یاسین ملک کے ساتھ 10 برس سے کوئی ملاقات نہیں ہوئی، مشعال ملک
اشاعت کی تاریخ: 5th, February 2025 GMT
بھارت کی جیل میں قید ممتاز کشمیری حریت رہنما یاسین ملک کی اہلیہ مشعال ملک نے کہا ہے کہ 10 سال گزر گئے ہیں شوہر سے ملاقات نہیں ہوسکی۔
یوم یکجہتی کشمیر کے موقع پر ’وی نیوز‘ سے خصوصی گفتگو کرتے ہوئے مشعال ملک نے کہاکہ آج کا دن نہایت اہمیت کا حامل ہے، جسے نا صرف پاکستان اور آزاد کشمیر بلکہ پوری دنیا میں بھرپور جوش و جذبے سے مناتے ہوئے مقبوضہ کشمیر کے عوام کے ساتھ اظہار یکجہتی کیا جاتا ہے۔
یہ بھی پڑھیں یوم یکجہتی کشمیر: آئی ایس پی آر کا نیا نغمہ ’کشمیر بنے گا پاکستان‘ جاری
انہوں نے کہاکہ اس روز دنیا بھر میں ہونے والے احتجاج سے بھارت کا گھناؤنا چہرہ دنیا کے سامنے بے نقاب ہوتا ہے۔
بھارت کیسے کشمیریوں کے حقوق کو پامال کررہا ہے؟مشعال ملک نے کہاکہ مقبوضہ کشمیر میں ظلم و ستم کی کہانی بہت لمبی ہے، وہاں کشمیریوں کے جو بنیادی حقوق پامال کیے جارہے ہیں، اس کی کوئی حد نہیں، وہاں ریپ کو جنگی ہتھیار کے طور پر استعمال کیا جارہا ہے۔
انہوں نے کہاکہ اس کے علاوہ کشمیریوں کو مختلف کالے قوانین کے تحت حراست میں لے کر ذہنی و جسمانی تشدد کا نشانہ بنایا جاتا ہے، یہاں تک کے قتل بھی کردیا جاتا ہے۔
یہ بھی پڑھیں: یوم یکجہتی کشمیر: ’آزادی کا دن دور نہیں‘، آزاد کشمیر کے عوام کا مقبوضہ کشمیر کے نام پیغام
حریت رہنما کی اہلیہ نے کہاکہ جبری گمشدگیوں کا سلسلہ کشمیر سے ہی شروع ہوا، وہاں لوگوں کو غائب کرکے قتل کردیا جاتا ہے۔
انہوں نے کہاکہ قابض بھارتی فورسز کی جانب سے تشدد کے نت نئے طریقے نکالے جاتے ہیں، یہاں تک کہ کشمیریوں کی لاشوں کو گھسیٹ کر بے حرمتی کی جاتی ہے۔
کشمیری خواتین کن حالات میں ہیں؟انہوں نے کہاکہ دنیا کی کوئی بھی تحریک ہو خواتین نے ہمیشہ بڑھ چڑھ کر حصہ لیا، کشمیری خواتین بھی بہت حوصلے والی ہیں اور تحریک آزادی کشمیر میں بڑھ چڑھ کر اپنا کردار ادا کررہی ہیں۔
مشعال ملک نے کہاکہ مقبوضہ کشمیر میں مردوں کو جبری طور پر قید کردیا جاتا ہے، یا نوکری نہیں دی جاتی، ایسی صورت حال میں خواتین جہاں اپنے گھر کا خیال رکھتی ہیں وہیں نوکریاں بھی کرتی ہیں اور اس کے ساتھ ساتھ تحریک آزادی میں بھی اپنے حصے کا کردار ادا کررہی ہیں۔ مقبوضہ کشمیر کی خواتین کی زندگی بالکل بھی آسان نہیں ہے۔
کشمیری کن مسائل کا سامنا کر رہے ہیں؟انہوں نے کہاکہ مقبوضہ کشمیر کے لوگوں کو بے پناہ مسائل کا سامنا کرنا پڑرہا ہے۔ کشمیری اتنے مظلوم ہیں کہ اپنی پانچوں حس کا استعمال بھی نہیں کرسکتے۔ ’آپ کیا کرنا چاہتے ہیں، کیا سننا چاہتے ہیں، کشمیریوں کو اس کی اجازت نہیں ہے۔‘
