سجاول، ڈگری کالج میں ثقافتی و ماحولیاتی میلے کاافتتاح
اشاعت کی تاریخ: 5th, February 2025 GMT
سجاول(نمائندہ جسارت) صوبائی وزیر لائیو اسٹاک و فشریز محمد علی ملکانی نے اسٹیٹ بینک آف پاکستان کی جانب سے ضلعی انتظامیہ، سندھ بینک اور دیگر مختلف بینکوں کے اشتراک سے ڈگری کالج سجاول میں منعقدہ سماجی، ثقافتی، ادبی، زرعی، ماحولیاتی اور مالیاتی میلے کا افتتاح کیا۔ اس موقع پر ایم پی اے ریحانہ لغاری، ڈپٹی کمشنر زاہد حسین رند، چیف منیجر اسٹیٹ بینک آف پاکستان رضوان خلیل شمسی، ڈپٹی چیف منیجر مدثر احمد، زراعی رہنما بشیر احمد وسان، ایس ایس پی ڈاکٹر عبدالخالق پیرزادہ اور دیگر متعلقہ افسران بھی موجود تھے۔ اس موقع پر منعقدہ افتتاحی تقریب سے خطاب کرتے ہوئے صوبائی وزیر محمد علی ملکانی نے کہا کہ زراعت کے فروغ اور غربت میں کمی کے لیے یہ پروگرام انتہائی اہمیت کا حامل ہے، جس کا مقصد وفاق اور سندھ حکومت کے ساتھ مل کر کسانوں اور چھوٹے زمینداروں کو کم شرح سود پر قرضے فراہم کرکے ان کی مالی مدد کی جائے تاکہ وہ آج کے جدید ٹیکنالوجی دور میں زیادہ سے زیادہ فائدہ اٹھا سکیں۔ انہوں نے اسٹیٹ بینک کے حکام سے اپیل کی کہ وہ کسانوں کو زرعی قرض فراہم کرنے کے لیے زیادہ سے زیادہ آگاہی سیمینار اور سیشنز کا انعقاد کریں تاکہ انہیں آگاہی فراہم ہو سکے۔ انہوں نے کہا کہ اقوام متحدہ کی فوڈ اینڈ ایگریکلچر آرگنائزیشن ایک عالمی ادارہ ہے جو کئی شعبوں میں حکومت کی مدد کر رہا ہے۔ انہوں نے ایف اے او کے نمائندوں پر زور دیا کہ وہ لائیو اسٹاک اور فشریز کے شعبوں کی مختلف مصنوعات کے فروغ کیلئے مل کر کام کرنے پر غور کریں تاکہ لائیو اسٹاک اور فشریز کے شعبوں کو عالمی سطح پر فروغ دیا جا سکے۔ انہوں نے کہا کہ یہ خوشی کی بات ہے کہ سندھ انٹرپرائز ڈویلپمنٹ فنڈ، سندھ بینک اور دیگر بینکوں کے ساتھ مل کر کام کر رہا ہے لیکن عام کسانوں کو اس بات کا علم ہی نہیں ہے کہ وہ اتنی کم شرح سود پر قرضے حاصل کر سکتے ہیں، اس سلسلے میں اسٹیٹ بینک کو چاہیے کہ وہ تمام متعلقہ بینکوں کو آگاہی سیمینار اور سیشن منعقد کرنے کا پابند نبائیں تاکہ زیادہ سے زیادہ لوگ بالخصوص کسان مستفید ہو سکیں۔ انہوں نے کہا کہ سندھ کا زرخیز ضلع ہونے کے ساتھ ساتھ سجاول کو بدقسمتی سے ہر دو سال بعد قدرتی آفات کا سامنا بھی کرنا پڑتا ہے، اس لیے سب سے زیادہ اس ضلع پر توجہ مرکوز کرنے کی ضرورت ہے۔ صوبائی وزیر نے کامیاب میلے کے انعقاد پر اسٹیٹ بینک، سندھ بینک اور دیگر اسٹک ہولڈرز بالخصوص ڈپٹی کمشنر زاہد حسین رند کی کاوشوں کو بھی سراہا۔ تقریب سے خطاب کرتے ہوئے چیف منیجر سٹیٹ بینک آف پاکستان رضوان خلیل شمسی نے کہا کہ پاکستان ایک اسلامی ملک ہے اور ہمیں سود کے نظام سے آزاد ہونا چاہیے، یہی وجہ ہے کہ ملک کے تیس فیصد بینک اب اسلامی بینکاری میں تبدیل ہو چکے ہیں۔
.ذریعہ: Jasarat News
کلیدی لفظ: اسٹیٹ بینک نے کہا کہ اور دیگر سے زیادہ انہوں نے
پڑھیں:
سندھ شدید گرمی کی لپیٹ میں، دادو گرم ترین شہر قرار
سندھ بھر میں گرمی کی شدت میں غیر معمولی اضافہ دیکھنے میں آ رہا ہے. جہاں کئی شہروں میں درجہ حرارت خطرناک حد تک بڑھ چکا ہے۔
محکمہ موسمیات کے مطابق، آج صوبہ سندھ کا گرم ترین شہر دادو رہا، جہاں درجہ حرارت معمول سے 5.3 فیصد زیادہ 45.5 ڈگری سینٹی گریڈ ریکارڈ کیا گیا۔دیگر شہروں میں بھی درجہ حرارت میں نمایاں اضافہ دیکھا گیا:
شہید بے نظیر آباد: 44.5 ڈگریموہنجوڈارو: 44 ڈگری
لاڑکانہ، جیکب آباد، سکھر، حیدرآباد: 43.5 ڈگری
سکرنڈ، خیرپور: 43 ڈگری
چھور، مٹھی، میرپور خاص، روہڑی: 42.5 ڈگری
پڈ عیدن: 42 ڈگری
بدین: 40.5 ڈگری
ٹنڈو جام: 44 ڈگریٹھٹھہ: 37.5 ڈگری
جبکہ کراچی میں صوبے کا سب سے کم درجہ حرارت 35.6 ڈگری سینٹی گریڈ ریکارڈ کیا گیا، تاہم سمندری ہواؤں کی کمزوری کے باعث وہاں بھی حبس اور گرمی کا احساس بڑھ گیا ہے۔ماہرین موسمیات نے آئندہ دنوں میں مزید گرمی بڑھنے کا خدشہ ظاہر کرتے ہوئے شہریوں کو احتیاطی تدابیر اختیار کرنے کی ہدایت دی ہے، جن میں دھوپ سے بچاؤ، زیادہ پانی پینا اور غیر ضروری طور پر باہر نکلنے سے گریز شامل ہے۔محکمہ موسمیات نے ہیٹ ویو کی صورتحال پر کڑی نظر رکھنے اور عوام کو بروقت آگاہ کرنے کے لیے ہنگامی مراکز فعال کر دیے ہیں۔ عوام الناس سے اپیل کی گئی ہے کہ وہ گرمی کی شدت سے خود کو محفوظ رکھنے کے لیے حفاظتی تدابیر پر عمل کریں.
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار