کابینہ میں میری واپسی کا امکان بڑھ گیا ہے، مستعفی صیہونی وزیر داخلہ
اشاعت کی تاریخ: 5th, February 2025 GMT
اپنے ایک بیان میں ایتمار بن گویر کا کہنا تھا کہ غزہ کا واحد حل وہاں کے باشندوں کو نقل مکانی کی ترغیب دلانا ہے۔ اسلام ٹائمز۔ امریکی صدر "ڈونلڈ ٹرامپ" نے کہا کہ امریکہ، غزہ کی پٹی کا کنٹرول خود سنبھالے گا۔ جس پر متعدد اسرائیلی حکام نے خوشی کے شادیانے بجانا شروع کر دئیے۔ اسی پر ردعمل دیتے ہوئے مستعفی صیہونی وزیر داخلہ "ایتمار بن گویر" نے کہا کہ لگتا ہے کہ یہ اقدام امریکہ کے ساتھ خوبصورت دوستی کی شروعات ہے۔ انہوں نے کہا کہ امریکی صدر نے متعدد مسائل پر بہت اہم گفتگو کی ہے۔ غزہ کا واحد حل وہاں کے باشندوں کو نقل مکانی کی ترغیب دلانا ہے۔ ایتمار بن گویر نے کہا کہ جنگ کے دوران میں نے بارہا اسی حل کی جانب توجہ دلائی مگر سب نے میرا مذاق اڑایا۔ تاہم اب یہ مسئلہ سب کو سمجھ آ چکا ہے۔ واضح رہے کہ ایتمار بن گویر ان صیہونی وزراء میں سے ہیں جو حماس کے ساتھ جنگ بندی کے مخالف ہیں۔
نیز انہوں نے غزہ میں جنگ بندی کے معاہدے کے اعلان کے بعد احتجاجاََ اپنے عہدے سے استعفیٰ بھی دے دیا تھا۔ لیکن حالیہ امریکی صدر کے بیان پر ان کا کہنا ہے کہ کابینہ میں میری واپسی کا امکان بڑھ گیا ہے۔ انہوں نے اسرائیلی وزیراعظم "نتین یاہو" سے اس بے بنیاد خواہش کا اظہار کیا کہ وہ جس قدر جلد ممکن ہو جبری نقل مکانی کے اس منصوبے کو پارلیمنٹ سے منظور کروائیں اور عملی طور اس کا فوری آغاز کریں۔ دوسری جانب فلسطین کی مقاومتی تحریک "حماس" کے پولیٹیکل بیورو "عزت الرشق" نے ڈونلڈ ٹرامپ کے اس متنازعہ و غیر منصفانہ بیان پر ردعمل دیتے ہوئے کہا کہ غزہ کوئی صاف میدان نہیں کہ جس کا دل چاہے اس کا کنٹرول سنبھالنے کا ارادہ کرتا پھرے بلکہ یہ قبضہ کئے گئے فلسطین کا ایک حصہ ہے۔
ذریعہ: Islam Times
کلیدی لفظ: ایتمار بن نے کہا کہ
پڑھیں:
سندھ پولیس میں بھرتی کے خواہشتمند افراد کے لیے اچھی خبر
وزیر داخلہ سندھ ضیا النجار نے سندھ پولیس میں بھرتی کے خواہشمند افراد کو خوشخبری سنادی۔ وزیر داخلہ سندھ ضیا النجار کا کہنا ہے کہ سندھ پولیس میں 50 ہزار نئے اہلکار بھرتی کرنے جارہے ہیں، لاڑکانہ میں ون فائیو کی جگہ ذوالفقار فورس بنائی جارہی ہے جنہیں 50 موٹر سائیکلیں بھی دے رہے ہیں۔انہوں نے کہا کہ کراچی میں اسٹریٹ کرائم میں واضح کمی آئی ہے، بالائی سندھ کے حوالے سے احکامات دے چکا ہوں جلد تبدیلی نظر آئے گی۔ضیا النجار نے کہا کہ شکارپور سے کندھ کوٹ اور سی پیک روڈ گھوٹکی پر دن رات ٹریفک کی روانی جاری ہے۔وزیر داخلہ نے کہا کہ لاڑکانہ آنے کا مقصد امن و امان کی صورتحال کا جائزہ لینا تھا، ایس ایس پیز کو کہہ دیا ہے ان کے معاملات میں سیاسی مداخلت نہیں ہوگی جن کے پاس غیرضروری پولیس اہلکار ہیں وہ واپس لیے جائیں گے۔انہوں نے کہا کہ کچے کے اضلاع کو مزید فنڈز فراہمی کا پلان ہے، ڈاکوؤں کو مارا جائے، گرفتار کیا جائے تو وہ بھی تخریبی کارروائیاں تیز کرتے ہیں۔وزیر داخلہ نے مزید کہا کہ ہم کچے کے ڈاکوؤں سے گھبرانے والے نہیں، ایک ماہ میں ہائی وے پولیس کو شروع کریں گے۔
ملک میں شعبان کا چاند نظر آگیا، شب برات 13 فروری کو ہوگی