عمران خان نے بھی بات نہ مانی تو صدارت چھوڑ دوں گا: جنید اکبر
اشاعت کی تاریخ: 5th, February 2025 GMT
پاکستان تحریک انصاف (پی ٹی آئی) خیبر پختون خوا کے صدر جنید اکبر کا کہنا ہے کہ بانی پی ٹی آئی نے بھی بات نہ مانی تو صدارت چھوڑ دوں گا۔
مردان میں پی ٹی آئی ورکرز کنونشن سے خطاب کرتے ہوئے انہوں نے کہا کہ سیاسی کارکن ہوں، سیاسی نوکر نہیں، غلط کو غلط اور ٹھیک کو ٹھیک کہہ سکتا ہوں۔
جنید اکبر کا کہنا ہے کہ چوروں کو پارٹی میں برداشت نہیں کریں گے، سیاست کو کاروبار نہیں بنائیں گے، ہر کارکن کی رپورٹ بانی پی ٹی آئی تک پہنچاؤں گا۔
انہوں نے کہا کہ جب تک بانی پی ٹی آئی کا اعتماد وزیرِ اعلیٰ پر ہے، ہم ان کے ساتھ کھڑے ہیں، ادارے ہمارے اپنے ہیں، ان کی مضبوطی ملک کی مضبوطی ہے۔
پی ٹی آئی خیبر پختون خوا کے صدر کا کہنا ہے کہ ہم سے غلطیاں ہوئیں، آج ہم اس کا خمیازہ بھگت رہے ہیں، جو آج ہم پر ہنس رہے ہیں، کل انہیں بھی اس کا سامنا کرنا پڑے گا۔
جنید اکبر نے یہ بھی کہا کہ لاشیں اور زخمی ہم نے اٹھائے، پھر بھی مطالبہ کرتے ہیں عدالتی تحقیقات کی جائیں۔
.ذریعہ: Daily Mumtaz
کلیدی لفظ: پی ٹی ا ئی جنید اکبر
پڑھیں:
اس بار تیاری کے ساتھ اسلام آباد آئیں گے، جنید اکبر
صوبائی صدر پی ٹی آئی کا کہنا تھا کہ بانی چیئرمین عمران خان نے حکم دیا تو انھیں اور عوام کو مایوس نہیں کریں گے، 8 فروری کو صوابی میں تاریخ کا بڑا جلسہ ہوگا۔ اسلام ٹائمز۔ پاکستان تحریک انصاف خیبر پختونخوا کے صدر اور رکن قومی اسمبلی جنید اکبر نے وزیر داخلہ محسن نقوی کو خبردار کیا ہے کہ اس بار ہم تیاری کے ساتھ نکلیں گے، ہمیں امید نہیں تھی کہ ہم پر گولیاں چلائی جائیں گی، وزیر داخلہ اور انھیں لانے والے اس غلطی فہمی میں نہ رہیں کہ ان ہتھکنڈوں سے ہم ڈر جائیں گے، بانی چیئرمین نے حکم دیا تو انھیں اور عوام کو مایوس نہیں کریں گے۔ پی ٹی آئی کے صوبائی صدر جنید اکبر پارٹی عہدہ ملنے کیے بعد پہلی بار پشاور موٹروے ٹول پلازے پر پہنچے تو ان کا استقبال کیا، پارٹی ورکرز نے پھولوں کے ہارے پہنائے اس موقع پر پشاور سے ارکان اسمبلی بھی موجود تھے۔ اس موقع پر صدر پی ٹی آئی خیبر پختونخوا جنید اکبر نے میڈیا سے گفتگو کرتے ہوئے کہ اس بار ہم تیاری کے ساتھ نکلیں گے ہمیں امید نہیں تھی کہ ہم پر گولیاں چلائی جائیں گی، وزیر داخلہ اور انھیں لانے والے اس غلطی فہمی میں نہ رہیں کہ ان ہتھ کنڈوں سے ہم ڈر جائیں گے۔
