یوم یکجہتی کشمیر: کشمیریوں کیلئے پاکستان کی غیر متزلزل حمایت کا ثبوت
اشاعت کی تاریخ: 5th, February 2025 GMT
یو م یکجہتی کشمیر ہر سال 5 فروری کو منایا جاتا ہے تاکہ کشمیری عوام کے ساتھ پاکستان کی غیر متزلزل حمایت کا اظہار کیا جا سکے۔ یہ دن بھارت کے زیر قبضہ جموں و کشمیر کے مظلوم عوام کے لیے آواز بلند کرنے، ان کے حق خودارادیت کی جدوجہد کو اجاگر کرنے اور عالمی برادری کی توجہ کشمیر میں ہونے والی انسانی حقوق کی سنگین خلاف ورزیوں کی طرف مبذول کرانے کے لیے منایا جاتا ہے۔ پاکستان میں اس دن کو قومی جذبے کے ساتھ منایا جاتا ہے، جہاں عوامی اجتماعات، ریلیاں، سیمینارز اور مختلف تقریبات منعقد کی جاتی ہیں تاکہ کشمیری عوام کو یہ پیغام دیا جا سکے کہ وہ اپنی جدوجہد میں تنہا نہیں ہیں۔
کشمیری عوام کئی دہائیوں سے ظلم و ستم اور جبر کا شکار ہیں۔ بھارت کی قابض افواج نے غیر قانونی طور پر کشمیر پر قبضہ کر رکھا ہے اور وہاں کے باشندوں کو ان کے بنیادی انسانی حقوق سے محروم کر دیا ہے۔ جبری گمشدگیاں، ماورائے عدالت قتل، کرفیو، مواصلاتی بلیک آؤٹ، اور غیر قانونی حراستیں عام ہو چکی ہیں۔ اگست 2019ء میں بھارت کی جانب سے آرٹیکل 370 اور 35A کی منسوخی کے بعد، کشمیر کی خصوصی حیثیت ختم کر دی گئی، جس سے مظالم میں مزید اضافہ ہوا۔ بین الاقوامی انسانی حقوق کی تنظیمیں اور اقوام متحدہ کئی بار کشمیر میں انسانی حقوق کیخلاف ورزیوں پر تشویش کا اظہار کر چکے ہیں، لیکن عالمی برادری کی خاموشی کشمیری عوام کی مشکلات میں اضافے کا سبب بن رہی ہے۔
پاکستان نے ہمیشہ کشمیریوں کے حق خودارادیت کے لیے آواز بلند کی ہے اور بین الاقوامی فورمز پر ان کے حق میں مؤثر سفارتی کوششیں کی ہیں۔ اقوام متحدہ کی قراردادوں کے مطابق، کشمیری عوام کو یہ حق دیا گیا ہے کہ وہ آزادانہ طور پر اپنے مستقبل کا فیصلہ کریں، لیکن بھارت نے طاقت کے زور پر ان کے اس حق کو دبانے کی کوشش کی ہے۔ قائداعظم محمد علی جناح نے کشمیر کو پاکستان کی شہ رگ قرار دیا تھا، اور پاکستان کی ہر حکومت نے اس مسئلے کو عالمی سطح پر اجاگر کرنے کے لیے اپنا کردار ادا کیا ہے۔ اقوام متحدہ کی جنرل اسمبلی، اسلامی تعاون تنظیم اور دیگر عالمی اداروں میں پاکستان ہمیشہ کشمیریوں کے لیے آواز بلند کرتا رہا ہے۔
پاکستان نے ہمیشہ کشمیری عوام کی ہر ممکن اخلاقی، سفارتی اور انسانی ہمدردی کی بنیاد پر مدد کی ہے۔ کئی مواقع پر پاکستان نے اقوام متحدہ، یورپی یونین اور دیگر عالمی اداروں سے مطالبہ کیا ہے کہ وہ بھارت کو کشمیری عوام پر ظلم و ستم سے روکیں اور کشمیر کے مسئلے کو اقوام متحدہ کی قراردادوں کے مطابق حل کرنے کے لیے عملی اقدامات کریں۔ پاکستان کا یہ مؤقف ہے کہ جنوبی ایشیا میں پائیدار امن اسی وقت ممکن ہوگا جب مسئلہ کشمیر کشمیری عوام کی خواہشات کے مطابق حل کیا جائے گا۔
