کراچی: مختلف واقعات میں سیکیورٹی گارڈ سمیت دو افراد جاں بحق
اشاعت کی تاریخ: 4th, February 2025 GMT
شہر میں کرنٹ لگنے اور ٹرین کی ٹکر سے سیکیورٹی گارڈ سمیت 2 افراد جاں بحق ہوگئے۔
تفصیلات کے مطابق ملیر 15 پنجابی سوداگراں سوسائٹی عمر مسجد کے قریب گھر میں کرنٹ لگنے سے ایک شخص جاں بحق ہوگیا جس کی لاش جناح اسپتال لائی گئی۔
چھیپا حکام کے مطابق متوفی کی شناخت 40 سالہ سلیم کے نام سے کی گئی جبکہ واقعہ گھر میں پانی کی موٹر سے کرنٹ لگنے کا بتایا جا رہا ہے۔
دریں اثناء ڈرگ روڈ اسٹیشن کے علاقے اسٹار گیٹ موریا خان گوٹھ کے قریب ٹرین کی ٹکر سے ایک شخص جاں بحق ہوگیا جس کی لاش چھیپا کے رضا کاروں نے جناح اسپتال پہنچائی۔
ریسکیو حکام کا کہنا ہے کہ متوفی کی شناخت 40 سالہ عظمت خان کے نام سے کی گئی جو کہ سیکیورٹی گارڈ اور یونیفارم بھی پہنا ہوا تھا۔
تاہم، اس حوالے سے ڈرگ روڈ ریلوے پولیس واقعہ کی مزید تحقیقات کر رہی ہے ۔
.ذریعہ: Express News
پڑھیں:
سویڈن کے اسکول پر حملہ، 10 افراد ہلاک
SWEDEN:سویڈن کے شہر اوبیرو میں ایک اسکول میں فائرنگ سے 10 افراد ہلاک ہوگئے۔
خبرایجنسی رائٹرز کی رپورٹ کے مطابق سویڈن کی پولیس نے بتایا کہ بالغوں کے تعلیمی مرکز میں فائرنگ ہوئی جہاں 10 افراد کی ہلاکت ہوئی ہے جو سویڈن کی تاریخ کا بدترین واقعہ ہے اور وزیراعظم نے ملک کے سوگوار دن قرار دے دیا۔
پولیس نے بتایا کہ حملہ آور بھی بظاہر ہلاک ہونے والے افراد میں شامل ہے اور اسکول میں مزید متاثرین کی تلاش کے لیے کام کیا جارہا ہے۔
انہوں نے کہا کہ تاحال یہ واضح نہیں ہوسکا کہ حملہ آور اس واقعے کے پیچھے کیا مقاصد تھے۔
مقامی پولیس چیف روبرٹو ایڈ فوریسٹ نے پریس کانفرنس کرتے ہوئے بتایا کہ ہمیں اب تک 10 افراد کی ہلاکت کی تصدیق کی گئی ہے اور حتمی تعداد نہیں بتاسکتے کیونکہ واقعہ بہت بڑا ہے۔
انہوں نے کہا کہ پولیس کا ماننا ہے کہ مسلح شخص اکیلا تھا اور وہ موجودہ دہشت گردی کی لہر سےمتاثر تھا اور مبینہ مسلح شخص کے حوالے سے ماضی میں پولیس کے پاس کوئی معلومات نہیں تھیں۔
پولیس چیف نے کہا کہ ہمارے سامنے ایک بہت بڑا حادثہ پیش آیا ہے اور ہم اسکول میں تلاش کا کام کر رہے ہیں، ہم تفتیش کے لیے کئی اقدامات کرتے ہیں، جس میں سہولت کاروں کی پروفائل بنانا اور عینی شاہدین کا انٹرویو بھی شامل ہے۔
مقامی پولیس نے بتایا کہ انہوں نے قتل، آتشیں اسلحے کا استعمال اور بدترین اسلحے کے جرم کے تحت تفتیش شروع کردی ہے۔
رپورٹ میں بتایا گیا کہ یہ واقعہ سویڈن کے شہر اوربیرو میں ریسبرگسکا اسکول میں پیش آیاجہاں ایسے طلبہ موجود تھے جنہوں نے اپنی معمول کی تعلیم مکمل نہیں کی تھی یا اعلیٰ تعلیم کے لیے وہ کوالیفائی نہیں کرسکتے تھے۔
سویڈن کے وزیراعظم اولگ کرسٹیرسن نے بتایا کہ یہ پورےسویڈن کے لیے انتہائی دردناک دن ہے۔
ٹک ٹاک بناتے ہوئے ایک اور نوجوان کی زندگی کا خاتمہ