ان کا کہنا تھا کہ بانی چیئرمین عمران خان نے حکم دیا تو انھیں اور عوام کو مایوس نہیں کریں گے، 8 فروری کو صوابی میں تاریخ کا بڑا جلسہ ہوگا۔ جنید اکبر خان نے کہا کہ 8 فروری کو صوابی میں جلسے کے حوالے سے تیاریاں کی جارہی ہیں، صوابی کا جلسہ تاریخ کا سب سے بڑا جلسہ ہوگا۔ جنید اکبر خان نے وزیر داخلہ کے بیان پر کہا کہ انھیں شرم آنی چاہیے وزیراداخلہ اور انھیں لانے والوں کو خبردار کرتے ہیں کہ اس بار ہم تیاری کے ساتھ آرہی ہیں، ہمارے ورکرز کے ساتھ جو کیا وہ بہت بڑی ریاست دہشتگری تھی۔ انہوں نے کہا کہ ہمیں امید نہیں تھی کہ ہمارے پرامن ورکرز سے گولیاں چلائیں گے اس دفعہ ہمیں توقع ہے کہ حکومت گولیاں چلاسکتی ہے، اس لیے ہم تیاری کررہے ہیں اور مختلف آپشنز پر بھی غور کررہے ہیں، بانی چیئرمین نے جس طرح حکم دیا، ہم اس پر عمل کریں گے، ہم اس بار نہ بانی چیرمین کو مایوس کریں گے اور نہ عوام کو۔
رہنما پی ٹی آئی نے کہا کہ اداروں کے ساتھ رابطے کے حوالے سے جنید اکبر کا کہنا تھا ہم نہیں چاہتے کہ پارٹی ، اداروں یا حکومت کے ساتھ تصادم ہو، پارٹی ہدایات کے مطابق رابطے ہورہے تھے، ہم درمیانہ راستہ نکالنا چاہتے ہیں تاکہ ایک پرامن حل کی طرف جائیں۔ انہوں نے کہا کہ میرا حکومتی معاملات سے کوئی لینا دینا نہیں، وزیراعلی حکومتی معاملات پر توجہ دے رہے ہیں اور میں پارٹی کے معاملات پر توجہ دوں گا، اسی لیے قیادت نے حکومتی اور پارٹی عہدے الگ الگ کیے ہیں، حکومت میں تبدیلیاں وزیراعلی کا منڈیٹ ہے میرا کوئی عمل دخل نہیں۔ بعد ازاں خیبر پختونخوا میں تحریک انصاف کو منظم کرنے کے لیے نامزد صدر جنید اکبر خان نے کمان سنبھال لی، پہلے ہی اجلاس میں انہوں نے ارکان اسمبلی اور پارٹی عہدیداروں اور بلدیاتی نمائندوں کو گائیڈلائنز جاری کردیں۔
جنید اکبر کا کہنا تھا کہ جلسوں کے لیے کسی سے پیسے لیں گے اور نہ کارکنوں کو لانے کا ٹارگٹ دیا جائے گا۔ تحریک انصاف کے صوبائی صدر جنید اکبر خان کی صدارت میں اجلاس ہوا، جس میں ارکان قومی و صوبائی اسمبلی، پارٹی عہدیدار اور بلدیاتی بلدیاتی نمائندوں نے شرکت کی۔ اجلاس میں صوبائی صدر کی جانب سے 8فروری کو صوابی میں ہونے والے جلسے کے حوالے سے ہدایات جاری کی گئیں۔ جنید اکبر نے کہا کہ 8 فروری کو ہم ثابت کرنا ہے کہ ہم نے اپنا منڈیٹ واپس لینا ہے، میں کسی وزارت کی دوڑ میں نہیں ہوں، صرف پارٹی کی زمہ داریاں نبھاوں گا، ڈیڑھ ماہ قبل مجھے صوبائی صدر بننے کے لیے آمادہ کیا جا رہا تھا لیکن بانی پی ٹی آئی کا حکم ٹال نہیں سکتا تھا، اسی لیے صوبائی صدر بننے کی ذمہ داریاں قبول کیں۔ ان کا کہنا تھا کہ پارٹی جلسوں کے لیے نہ تو کسی سے لے گی، اور نہ ہی دیں گے، کسی پارٹی رکن کو جلسے کے لیے ٹارگٹ نہیں دیا کہ اتنے کارکن لائیں، یہ پارٹی ہمارا گھر ہے، ہم پارٹی کو نقصان نہیں پہنچائیں گے۔
کمبھ کے میلے سے وائرل ہونے والی مونا لیزا نے بالی ووڈ میں انٹری دے دی