سید ایاز شاہ بخاری کی گرفتاری کیخلاف دھابیجی میں ریلی کا انعقاد
اشاعت کی تاریخ: 5th, February 2025 GMT
دھابیجی(نمائندہ جسارت)ٹھٹھہ کے ملھ پہلوان سید ایاز شاہ بخاری کی گرفتاری کیخلاف شاہین یوتھ کاؤنسل پاکستان کے مرکزی چیئرمین حنیف میمن کی کال پر دھابیجی میں تنظیم کی مرکزی کمیٹی کے ممبر مقبول کلمتی بلوچ, میڈیا کوآرڈینیٹر شبیر احمد خاصخیلی اور دھابیجی یونٹ کے صدر رسول بخش لالاٹی کی قیادت میں کارکنان نے بس اسٹاپ سے پریس کلب تک ریلی نکالی اور گرفتار ملھ پہلوان کی رہائی کیلیے نعرے بازی کی
.ذریعہ: Jasarat News
پڑھیں:
جامعہ کراچی میں آئی ایس او کے تحت یکجہتی فلسطین ریلی، طلبہ و طالبات کی شرکت
ریلی سے خطاب میں علامہ صادق رضا تقوی نے اسلامی ممالک کے سربراہان کو غزہ کے مظلوم عوام کے قتل عام میں شریک قرار دیتے ہوئے حکومت پاکستان سے مطالبہ کیا کہ "شراکا" نامی صہیونی تنظیم کو فی الفور پاکستان میں کالعدم قرار دیا جائے۔ اسلام ٹائمز۔ امامیہ اسٹوڈنٹس آرگنائزیشن جامعہ کراچی یونٹ کے زیرِ اہتمام پوائنٹ ٹرمنل سے فارمیسی چوک تک یکجہتی فلسطین ریلی کا انعقاد کیا گیا۔ ریلی میں بڑی تعداد میں طلبہ و طالبات نے شرکت کی اور غزہ، لبنان، یمن اور شام پر جاری امریکی و صہیونی جارحیت کے خلاف شدید نعرے بازی کی گئی۔ ریلی سے صدر آئی ایس او جامعہ کراچی اظہر عباس، ممتاز عالم دین علامہ صادق رضا تقوی اور مختلف طلبہ تنظیمات کے رہنماؤں نے خطاب کیا۔ مقررین نے فلسطینی عوام پر ڈھائے جانے والے مظالم کی شدید الفاظ میں مذمت کی اور حکومت پاکستان سے مطالبہ کیا کہ وہ غاصب ریاست اسرائیل کا دورہ کرنے والے ملک دشمن صحافی وفود کے خلاف فوری کارروائی کرے۔ صدر آئی ایس او جامعہ کراچی اظہر عباس نے اپنے خطاب میں کہا کہ حکومت پاکستان کو مسئلہ فلسطین پر امریکی موقف کے بجائے بانی پاکستان قائداعظم محمد علی جناحؒ کے اصولی موقف کو اپنانا چاہیئے۔
علامہ صادق رضا تقوی نے اسلامی ممالک کے سربراہان کو غزہ کے مظلوم عوام کے قتل عام میں شریک قرار دیتے ہوئے حکومت پاکستان سے مطالبہ کیا کہ "شراکا" نامی صہیونی تنظیم کو فی الفور پاکستان میں کالعدم قرار دیا جائے۔ مقررین نے پاکستان کرکٹ بورڈ کی جانب سے صہیونیوں کی حمایت کرنے والے اداروں کے ساتھ شراکت داری کو قابلِ مذمت قرار دیا اور جامعہ کراچی میں فلسطین فنڈ مہم کو روکے جانے کو افسوسناک قرار دیا۔ ریلی کے مقررین نے واضح کیا کہ مسئلہ فلسطین کا واحد حل غاصب صہیونی ریاست کی نابودی ہے اور دو ریاستی حل کی بات کرنے والے نہ صرف فلسطینی عوام کے مجرم ہیں بلکہ نظریہ پاکستان کے بھی مخالف ہیں۔
میرواعظ نے ایم ایم یو کے اجلاس پر پابندی کو غیر منصفانہ، غیر جمہوری قرار دیا