ملک کو پستی کی طرف تھا، اب بہتری کی جانب گامزن ہے، نواز شریف
اشاعت کی تاریخ: 5th, February 2025 GMT
لاہور: مسلم لیگ (ن) کے صدر نواز شریف نے کہا ہے کہ ملک کو ماضی میں پستی کی طرف دھکیل دیا گیا تھا، لیکن اب استحکام کی فضا خوش آئند ہے۔
میڈیا رپورٹس کےمطابق اراکین اسمبلی سے گفتگو کرتے ہوئے نوازشریف نے کہاکہ مہنگائی کی رفتار میں کمی معاشی بہتری کی علامت ہے، جبکہ اسٹاک ایکسچینج کی بلندی سرمایہ کار برادری کے اعتماد کا مظہر ہے۔
انہوں نے وزیر اعظم شہباز شریف کی کارکردگی کو سراہتے ہوئے کہا کہ وہ وفاق میں انتھک محنت کر رہے ہیں جبکہ مریم نواز پنجاب میں ایک ماں اور بیٹی کے جذبے سے عوام کی خدمت میں مصروف ہیں۔
اراکینِ اسمبلی نے وزیرِ اعلیٰ مریم نواز کی عوامی خدمت کے جذبے اور ترقیاتی منصوبوں کو خراجِ تحسین پیش کرتے ہوئے کہا کہ نواز شریف کا نام برکت کی علامت ہے اور مریم نواز نے ایک سال کے دوران ہر طبقے کے لیے بحالی کے پروگرام متعارف کرائے ہیں۔
.ذریعہ: Jasarat News
پڑھیں:
بین الاقوامی کانفرنس میں مریم نواز مرکز نگاہ بن گئیں، عالمی شخصیات کی ملاقات
وزیراعلی پنجاب مریم نواز شریف ڈپلومیسی فورم 2025 کے تحت بین الاقوامی کانفرنس میں مرکز نگاہ بن گئیں۔
ایکسپریس نیوز کے مطابق کانفرنس میں دنیا بھر سے عالمی رہنما، سفارت کار اور مندوبین شریک ہوئے جنہوں نے تقریر کے بعد مریم نواز شریف سے ملاقات کی۔
مندوبین نے وزیراعلی مریم نواز کے خواتین اور بچوں کی تعلیم، صحت اور معاشی ترقی کے لئے اقدامات کو مثالی قرار دے دیا۔ مندوبین نے وزیراعلی پنجاب مریم نواز کے وژن کو سراہا اور ان کی تقریر کو انتہائی متاثر کن قرار دیا۔
مندوبین نے وزیراعلیٰ پنجاب سے گفتگو کرتے ہوئے کہا کہ آپ کے وژن اور پالیسیز سے بڑی تبدیلی آئے گی، آپ کے تجربات سے سیکھنا چاہتے ہیں جبکہ بعض مندوبین نے وزیراعلی مریم نواز کو اپنی تجاویز بھجوانے کی بھی درخواست کی۔
وزیراعلی مریم نواز کی مندوبین سے غیر رسمی گفتگو کرتے ہوئے کہا کہ آپ کی تجاویز خواتین اور بچوں کی بہتری کی عالمی تحریک کے حوالے سے بڑا سنگ میل ثابت ہوگا۔
ملتان، شہداء کی یاد میں چراغاں