کراچی چڑیا گھر کے لیے غیر مقامی جانور نہ خریدنے کا مشورہ
اشاعت کی تاریخ: 5th, February 2025 GMT
کراچی:
چیف سیکریٹری سندھ آصف حیدر شاہ نے کے ایم سی کو کراچی چڑیا گھر کے لیے غیر مقامی جانور نہ خریدنے کا مشورہ دے دیا۔
یہ ہدایت انہوں نے کراچی چڑیا گھر سے متعلق ایک اعلیٰ سطح اجلاس کے دوران دی جس میں کمشنر کراچی سید حسن نقوی، ایڈیشنل چیف سیکریٹری لوکل گورنمنٹ سید خالد حیدر شاہ، میونسپل کمشنر افضل زیدی سمیت دیگر افسران شریک تھے۔
اجلاس میں بتایا گیا کہ کراچی چڑیا گھر میں اس وقت تقریباً 850 جانور اور پرندے مختلف اقسام کے موجود ہیں، جبکہ 2012 کے بعد سے کسی نئے جانور کی خریداری نہیں کی گئی۔ چیف سیکریٹری سندھ نے زور دیا کہ غیر مقامی جانوروں کو کراچی کے چڑیا گھر میں رکھنے سے گریز کیا جائے کیونکہ وہ مقامی ماحول میں زندہ نہیں رہ سکتے۔ انہوں نے نشاندہی کی کہ مناسب جگہ، خوراک اور ماحولیاتی حالات کی عدم موجودگی کے باعث غیر مقامی جانور ذہنی دباؤ، بیماریوں اور قبل از وقت موت کا شکار ہو جاتے ہیں۔
انہوں نے یہ بھی ہدایت دی کہ چڑیا گھر میں موجود تمام جانوروں کو عالمی معیار کے مطابق خوراک اور صحت کی سہولیات فراہم کی جائیں اور یقین دہانی کرائی کہ سندھ حکومت اس مقصد کے لیے ضروری فنڈز فراہم کرے گی۔
غیر قانونی تجارت کے خلاف سخت اقدامات کا حکم
علاوہ ازیں چیف سیکریٹری سندھ نے جانوروں اور پرندوں کی غیر قانونی تجارت میں ملوث عناصر کے خلاف سخت کارروائی کا حکم دیا۔ انہوں نے محکمہ وائلڈ لائف اور کمشنر کراچی کو ہدایت دی کہ وہ غیر قانونی جانوروں کی مارکیٹس کے خلاف فوری اقدامات کریں۔
انہوں نے ڈپٹی کمشنر ساؤتھ کو ہدایت کی کہ پولیس، محکمہ وائلڈ لائف اور کنٹونمنٹ بورڈ کے ساتھ مل کر صدر کے علاقے میں غیر قانونی جانوروں اور پرندوں کی خرید و فروخت کے مکمل خاتمے کو یقینی بنایا جائے اور 15 دن میں رپورٹ پیش کی جائے۔
.ذریعہ: Express News
کلیدی لفظ: چیف سیکریٹری انہوں نے
پڑھیں:
یہ فروزن فوڈز خریدنے کی غلطی کبھی مت کیجئے گ ورنہ ۔۔۔!!!
