بے اولاد خاتون کے بلانے پر جادو ٹونہ کرنیوالا گروہ گھر لوٹ کر فرار
اشاعت کی تاریخ: 5th, February 2025 GMT
لاہور:
بے اولاد خاتون کے شوہر کی جان بچانے اور اولاد کی خاطر بلانے پر جادو ٹونہ کرنے والا گروہ گھر لوٹ کر فرار ہوگیا۔
ہنجروال کی رہائشی خاتون رابعہ رانی نے اولاد نہ ہونے پر ثریا نامی خاتون سے رابطہ کیا جو علاقے میں جادو ٹونے اور کالے جادو کا کام کرتی تھی۔ اولاد کے حصول اور خاوند کی جان بچانے کے لیے گھر آئی خاتون اپنے ساتھیوں کے ساتھ مل کر لوٹ مار کرکے فرار ہوگئی۔
پولیس کے مطابق ثریا نے رابعہ کو دیکھ کر اسے کالے جادو کے اثرات کا بتایا اور اس کے خاوند کے جلد مرنے کی پیش گوئی بھی کی، جس پر رابعہ نے اپنے خاوند کی زندگی بچانے کے لیے 7 بکرے ، ایک بچھڑا اور 7تولہ سونا چڑھاوا دیا۔
جادو ٹونہ کرنے والی ملزمہ ثریا نے 7 تولہ سونا امانتاً لیا اور کہا کہ جادو کرنے کے بعد واپس کر دیں گے، بعد ازاں رابعہ نے سونا 2ماہ بعد واپس مانگا تو ثریا نے اس کے گھر ایک بار پھر آکر جادو ٹونہ کرنے کا کہا۔
جادو ٹونہ کرنے کے بہانے ثریا اپنے ساتھ 3افراد کو لے کر آئی، جو گھر سے لاکھوں روپے مالیت کا سونا اور نقدی لوٹ کر فرار ہو گئے۔
پولیس نے واقعے کا مقدمہ درج کر کے کارروائی کا آغاز کر دیا ہے۔ پولیس کا کہنا ہے کہ ملزمان کی گرفتاری کے لیے کوششیں کی جا رہی ہیں۔
.ذریعہ: Express News
کلیدی لفظ: جادو ٹونہ کرنے
پڑھیں:
فی تولہ سونے کی قیمت میں 10 ہزار کا بڑا اضافہ
پاکستان اور عالمی مارکیٹ میں سونے کی قیمت میں مسلسل اضافہ دیکھنے میں آ رہا ہے۔
پاکستان میں فی تولہ سونے کی قیمت میں 10000 روپے کا بڑا اضافہ ہوگیا۔ جس کے بعد پاکستان سمیت دنیا بھر میں سونے کی قیمت بلند ترین سطح پر پہنچ گئی ہے۔
ملک میں فی تولہ سونا 10000 روپے اضافے کے بعد 338800 روپے کا ہوگیا جب کہ 10 گرام سونا 8573 روپے اضافے کے بعد 290466 روپے کا ہو گیاہے۔
اس کے علاوہ 10 گرام 22 قیراط سونے کی قیمت 266261 روپے ہوگئی۔
جبکہ عالمی بازار میں سونا100 ڈالر اضافے کے بعد 3218 ڈالر فی اونس کا ہوگیاہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سونے کی قیمت سونے کی قیمت میں اضافہ فی تولہ سونا
جڑانوالہ میں بس کی رکشہ کو ٹکر، 8 افراد جاں بحق