حفاظتی گارڈرز شیٹس چوری، لیاری ایکسپریس وے غیرمحفوظ ہوگیا
اشاعت کی تاریخ: 5th, February 2025 GMT
٭ٹریک پر جگہ جگہ کچرا کنڈیاں اور پیدل مٹر گشت کرتے لوگ گھومتے نظر آتے ہیں
٭دو ماہ کے دوران چار بڑے حادثات میں ایک شہری جان سے گیا جبکہ کئی افراد زخمی
(جرأت نیوز) کراچی کا لیاری ایکسپریس وے عدم توجہی کے باعث غیر محفوظ ہوگیا۔جگہ جگہ سے حفاظتی گارڈرز اور شیٹیس چوری ہوجانے سے جان لیوا حادثات معمول بن گئے ۔ایکسپریس وے کے ٹریک پر جگہ جگہ کچرا کنڈیاں اور پیدل مٹر گشت کرتے لوگ گھومتے نظر آتے ہیں ۔ایکسپریس وے کے کئی مقامات پرحفاظتی گارڈرز اور شیٹس چوری ہوجانے کے بعد دو ماہ کے دوران چار بڑے حادثات میں ایک شہری جان سے گیا جبکہ کئی افراد زخمی ہوچکے ہیں۔نیشنل ہائی وے اتھارٹی کی جانب سے دوماہ کے دوران ٹول ٹیکس تیس روپے سے بڑھا کر ساٹھ روپے کا دوگنا اضافہ تو کردیا گیا لیکن سہولیات کوئی نہیں دی گئیں۔طویل ٹریک پر کچرا اور نشے کے عادی افراد کی آزادانہ آمدورفت کے مناظر عام ہیں ۔تین ہٹی تا پاک کالونی ٹریک کے ساتھ قائم منشیات کے اڈے ندی میں تجاوزات کی بھرمار سے این ایچ اے اور موٹروے کا عملہ بھی پریشان ہے کئی برس سے ٹریک پر لائٹس اور کیمروں کی تنصیب کا کام بھی تعطل کا شکارہے۔
.ذریعہ: Juraat
پڑھیں:
مارچ میں ٹرینوں کی بروقت آمدورفت کی شرح 57 فیصد ریکارڈ
سٹی 42: ریلوے انفراسٹرکچر اور رولنگ سٹاک میں خرابی کے باعث مارچ میں مسافرٹرینوں کی بروقت آمدورفت کی شرح57فیصدریکارڈ کی گئی
ملک بھرمیں چلنےوالی940ٹرینوں میں سے 404 تاخیر کا شکار ہوئیں ، کنکٹنگ ریل لنکس، ٹریک پر فنی خرابیوں، حادثات و موسم میں خرابی سےٹرینوں میں تاخیر ہوئی
مجموعی طور پر ٹرینوں کے 1 ہزار 398 گھنٹے ضائع ہوئے،فنی رکاوٹوں کی وجہ سے 248گھنٹے، کنکٹنگ ریل کی وجہ سے 233 گھنٹے ضائع ہوئے،سگنل خرابی کے باعث 226گھنٹے، احتجاج کے باعث 196 گھنٹے تاخیر کا شکارہوئی ، کیرج خرابی کے باعث 97گھنٹے، حادثات کے باعث 130گھنٹے ضائع ہوئے ،کراسنگز کے باعث 126گھنٹے، لوکوموٹو کی خرابی کے باعث 114گھنٹے ضائع ہوئے
لاہور شہر بھر میں ہائی الرٹ، ڈکیتی و چوری کی وارداتوں میں ملوث 14 ملزمان گرفتار
نواز شریف نے طبیعت ناساز ہونے پر لندن میں اپنا قیام بڑھا دیا