پاکستان عالمی برادری پر زور دیتا ہے کہ وہ بھارت کو کشمیری عوام پر مظالم بند کرنے پر مجبور کرے، غیر قانونی اقدامات واپس لے، اور مقبوضہ کشمیر میں انسانی حقوق کی خلاف ورزیوں کا جائزہ لینے کے لیے عالمی مبصرین کو وہاں جانے کی اجازت دے۔ بھارت کی جانب سے کشمیری عوام کی نسل کشی اور مسلم اکثریتی آبادی کے تناسب کو تبدیل کرنے کی کوششیں قابل مذمت ہیں اور عالمی سطح پر اس کے خلاف سخت اقدامات کیے جانے چاہئیں۔
یو م یکجہتی کشمیر محض ایک رسمی دن نہیں، بلکہ یہ اس عزم کی تجدید ہے کہ پاکستان ہمیشہ کشمیری عوام کے ساتھ کھڑا رہے گا۔ جب تک کشمیر کے عوام اپنی آزادی کے لیے جدوجہد کرتے رہیں گے، پاکستان ان کے شانہ بشانہ کھڑا ہوگا اور ان کی آواز دنیا کے ہر کونے تک پہنچائے گا۔ ایک دن آئے گا جب کشمیری عوام کو ان کا حق ملے گا اور وہ اپنے مستقبل کا فیصلہ خود کریں گے۔ پاکستان کا ہر شہری اس دن کے لیے پرعزم ہے ۔
.ذریعہ: Nai Baat
کلیدی لفظ: انسانی حقوق کی کشمیری عوام کی اقوام متحدہ پاکستان کی کے لیے ا
پڑھیں:
امیر جماعت کا اسلامی ممالک کے سربراہان کے نام خط، غزہ سے اظہار یکجہتی کے لیے 20اپریل کو عالمی یوم احتجاج منانے کی تجویز
حافظ نعیم الرحمن نے خط میں کہا کہ آج ہم غزہ میں جو کچھ دیکھ رہے ہیں، وہ نسل کشی سے کم نہیں۔ معصوم شہری، بشمول خواتین اور بچے، بلاتمیز قتل کیے جا رہے ہیں۔ اسپتال، صحافی، اسکول، اور پناہ گاہیں جو بین الاقوامی قوانین کے تحت محفوظ تصور کی جاتی ہیں کو جان بوجھ کر نشانہ بنایا جا رہا ہے۔ اس ظلم کے سامنے عالمی برادری کی خاموشی یا بے عملی انتہائی تشویشناک ہے۔ اسلام ٹائمز۔ امیر جماعت اسلامی حافظ نعیم الرحمن نے اسلامی ممالک کے سربراہان کے نام خط لکھ کر ان کی توجہ غزہ میں جاری صہیونی سفاکیت کی طرف دلائی ہے اور اہل فلسطین کی مدد کے لیے عملی اقدامات کی اپیل کی ہے۔ انھوں نے اہل غزہ سے اظہار یکجہتی کے لیے 20اپریل جمعہ کو عالمی سطح پر یوم احتجاج منانے کی بھی تجویز دی ہے۔ مسلم سربراہان کے نام جاری خطوط میں انھوں نے کہا کہ وہ آپ کو غزہ میں جاری ہولناک انسانی بحران پر گہرے دکھ اور تشویش کے ساتھ یہ خط لکھ رہے ہیں۔ تباہی اور انسانی تکالیف کی شدت عالمی برادری کی فوری اور مشترکہ کارروائی کا تقاضا کرتی ہے۔ تاریخ ہمیں یہ سبق دیتی ہے کہ جب ہولوکاسٹ، بوسنیا کی نسل کشی، یا کوسوو کے تنازعے جیسے شدید انسانی بحران پیش آئے، تو دنیا نے اہم موڑ پر انسانی وقار اور انصاف کے تحفظ کے لیے متحد ہو کر قدم اٹھایا۔
