؤس آفیسرز (ایس ایچ اوز) نے احتجاجاً 1 ماہ چھٹی کی درخواستیں دے دیں۔
گزشتہ روز وکلاء کے احتجاج اور مطالبات منظور کروانے پر ایس ایچ اوز نے احتجاج کیا اور ایک ماہ کی چھٹی کی درخواستیں دے دیں۔
ایس ایچ اوز نے مؤقف اختیار کیا کہ وکلاء نے اپنے ناجائز مطالبات منوانے کےلیے سینئر سپریٹنڈنٹ آف پولیس (ایس ایس پی) آفس میں دھرنا دیا۔
انکا کہنا تھا کہ وکلاء نے اس دوران پولیس افسران سے گالم گلوچ کی، دھمکیاں دیں، اس سے پولیس کا امیج متاثر ہوا جس کی وجہ سے بطور ایس ایچ او اپنے فرائض کی انجام دہی میں دشواری ہو رہی ہے۔
ایس ایچ اوز کا مؤقف ہے کہ پولیس کے محکمے کی تذلیل کی گئی، جرائم پیشہ عناصر طعنہ زن ہیں، پولیس کا وقار مجروح ہوا ہے۔
چھٹی کی درخواست دینے والوں میں انسپکٹر جنید عباس، انسپکٹر عبدالرزاق پٹھان، انسپکٹر طاہر حسین مغل اور انسپکٹر محمد فہیم فتح شامل ہیں۔
یاد رہے کہ گزشتہ روز وکلاء نے ساتھی وکیل پر مقدمہ درج کیے جانے پر ایس ایس پی آفس کے سامنے احتجاج کیا اور 13 گھنٹے طویل دھرنا دیا۔
وکلاء احتجاج کے دوران سرکاری گاڑیوں پر بھی حملہ آور ہوئے تھے جبکہ ایس ایس پی کے تبادلے کی یقین دہانی پر احتجاج ختم ہوا۔
.ذریعہ: Jang News
کلیدی لفظ: ایس ایچ اوز چھٹی کی
پڑھیں:
آئی پی ایل میں انجری کا سلسلہ جاری، اہم کھلاڑی ٹورنامنٹ سے باہر
انڈین پریمیئر لیگ (آئی پی ایل) میں پنجاب کنگز کی نمائندگی کرنے والے کیوی بولر لوکی فرگوسن انجری کے باعث لیگ سے باہر ہوگئے۔ لوکی فرگوسن ہفتے کے روز سن رائزرز حیدرآباد کے خلاف ہونے والے میچ میں دو گیندیں کرا کر ہی انجرڈ ہوگئے تھے۔
پنجاب کنگز کے فاسٹ بولنگ کوچ جیمز ہوپس نے کولکتہ نائٹ رائڈرز کے خلاف منگل کو ہونے والے میچ سے قبل گفتگو کرتے ہوئے بتایا کہ لوکی فرگوسن غیر معینہ مدت تک کے باہر ہوگئے ہیں اور ٹورنامنٹ کے آخر تک ان کے فٹ ہونے کے امکانات بہت کم ہیں۔
لوکی فرگوسن سن رائزرز حیدرآباد کے خلاف اننگز کے چھٹے اوور کی دوسری گیند کے بعد ہی ٹانگ میں تکلیف کے باعث میدان سے چلے گئے تھے۔ جس کے بعد سن رائزرز حیدرآباد نے آئی پی ایل تاریخ کا دوسرا بڑا ہدف باآسانی حاصل کر لیا تھا۔
واضح رہے لوکی فرگوسن متحدہ عرب امارات میں کھیلی گئی آئی ایل ٹی 20 میں ہیمسٹرنگ انجری سے صحتیاب ہوئے تھے جس کی وجہ سے وہ چیمپئنز ٹرافی میں حصہ نہیں لے سکے تھے۔
دوسری جانب سن رائزرز حیدرآباد کے ایڈم زمپا بھی انجری کے باعث باہر ہوگئے ہیں۔
عمران خان نے اڈیالہ جیل میں ملاقات سے متعلق معاملہ سپریم کورٹ لے جانے کی ہدایت کردی