یہ بھی پڑھیں: آزاد کشمیر کا مقبوضہ کشمیر سے موازنہ کرنے والوں کے لیے سوچنے کا مقام ہے، وزیراعظم چوہدری انوارالحق
مشعال ملک نے کہاکہ کشمیریوں کے لیے اس سے بڑھ کر تکلیف دہ عمل کیا ہوگا کہ ان ہی کی سرزمین پر بھارت کے عوام کو نوکریاں دی جارہی ہیں۔ بیوروکریسی میں سیٹیں ہندوؤں کو دی جارہی ہیں، اسکولوں اور یونیورسٹیوں میں بھی انہی کو داخلے مل رہے ہیں، جبکہ مساجد کو شہید کرکے مندر تعمیر کیے جارہے ہیں۔
کچھ کشمیری خاندان کشمیر کی آزادی میں رکاوٹ ہیں؟مشعال ملک نے کہاکہ مقبوضہ کشمیر کے چند خاندان ایسے ہیں جنہیں بھارتی کٹھ پتلیاں کہنا غیر مناسب نہیں ہوگا، یہ لوگ شروع سے بھارت کے اشاروں پر چلتے ہیں۔ مقبوضہ کشمیر میں ہمیشہ الیکشن بائیکاٹ کی مہم چلتی رہی، وہاں کے لوگ بالکل بھی بھارت پر اعتبار نہیں کرتے۔
یاسین ملک سے شادی کیسے ہوئی؟یاسین ملک سے شادی کے حوالے سے پوچھے گئے ایک سوال کے جواب میں مشعال ملک نے کہاکہ وہ 2005 میں ان سے پہلی بار ملی تھیں۔ جب حریت کی ساری قیادت پاکستان کے دورے پر آئی تھی اور کچھ تقریبات چل رہی تھیں۔
انہوں نے کہاکہ میں نے یاسین ملک کی تقریر سنی، اور ان سے آٹو گراف لیا۔ یاسین ملک نے اپنی تقریر میں فیض احمد فیض کے کچھ خوبصورت اشعار بھی سنائے۔ ’لازم ہے کہ ہم بھی دیکھیں گے۔ جس کا میرے دل، دماغ اور روح پر اتنا گہرا اثر ہوا کہ میں ان کی بہت بڑی فین بن گئی تھی۔‘
یہ بھی پڑھیں: مقبوضہ کشمیر میں مودی کی پارٹی مخالف اتحاد کے ہاتھوں چاروں شانے چت
مشعال ملک نے مزید کہاکہ ان کی والدہ سیاست میں رہ چکی ہیں اور حکومت میں ہونے کی وجہ سے وہ پاکستان میں امن کے حوالے سے ہونے والی تقریبات کو دیکھ رہی تھیں۔ انہی تقریبات میں ہماری ملاقات ہوئی، ای میلز میں میرا فون نمبر بھی تھا۔ یاسین ملک نے مجھے ای میلز بھی کیں اور جاتے ہوئے میری ماں کا شکریہ ادا کیا اور کہاکہ پاکستانی لوگ کشمیریوں سے بہت پیار کرتے ہیں۔ پھر انہوں نے مجھ سے بات کی اور مجھے شادی کے لیے پروپوز کردیا۔ ’میں بہت خوش ہوئی اور سوچ نہیں سکتی کہ میری کیا حالت تھی، بس بے ہوش ہونے والی تھی۔‘
ایک سوال کے جواب میں ان کا کہنا تھا کہ ان کی شادی کو تقریباً 16 برس ہو چکے ہیں، اور اس عرصے میں وہ یاسین ملک کے ساتھ 60 سے 65 دن رہی ہیں۔
یاسین ملک کے خلاف کون سے مقدمات ہیں؟انہوں نے کہاکہ یاسین ملک کے خلاف 35 سال پرانے کیسز ہیں، جن کی بنیاد پر بھارت نے ان کو قید کرکے رکھا ہوا ہے، جو کیسز بنائے گئے ہیں وہ بہت ہی فضول ہیں۔ یہ بھارتی ریاست اور عدلیہ کا یکطرفہ فیصلہ ہے کہ انہوں نے ہر اس آواز کو دبانا ہے جو تحریک آزادی کشمیر کے لیے اٹھتی ہو۔ وہ پارٹی لیڈر شپ پر اتنا زیادہ دباؤ ڈالتے ہیں کہ یا تو وہ آزادی کی تحریک سے پیچھے ہٹ جائیں یا پھر ان کو ختم کردیا جائے۔
