رواں سال کے آغاز سے اب تک چین کا مجموعی فلم باکس آفس دنیا میں پہلے نمبر پر
اشاعت کی تاریخ: 5th, February 2025 GMT
رواں سال کے آغاز سے اب تک چین کا مجموعی فلم باکس آفس دنیا میں پہلے نمبر پر WhatsAppFacebookTwitter 0 5 February, 2025 سب نیوز
بیجنگ : چین میں 2025 اسپرنگ فیسٹیول فلم باکس آفس 9.51 بلین یوآن تک جا پہنچا ہے جوکہ ایک نیا ریکارڈ ہے۔ فلم بینوں کی تعداد 187 ملین تک جا پہنچی جو 2024 کی اسی مدت کے مقابلے میں بھی زیادہ ہے اور چین کے اسپرنگ فیسٹیول کے دوران باکس آفس کا نیا ریکارڈ بھی ہے۔ اس کے ساتھ رواں سال کے آغاز سے اب تک چین میں فلموں کا مجموعی باکس آفس شمالی امریکا کو پیچھے چھوڑ تے ہوئے دنیا میں پہلے نمبر پر ہے۔
موجودہ اسپرنگ فیسٹول کی تعطیلات کے دوران ، چینی فلم “Creation of the Gods II: Demon Force” بیک وقت امریکہ ، فرانس ، برطانیہ اور بلغاریہ سمیت 16 ممالک اور علاقوں میں ریلیز کی گئی اور مسلسل چار دنوں تک آسٹریلیا اور نیوزی لینڈ میں سنگل اسکرین باکس آفس چیمپئن رہی۔ 31 جنوری سے 2 فروری تک ، یہ شمالی امریکہ میں غیر انگریزی زبان کی فلموں کی باکس آفس فہرست میں سب سے اوپر رہی۔
یہ فلم فرانسیسی سنیما گھروں میں ریلیز کے بعد اسی عرصے میں سب سے زیادہ باکس آفس اسکور حاصل کرنے والی فلم بھی بن گئی۔ فلم ” Detective Chinatown 1900″ بھی اسپرنگ فیسٹول کے دوران اسپین کے کئی شہروں میں ریلیز کی گئی۔ مختلف ممالک اور علاقوں میں ناظرین کا ماننا ہے کہ موجودہ چینی نئے سال کی فلمیں نہ صرف دورحاضر میں چینی فلم انڈسٹری کے اعلی معیار کی عکاسی کرتی ہیں بلکہ چین کی بہترین روایتی ثقافت کی خوبصورتی کو بھی ظاہر کرتی ہیں۔ کچھ غیر ملکی ناظرین نے خاص طور پر ذکر کیا کہ چینی فلموں میں انگریزی سب ٹائٹلز کی پروڈکشن کا معیار بھی بہت بہتر ہے ، جو غیر ملکی ناظرین کو چینی فلموں کو سمجھنے اور قبول کرنے میں کافی مدد گار ثابت ہو رہا ہے۔
.ذریعہ: Daily Sub News
کلیدی لفظ: باکس ا فس
پڑھیں:
ماڑی پور گیٹ نمبر 4 پر لُنڈا کے کپڑوں کے گودام میں خوفناک آگ بھڑک اٹھی
کراچی:ماڑی پور کے علاقے میں گیٹ نمبر 4 کے قریب لُنڈا بازار کے کپڑوں کے گودام میں گزشتہ رات اچانک آگ بھڑک اٹھی، جس نے دیکھتے ہی دیکھتے گودام کو اپنی لپیٹ میں لے لیا۔
فائر بریگیڈ حکام کے مطابق آگ پر قابو پانے کے لیے فائر بریگیڈ کی 6 گاڑیاں جائے وقوعہ پر موجود ہیں اور آگ بجھانے میں مصروف رہیں۔
حکام کا کہنا ہے کہ آگ گودام کے اندر موجود کپڑوں میں لگی، جن پر مخصوص کیمیکل لگا ہوتا ہے، جس کی وجہ سے آگ تیزی سے پھیل گئی۔
ریسکیو حکام نے بتایا کہ حفاظتی اقدامات کے تحت علاقے میں بجلی کی فراہمی منقطع کی گئی۔ تاہم آگ لگنے کی وجوہات تاحال معلوم نہیں ہو سکی ہیں۔ آتشزدگی کے واقعے میں تاحال کسی جانی نقصان کی اطلاع سامنے نہیں آئی۔
مزید پڑھیں: کراچی: آن لائن فوڈ ڈلیوری ایپ کے ویئر ہاؤس میں آتشزدگی
فائر برگیڈ نے ڈیڑھ گھنٹے کی جدو جہد کے بعد آگ پر قابو پالیا۔ فائر برگیڈ حکام کے مطابق گودام میں مختلف نوعیت کے کیمیکل، تیزاب، پلاسٹک کا سامان اور لنڈے کے کپڑے موجود تھے۔
آگ لگنے کی وجوہات تاحال سامنے نہیں آ سکی ہیں۔ جبکہ گوداموں کے اطراف یا اندر آگ بجھانے کے آلات موجود نہیں تھے۔
آتشزدگی کے واقعے میں کسی قسم کا جانی نقصان نہیں ہوا تاہم گوداموں میں موجود کروڑوں روپے مالیت کا سامان جل کر خاکستر ہوگیا۔ جبکہ ریسکیو آپریشن میں مجموعی طور پر 6 فائر ٹینڈرز نے حصہ لیا ۔
افغانستان سے دراندازی پھر ناکام، 8 خوارج ہلاک، 4 گرفتار