چین نے ڈبلیو ٹی او میں امریکہ کے ٹیرف اقدامات کے خلاف مقدمہ دائر کر دیا
اشاعت کی تاریخ: 5th, February 2025 GMT
چین نے ڈبلیو ٹی او میں امریکہ کے ٹیرف اقدامات کے خلاف مقدمہ دائر کر دیا WhatsAppFacebookTwitter 0 5 February, 2025 سب نیوز
بیجنگ :چند روز قبل امریکہ نے چینی مصنوعات پر 10 فیصد اضافی محصولات عائد کرنے کا اعلان کیا جس کے بعد چین کے جوابی اقدامات کا اعلان کیا گیا۔ اس کے ساتھ ہی چین نے ڈبلیو ٹی او میں امریکہ کے ٹیرف اقدامات کے خلاف مقدمہ بھی دائر کیا ہے۔بین الاقوامی رائے عامہ کی نظر میں چین کے جوابی اقدامات نہ صرف اپنے جائز حقوق اور مفادات کے دفاع کے لیے چین کے عزم کی عکاسی کرتے ہیں بلکہ ڈبلیو ٹی او کے اختیار کا بھی احترام کرتے ہیں جو کثیر الجہتی تجارتی نظام کے تحفظ کے لیے انتہائی اہمیت کا حامل ادارہ ہے۔ اس سے امریکہ کو ایک واضح پیغام بھی ملتا ہے کہ چین مساوات اور باہمی فائدے پر مبنی تبادلوں کا خیرمقدم کرتا ہے لیکن یکطرفہ پابندی اور جبر کے جواب میں چین اپنے ترقی کے حق کاتحفظ ضرور کرے گا ۔
چین کا ماننا ہے کہ طاقت کے بجائے اصول و قواعد کا احترام کیا جانا چاہیئے۔ 10 فروری 2025 سے چین امریکہ سے درآمد ہونے والے کوئلے اور مائع قدرتی گیس پر 15 فیصد اور خام تیل، زرعی مشینری، بڑی انجن والی گاڑیوں اور پک اپ ٹرکس پر 10 فیصد اضافی محصولات عائد کرے گا۔ تجزیہ کاروں کا خیال ہے کہ چین کے جوابی اقدامات درست اور مؤثر ہیں۔
دنیا میں توانائی برآمد کرنے والا سب سے بڑا ملک امریکہ معیشت کو فروغ دینے کے لیے ایل این جی کو تیزی سے فروخت کرنے کا منصوبہ بنا رہا ہے اور چین امریکہ کے لیے ایک اہم مارکیٹ ہے۔ امریکی ایل این جی پر اضافی محصولات کے چین پر اثرات بہت کم ہیں لیکن امریکی منصوبے پر اس کے اثرات نمایاں ہیں۔
ایک امریکی تھنک ٹینک کے مطابق، 2018 کی تجارتی جنگ میں امریکی صارفین کو 40 بلین ڈالر سے زیادہ کا نقصان ہوا اور 2 لاکھ 45 ہزار ملازمتیں ختم ہوئیں۔ چین کے خلاف تجارتی غنڈہ گردی اور ناکہ بندی کے بعد ، امریکہ نہ صرف مینوفیکچرنگ کو بحال کرنے یا تجارتی خسارے کو کم کرنے میں ناکام رہا ، بلکہ اس نے اہم غیر ملکی منڈیوں کو بھی کھو دیا ۔ امریکہ کو اپنے اقدامات کی وجہ سے اپنی ساکھ کو بھی کھونا پڑا اور اس نے افراط زر کے مسائل کا سامنا بھی کیا۔ساتھ ہی اس نے سپلائی چین سسٹم کی لاگت کو بھی بڑھادیا۔یہی وجہ ہے کہ یورپی رہنماؤں سمیت بین الاقوامی شخصیات نے خبردار کیا ہے کہ امریکہ کی جانب سے شروع کی جانے والی ٹیرف کی یہ نئی جنگ احمقانہ ہے۔
.ذریعہ: Daily Sub News