یہ بھی پڑھیں یاسین ملک کا عدالتی قتل رکوایا جائے، مشعال ملک کا بھارتی اپوزیشن لیڈر راہل گاندھی کو خط
’دس سال سے زیادہ ہو چکے ہیں مگر کوئی ملاقات نہیں ہوئی‘انہوں نے مزید بات کرتے ہوئے کہاکہ فلسطین میں جو کچھ ہورہا ہے وہ کم از کم منظر عام پر تو آرہا ہے لیکن مقبوضہ کشمیر سے بالکل بھی کچھ سامنے نہیں آنے دیا جاتا اور تقریباً 10 سال ہو چکے ہیں یاسین ملک سے میری ملاقات نہیں ہوئی، جبکہ 6 سال سے ٹیلیفونک رابطہ بھی بند ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حریت رہنما مشعال ملک مقبوضہ کشمیر وی نیوز یاسین ملک یوم یکجہتی کشمیر.ذریعہ: WE News
کلیدی لفظ: حریت رہنما مشعال ملک وی نیوز یاسین ملک یوم یکجہتی کشمیر نے کہاکہ مقبوضہ کشمیر یوم یکجہتی کشمیر مقبوضہ کشمیر کے انہوں نے کہاکہ یاسین ملک کے ملاقات نہیں کہاکہ ا جاتا ہے کے ساتھ رہی ہیں کے لیے
پڑھیں:
میئر کراچی کی گورنر سندھ سے ملاقات، گلے شکوے دور، مل کر چلنے پر اتفاق
میئر کراچی نے ملاقات میں گورنر سندھ سے تعاون کی درخواست کرتے ہوئے کہا کہ شہر کے مفاد میں اختلافات کو پس پشت ڈال کر مل کر چلنے کی ضرورت ہے۔ ملاقات میں شہر کے انتظامی معاملات، بلدیاتی امور اور ترقیاتی منصوبوں پر بھی تبادلہ خیال کیا گیا۔ اسلام ٹائمز۔ میئر کراچی مرتضی وہاب گورنر ہاؤس پہنچ گئے جہاں ان کی ملاقات گورنر سندھ کامران ٹیسوری سے ہوئی۔ ملاقات کے دوران حالیہ دنوں میں دونوں رہنماؤں کے درمیان ہونے والی لفظی گولہ باری کے بعد کشیدگی میں کمی آئی اور معاملات کو بہتر انداز میں آگے بڑھانے پر بات چیت ہوئی۔ میئر کراچی نے ملاقات میں گورنر سندھ سے تعاون کی درخواست کرتے ہوئے کہا کہ شہر کے مفاد میں اختلافات کو پس پشت ڈال کر مل کر چلنے کی ضرورت ہے۔ ملاقات میں شہر کے انتظامی معاملات، بلدیاتی امور اور ترقیاتی منصوبوں پر بھی تبادلہ خیال کیا گیا۔
گورنر سندھ کامران ٹیسوری نے کہا کہ مئیر کراچی کی جانب سے لکھے گئے خط کے بعد یہ ملاقات ہوئی ہے۔ گورنر کا کہنا تھا کہ وہ آج اسلام آباد روانہ ہو رہے ہیں جہاں ان کی اہم ملاقاتیں طے ہیں۔ انہوں نے ہلکے پھلکے انداز میں کہا کہ وہ کراچی کنگز کو سپورٹ کر رہے ہیں کیونکہ وہ خود بھی کراچی سے ہیں، کسی صورت شہر کے حالات کو خراب ہونے نہیں دیں گے، اے این پی سربراہ شاہی سید کی ایم کیو ایم کے مرکز آمد پر میئر کراچی مرتضی وہاب نے کہا کہ وہ کراچی کنگز کے حامی ہیں اور شہر کی نمائندگی کو ہمیشہ ترجیح دیں گے، ملاقات خوشگوار ماحول میں اختتام پذیر ہوئی۔
ملتان، شہداء کی یاد میں چراغاں