آج کل کی مصروف زندگی نے لوگوں کی عادات کو بھی بدل کر رکھ دیا ہے۔ جس سے کھانے پکانے کے اطوار بھی بدل گئے ہیں۔ اب زیادہ تر افراد ذائقہ اور وقت بچانے کے لیے تازہ اشیا کی بجائے منجمد (فروزن) کھانے کا سہارا لیتے ہیں۔
منجمد کھانوں کی سہولتیں ہمیں جلدی سے کھانا تیار کرنے کا موقع فراہم کرتی ہیں جیسا کہ زیادہ تر فروزن سبزیوں کو کاٹنے یا صاف کرنے میں پریشانی نہیں ہوتی ہےجس سے خواتین کی کام کاج میں وقت کی بہت بچت ہوجاتی ہے۔ مگر ان میں کئی صحت کے مسائل بھی چھپے ہوتے ہیں۔یہ کھانے زیادہ تر سوڈیم، چینی اور ٹرانس فیٹس جیسے غیر صحت بخش اجزاء پر مشتمل ہوتے ہیں، جو نہ صرف ہماری صحت کو نقصان پہنچا سکتے ہیں بلکہ مختلف بیماریوں کا سبب بھی بن سکتے ہیں۔ ایسی صورت میں یہ جاننا ضروری ہوجاتا ہے کہ وہ کون سے کھانے ہیں جنہیں آپ کو کبھی بھی منجمد حالت میں نہیں خریدنا چاہیے۔
بہترین پراٹھا بنانے کے لیے ان طریقوں پر عمل کریں
منجمد پیزا
فروزن پیزا میں کم مقدار میں غذائی اجزاء اور زیادہ تر سوڈیم، ٹرانس فیٹس اور مصنوعی رنگ شامل ہوتے ہیں۔ ایک عام منجمد پیزا میں تقریباً 1000-1500 ملی گرام سوڈیم موجود ہوتا ہے، جو آپ کی روزانہ کی ضرورت سے کہیں زیادہ ہے۔ اس کے علاوہ، پیزا کی ٹاپنگز میں چکنائی اور ٹرانس فیٹ کی مقدار بھی زیادہ ہو سکتی ہے، جو دل کی بیماریوں کا سبب بن سکتی ہے۔
منجمد برگر پٹیز
منجمد برگر پٹیز کا ذائقہ تو لذیذ ہوتا ہے، لیکن ان میں پروسیسڈ گوشت اور غیر صحت بخش اجزاء کی زیادہ مقدار ہوتی ہے۔ اس کے علاوہ، ان میں سیر شدہ چکنائی، سوڈیم اور کیلوریز کی مقدار بھی زیادہ ہوتی ہے، جو دل کی صحت کے لیے نقصان دہ ثابت ہو سکتی ہے۔
منجمد چکن سینڈوچز اور پروڈکٹس
اگرچہ یہ کھانے بہت آسانی سے دستیاب ہیں، مگر ان میں سوڈیم اور چکنائی کی مقدار بہت زیادہ ہوتی ہے۔ اکثر منجمد چکن پروڈکٹس میں مصنوعی اجزاء، ذائقے بڑھانے والے کیمیکلز اور اضافی شکر بھی شامل کی جاتی ہے۔ ان کا استعمال صحت پر منفی اثر ڈال سکتا ہے۔
منجمد فرائز (فریزڈ فرنچ فرائز)
زیادہ تر افراد ان فرنچ فرائز کو وقت اور ذائقے کی بچت کی وجہ سے کھاتے ہیں۔مگر منجمد فرائز میں تلی ہوئی اشیاء اور ٹرانس فیٹس کی زیادہ مقدار ہوتی ہے، جو وزن بڑھانے اور دل کی بیماریوں کا باعث بن سکتی ہے۔ ان میں اضافی نمک اور چینی بھی شامل کی جاتی ہے تاکہ ان کا ذائقہ مزید بڑھ سکے۔ یہی وجہ ہے کہ فروزن فرائز گھر کے بنے ہوئے فرنچ فرائز سے زیادہ غیر صحت بخش سمجھے جاتے ہیں۔
منجمد سبزیاں (خصوصاً پکی ہوئی)
اگرچہ سبزیاں صحت کے لیے مفید ہیں، لیکن جب انہیں پیک کر کے منجمد کیا جاتا ہے اور ان پر اضافی چکنائی یا چٹنی ڈالی جاتی ہے جس سے ان کی غذائیت کم ہو جاتی ہے۔ یہ سبزیاں کم کیلوریز اور زیادہ وٹامنز رکھنے کے بجائے، چربی اور سوڈیم کی زیادتی کر سکتی ہیں۔
اگر آپ اپنے کھانوں کو زیادہ صحت مند بنانا چاہتے ہیں، تو منجمد کھانے کی خریداری میں احتیاط برتیں۔ بہتر ہوگا کہ آپ فروز فوڈز کی بجائے تازہ کھانےوں کو ترجیح دیں اور خود گھر میں پکائیں۔ اس سے نہ صرف آپ کی صحت بہتر ہو گی، بلکہ آپ اپنے کھانے میں موجود تمام قدرتی اجزاء سے بھی بھرپور فائدہ اٹھا سکیں گے۔
لاہور سے کراچی جانے والی شالیمار ایکسپریس کو شاہدرہ پل پر حادثہ