کلیدی لفظ: ڈبلیو ٹی او امریکہ کے کے خلاف
پڑھیں:
پاکستان تباہ کن ’امریکی ٹیرف‘ سے کے اثرات سے کس طرح محفوظ رہ سکتا ہے؟
پاکستان انسٹی ٹیوٹ آف ڈویلپمنٹ اکنامکس (PIDE) کے وائس چانسلر ڈاکٹر ندیم جاوید نے ایک نئی پالیسی نوٹ کے ساتھ ایک مضبوط بیان میں کہا، تجارت کوئی صفر رقم کا کھیل نہیں ہے۔ یہ معیشتوں کو مضبوط بنانے کے حوالے سے مشترکہ قدر سے متعلق ہے، ایسے میں امریکی مجوزہ ٹیرف ان تعلقات کو منقطع کر سکتا ہے۔
یہ بھی پڑھیں:ملکی معیشت درست سمت پر گامزن، پاکستان ترقی کا سفر کر رہا ہے، وزیر خزانہ محمد اورنگزیب
ڈاکٹر ندیم جاوید کا کہنا ہے کہ ہم اس لمحے کو صرف ایک خطرے کے طور پر نہیں، بلکہ ایک موقع کے طور پر دیکھتے ہیں، جو پاکستان کے لیے ایک زیادہ لچکدار، متنوع اور اسٹریٹجک برآمدی مستقبل کی جانب پیشرفت ہے۔
امریکی ٹیرف کے تباہ کن اثراتپاکستان انسٹی ٹیوٹ آف ڈویلپمنٹ اکنامکس نے 13 اپریل 2025 کو جاری کیے گئے ایک سخت پالیسی رپورٹ میں خبردار کیا ہے کہ امریکا کی طرف سے مجوزہ باہمی محصولات ملک کے برآمدی شعبے پر تباہ کن اثرات مرتب کر سکتے ہیں۔
انسٹی ٹیوٹ نے خبردار کیا ہے کہ یہ محصولات معاشی عدم استحکام، ملازمتوں میں نمایاں کمی اور غیر ملکی زرمبادلہ کی آمدنی میں بھی خاصی کمی کا باعث بن سکتے ہیں۔
ڈاکٹر محمد ذیشان، ڈاکٹر شجاعت فاروق، اور ڈاکٹر عثمان قادر کی طرف سے کرایا جانے والا مطالعہ امریکا کو پاکستانی برآمدات پر مجوزہ 29 فیصد باہمی ٹیرف کے نتائج کا تجزیہ کرتا ہے۔
اس مطالعے کے مطابق موجودہ 8.6 فیصد موسٹ فیورڈ نیشن (MFN) ٹیرف میں شامل کیے جانے پر کل ڈیوٹی 37.6 فیصد تک پہنچ سکتی ہے۔ اس کے نتیجے میں امریکا کو برآمدات میں 20 تا 25 کی کمی کا امکان ہے، یوں پاکستان کو 1.1-1.4 بلین ڈالر کا سالانہ نقصان ہوگا، جب کہ یہ نقصان ٹیکسٹائل کے شعبے کو برداشت کرنا پڑے گا۔
پی آئی ڈی ای کے مطابق مالی سال 2024 میں پاکستان نے امریکا کو 5.3 بلین ڈالر مالیت کی اشیا برآمد کیں، ان برآمدات کا ایک اہم حصہ ٹیکسٹائل اور ملبوسات کا تھا، جنہیں پہلے ہی 17 فیصد تک ٹیرف کا سامنا ہے۔
اگر مجوزہ ٹیرف لاگو ہوتے ہیں، تو پاکستان کی قیمتوں میں مسابقت شدید طور پر ختم ہو جائے گی، جس سے ممکنہ طور پر علاقائی حریف جیسے بھارت اور بنگلہ دیش کو مارکیٹ شیئر حاصل کرنے کی اجازت مل جائے گی۔
5 لاکھ سے زیادہ ملازمتوں کو خطرہمعاشی نتائج ٹیکسٹائل سے آگے بڑھیں گے۔ نشاط ملز اور انٹرلوپ جیسے بڑے برآمد کنندگان کو پیداوار کم کرنے پر مجبور کیا جا سکتا ہے، جس سے 5 لاکھ سے زیادہ ملازمتوں کو خطرہ لاحق ہو سکتا ہے۔ غیر ٹیکسٹائل برآمدات بشمول چمڑے، چاول، آلات جراحی، اور کھیلوں کے سامان کو بھی بڑھتے ہوئے خطرے کا سامنا ہے۔