انھوں نے خط میں کہا کہ آج ہم غزہ میں جو کچھ دیکھ رہے ہیں، وہ نسل کشی سے کم نہیں۔ معصوم شہری، بشمول خواتین اور بچے، بلا تمیز قتل کیے جا رہے ہیں۔ اسپتال، صحافی، اسکول، اور پناہ گاہیں جو بین الاقوامی قوانین کے تحت محفوظ تصور کی جاتی ہیں کو جان بوجھ کر نشانہ بنایا جا رہا ہے۔ اس ظلم کے سامنے عالمی برادری کی خاموشی یا بے عملی انتہائی تشویشناک ہے۔ مسلم اکثریتی ممالک کی حکومتوں سے پرزور اپیل کرتے ہیں کہ وہ روزانہ کی بنیاد پر جاری قتل عام کو روکنے کے لیے فوری اور فیصلہ کن اقدامات کریں۔ جدید ہتھیاروں کی تباہ کن صلاحیت جو اسرائیل کو آزادی سے اور غیرمتناسب طور پر میسر ہے، سوشل میڈیا اور براہِ راست نشریات کے ذریعے آج دنیا ان مظالم کو لمحہ بہ لمحہ دیکھ رہی ہے۔ عالمی سطح پر شعور بے مثال ہے اور دنیا بھر کے مسلمان اور امن پسند لوگ غزہ کے عوام کے ساتھ یکجہتی اور درد کا اظہار کر رہے ہیں۔ ہمیں یقین ہے کہ آپ کے ملک کے عوام بھی ہمارے درد اور غم میں برابر کے شریک ہیں، جیسا کہ دنیا کے بے شمار دوسرے لوگ بھی۔
انھوں نے مسلم سربراہان کو مخاطب کرتے ہوئے کہا کہ یہ وہ لمحہ ہے جو جرات مندانہ اور اخلاقی قیادت کا تقاضا کرتا ہے۔ ہم آپ سے مودبانہ گزارش کرتے ہیں کہ فوری طور پر مسلم ممالک کے رہنماوں کا اجلاس بلایا جائے تاکہ ایک واضح اور اجتماعی حکمتِ عملی ترتیب دی جا سکے۔ اگر دنیا خاموش رہی، تو ہم ایک اور انسانی ناکامی کے باب پر افسوس کرتے رہ جائیں گے بالکل جیسے روانڈا میں ہوا۔ فرق صرف یہ ہے کہ اس بار پوری دنیا یہ سب براہِ راست دیکھ رہی ہے۔ ہم یہ بھی اپیل کرتے ہیں کہ تمام ریاستی سربراہان کا ایک خصوصی اجلاس بلایا جائے جس کا واحد ایجنڈا غزہ میں جاری نسل کشی کو روکنا ہو۔ تعمیر نو اور بحالی کے اقدامات بعد میں کیے جا سکتے ہیں، لیکن سب سے پہلے اس خونریزی کا خاتمہ ضروری ہے۔
اُنہوں نے کہا کہ ہم سمجھتے ہیں کہ تمام مسلم ممالک کسی نہ کسی سطح پر بین الاقوامی اثر و رسوخ رکھتے ہیں، اور اب وقت آ گیا ہے کہ اسے مثر طریقے سے استعمال کیا جائے۔ مزید برآں ہم یہ تجویز پیش کرتے ہیں کہ جمعہ، 20 اپریل کو سرکاری طور پر یوم عالمی احتجاج قرار دیا جائے۔ اس دن کو ریلیوں، جلوسوں، خصوصی دعاوں، اور فلسطینی عوام کے ساتھ یکجہتی کے عالمی مظاہروں سے منایا جانا چاہیے۔ ہم بین الاقوامی انسانی حقوق کی تنظیموں سے بھی رابطہ کر رہے ہیں تاکہ وہ اس اتحاد اور ظلم کے خلاف مزاحمت کے دن کی توثیق کریں۔
مہاجرین کے معاملے پر پاکستان اسلامی و ہمسائیگی کی ذمے داریاں پوری کرے: افغان حکومت