جنوبی افریقہ نے سہ ملکی کرکٹ سیریز کے لیے اسکواڈ کا اعلان کردیا
اشاعت کی تاریخ: 5th, February 2025 GMT
جنوبی افریقہ نے سہ ملکی کرکٹ سیریز کے لیے اپنی ٹیم کا اعلان کردیا۔
جنوبی افریقہ کی جانب سے 10 فروری کو قذافی اسٹیڈیم لاہور میں نیوزی لینڈ کے خلاف میچ کے لیے 12 رکنی اسکواڈ کا اعلان کیا گیا ہے، دیگر میچوں کے کھلاڑیوں کا اعلان بعد میں کیا جائےگا۔
اعلان کے مطابق جنوبی افریقہ کی ون ڈے ٹیم کے کپتان ٹیمبا باوما ٹیم کی قیادت کریں گے۔ اس کے علاوہ اسکواڈ میں ایتھن بوش، میتھیو برٹیزکے، جیرالڈ کوٹزی، جونیئر ڈالا شامل ہیں۔
سہ ملکی سیریز کے پہلے میچ کے لیے اعلان کردہ اسکواڈ میں ویلم ملڈر، میہلالی مپونگوانا، سینوران متھوسمی، جیسن اسمتھ، کائل ویرین شامل ہیں۔
واضح رہے کہ جنوبی افریقی کی جانب سے کیے گئے اعلان کے مطابق اسکواڈ میں 6 نئے کھلاڑیوں کو شامل کیا گیا ہے، جن میں گیڈون پیٹرز اور میکا ایل پرنس بھی شامل ہیں۔
سہ ملکی کرکٹ سیریز پاکستان، نیوزی لینڈ اور جنوبی افریقہ کے خلاف ہونے جارہی ہے جس کا پہلا میچ 8 فروری کو لاہور میں پاکستان اور نیوزی لینڈ کے درمیان ہوگا۔
نیوزی لینڈ کی سہ ملکی سیریز اور چیمپیئنز ٹرافی میں شرکت کے لیے پاکستان پہنچ چکی ہے، اور اس وقت لاہور میں موجود ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان ٹیم کا اعلان جنوبی افریقہ سہ ملکی کرکٹ سیریز نیوزی لینڈ وی نیوز.ذریعہ: WE News
کلیدی لفظ: پاکستان ٹیم کا اعلان جنوبی افریقہ سہ ملکی کرکٹ سیریز نیوزی لینڈ وی نیوز سہ ملکی کرکٹ سیریز جنوبی افریقہ نیوزی لینڈ کا اعلان کے لیے
پڑھیں:
اعلان کے باوجود سہ ملکی سیریز کے ٹکٹس شائقین کرکٹ کو کیوں نہیں مل سکے؟
پاکستان کرکٹ بورڈ (پی سی بی) کی جانب سے اعلان کیا گیا تھا کہ پاکستان، جنوبی افریقہ اور نیوزی لینڈ پر مشتمل سہ ملکی سیریز 2025 کے ٹکٹ 4 فروری شام 4:00 بجے سے فروخت کے لیے دستیاب ہوں گے۔
یہ بھی کہا گیا تھا کہ یہ ٹکٹس شائقین کرکٹ آن لائن یا پھر ملک بھر کے مخصوص ٹی سی ایس ایکسپریس سینٹرز سے بھی خرید سکتے ہیں۔
یہ بھی پڑھیں شائقین کرکٹ چیمپیئنز ٹرافی کے ٹکٹس کہاں کہاں سے حاصل کرسکتے ہیں؟
واضح رہے کہ ٹرائی نیشن سیریز 8 فروری سے کھیلی جائے گی۔ پاکستان کرکٹ بورڈ (پی سی بی) نے ٹکٹ کی قیمتوں کو معقول رکھنے کی ضمانت دی ہے، جو عام انکلوژرز کے لیے صرف 350 پاکستانی روپے سے شروع ہوں گی۔ سیریز کا انعقاد لاہور کے جدید ترین قذافی اسٹیڈیم (جی ایس ایل) اور کراچی کے نیشنل بینک اسٹیڈیم (این بی ایس) میں ہوگا۔
لیکن کیا ٹرائی سیریز کے ٹکٹس ٹی سی ایس سینٹرز میں موجود ہیں بھی یا نہیں؟
’وی نیوز‘ نے اسلام آباد آبپارہ میں قائم ٹی سی ایس سینٹر سے جب رابطہ کیا تو ان کا کہنا تھا کہ کل سے ان کے دفتر میں چیمپیئنز ٹرافی کے ٹکٹس فروخت ہورہے ہیں، اور شائقین کرکٹ کی ایک بڑی تعداد ٹکٹس حاصل کرچکی ہے۔
ٹرائی سیریز کے ٹکٹس کے حوالے سے ان کا کہنا تھا کہ ٹرائی سیریز کے ٹکٹس تو اب تک ہمارے پاس نہیں پہنچے اور نہ ہی اس حوالے سے ہمیں کسی قسم کی کوئی اپ ڈیٹ موصول ہوئی ہے، اور اس کی وجہ تو ہمیں معلوم نہیں ہے۔
یہ بھی پڑھیں سہ ملکی سیریز کے ٹکٹس آج سے ملنا شروع، کونسا ٹکٹ کتنے کا ہوگا؟
ان کا مزید کہنا تھا چیمپیئنز ٹرافی کے اب تک ہمارے پاس ٹکٹس پڑے ہیں، جو ہم فروخت کررہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان کرکٹ بورڈ پی سی بی ٹکٹ ٹی سی ایس سینٹرز سہ ملکی کرکٹ سیریز شائقین کرکٹ وی نیوز
کراچی: چھ ماہ بعد گھر آنے والی بہن کے قتل کا مقدمہ بھائی کیلاف درج