ان خطرات کے باوجود پی آئی ڈی ای بحران کو تزویراتی تبدیلی کے ایک موقع کے طور پر دیکھتا ہے۔ اس کا پالیسی نوٹ پاکستان کو جواب میں فوری اور سوچ سمجھ کر کارروائی کرنے کی ترغیب دیتا ہے۔
پی آئی ڈی ای کے مطابق مختصر پاکستان ٹیرف کی باہمی لاگت کو اجاگر کرنے اور دیرینہ تجارتی تعلقات کو برقرار رکھنے کے لیے اعلیٰ سطحی سفارتی کوششوں میں مصروف رہے۔ پاکستان مذاکرات کی گنجائش پیدا کرنے کے لیے منتخب امریکی درآمدات پر ٹیرف کو کم کرنے پر بھی غور کر سکتا ہے، جیسے مشینری، اسکریپ میٹل اور پیٹرولیم وغیرہ۔
پی آئی ڈی ای نے تجویز کیا ہے کہ پاکستانی فرموں کو ویلیو چین کو برقرار رکھنے اور ٹیرف میں چھوٹ حاصل کرنے میں مدد کے لیے مزید امریکی نژاد ان پٹ جیسے کاٹن اور یارن استعمال کرنے کی ترغیب دی جا سکتی ہے۔
پی آئی ڈی ای برآمدی مصنوعات اور منڈیوں دونوں کو متنوع بنانے کی ضرورت پر زور دیتا ہے۔ یورپی یونین، چین، آسیان ممالک، افریقہ اور مشرق وسطیٰ جیسی ابھرتی ہوئی مارکیٹیں آئی ٹی، حلال فوڈ، پراسیسڈ فوڈز اور کھیلوں کے سامان جیسے شعبوں میں ترقی کے امکانات پیش کرتی ہیں۔
رپورٹ میں توانائی اور رسد کی لاگت کو کم کرنے، ضوابط کو ہموار کرنے، اور جدت اور ٹیکنالوجی اپنانے کے عمل کو فروغ دینے کے اقدامات کا بھی مطالبہ کیا گیا ہے۔
رپورٹ میں کہا گیا ہے کہ موجودہ صورتحال میں ایک جامع تجارتی حکمت عملی ضروری ہے، جو ٹیکنالوجی، زراعت، توانائی، اور ویلیو ایڈڈ مینوفیکچرنگ میں ہم آہنگی پیدا کرنے پر مرکوز ہو۔
پی آئی ڈی ای رپورٹ کے مطابق مجوزہ امریکی ٹیرف ڈبلیو ٹی او کی پابند ٹیرف کی حد 3.4 فیصد سے زیادہ ہے، جو ممکنہ طور پر کثیر الجہتی تجارتی قوانین کی خلاف ورزی ہے۔ اگرچہ ڈبلیو ٹی او کے ذریعے قانونی راستہ اختیار کرنا ایک آپشن ہے، لیکن پاکستان کے محدود مالی وسائل ایسی کوششوں میں رکاوٹ بن سکتے ہیں۔
آگے کا راستہ مشکل ہےپی آئی ڈی ای رپورٹ کے مطابق آگے کا راستہ مشکل ہے، لیکن یہ پاکستان کے لیے اپنے برآمدی فریم ورک کو دوبارہ ترتیب دینے اور مضبوط کرنے کا موقع بھی فراہم کرتا ہے۔ بروقت سفارت کاری، اسٹریٹجک پالیسی اصلاحات اور جرأت مندانہ کوششوں سے پاکستان نہ صرف اس بیرونی صدمے کو برداشت کر سکتا ہے بلکہ عالمی معیشت میں ایک زیادہ مسابقتی کھلاڑی کے طور پر بھی ابھر سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی ٹیرف آیہ تی پاکستان حلال فوڈ ڈبلیو ٹی او نشاط ٹیکسٹائل
افغانستان سے دراندازی پھر ناکام، 8 خوارج ہلاک، 4 گرفتار