مشیر ربانی فائیو اے سائیڈ ہاکی:دوسرے روز چار میچوں کا فیصلہ
اشاعت کی تاریخ: 4th, February 2025 GMT
کراچی (اسپورٹس رپورٹر)مشیر ربانی میموریل فائیو اے سائیڈ ہاکی ٹورنامنٹ کے دوسرے روز لائنزنے مزیدمیچز جیت لئے،گلیڈی ایٹرز نے بھی فتح حاصل کر لی،سلطانز اور اسپارٹنز کا مقابلہ تین تین گول سے برابر رہا،بلاول نے دو ہیٹ ٹرکس اسکور کیں۔دوسرے روز کے میچوں کے مہمان خصوصی سی ای او دیا انٹر ایکٹو سید ناصح تھے جنہوں نے گراس روٹ لیول سے ہاکی کو بھر پور سپورٹ کرنے کی یقین دہانی کروائی۔اس موقع پر انٹر نیشنل لئیق لاشاری،صغیر حسین،تسلیم عثمانی، عبدالغفور،بتول کاظم،اوصاف ربانی،انٹر نیشنل محمد علی،شجاعت علی،سلمان شیخ،رضوان خان،سمیرا نسیم، اور سلیم چینا بھی موجود تھے۔کے ایچ اے اسپورٹس کمپلیکس کے ایرینا میں جاری ٹورنامنٹ میں گزشتہ روز مزید چار میچز کھیلے گئے۔ پہلے میچ میں لائنز نے سلطانز کو دو کے مقابلے میں آٹھ گول سے شکست دی،فاتح ٹیم کی جانب سے بلاول نے ہیٹ ٹرک سمیت پانچ گول اسکور کئے جبکہ ابراہیم نے بھی ہیٹ ٹرک کرتے ہوئے تین گول داغ ڈالے ۔ سلطانز کی جانب سے عائشہ اور ایان نے گول کئے۔دوسرے میچ میں گلیڈی ایٹرز نے ڈولفنز کو 4-2سے زیر کیا،فاتح ٹیم کے مبشر نے ہیٹ ٹرک کرتے ہوئے تین گول اسکور کئے جبکہ فضدق نے ایک گول کیا،ڈولفنز کی جانب سے نمرہ اور عمر نے گول کئے۔تیسرے میچ میں سلطانز اور اسپارٹنز کا مقابلہ تین تین گول سے برابر رہا۔چوتھے میچ میں لائنز نے گلیڈی ایٹرز کو 5-4سے ہرا کر اہم کامیابی حاصل کی،بلاول نے ایک بار پھر ہیٹ ٹرک کرتے ہوئے چار گول اسکور کئے جبکہ ایک گول ابراہیم نے بنایا،گلیڈی ایٹرز کے لئے مبشر اور فضدق گول اسکورر تھے جنہوں نے دو دو گول اسکور کیے۔
.ذریعہ: Jasarat News
کلیدی لفظ: گلیڈی ایٹرز میچ میں ہیٹ ٹرک
پڑھیں:
سعودی ایوان شاہی کے مشیر نے یکم رمضان کی تاریخ بتادی
ریاض : سعودی ایوان شاہی کے مشیر اور سعودی علماء بورڈ کے رکن شیخ عبد اللہ بن سلیمان المنیع نے فلکیاتی حسابات کی بنیاد پر اعلان کیا ہے کہ سعودی عرب میں رمضان المبارک کا آغاز یکم مارچ 2025 بروز ہفتہ کو متوقع ہے۔
میڈیا رپورٹس کےمطابق شیخ عبد اللہ بن سلیمان المنیع نے کہا کہ رواں سال سال رمضان 29 دن کا ہوگا اور 29 مارچ کو اختتام پذیر ہوگا جبکہ عید الفطر 30 مارچ 2025 کو منائی جائے گی، رمضان کے آغاز کا حتمی اعلان سعودی سپریم کورٹ کرے گی۔
شیخ عبد اللہ بن سلیمان نے کہاکہ جمعہ 29 رجب کو رات 3 بج کر 44 منٹ پر رمضان کے چاند کی پیدائش ہوگی اور غروب آفتاب کے بعد یہ چاند تقریباً 32 منٹ تک افق پر موجود رہے گا، جس سے اس کا نظارہ ممکن ہوگا۔
خیال رہےکہ پاکستان میں رمضان المبارک کا آغاز ممکنہ طور پر 2 مارچ 2025 بروز اتوار کو ہوگا، متحدہ عرب امارات کی فلکیات سوسائٹی کے چیئرمین ابراہیم الجروان کی پیش گوئی میں بتایا گیا ہے کہ متحدہ عرب امارات ( یو اے ای )میں رمضان کا آغاز یکم مارچ 2025 کو متوقع ہے اور اس پیش گوئی کی بنیاد پر پاکستان میں رمضان کا آغاز 2 مارچ 2025 کو ہوسکتا ہے۔
واضح رہےکہ پاکستان میں رمضان المبارک کے آغاز کا حتمی اعلان مرکزی رویت ہلال کمیٹی چاند نظر آنے کی شہادتوں کے بعد کرے گی، رویت ہلال کمیٹی کے سیکرٹری جنرل خالد اعجاز مفتی کے مطابق، 29 جمادی الثانی بروز بدھ یکم جنوری 2025 کی شام کو رجب المرجب کا چاند نظر آنے کا امکان ہے، جس سے یکم رجب المرجب جمعرات 2 جنوری 2025 کو ہوگی۔
سرفراز احمد ایک مرتبہ پھر پاکستان کی نمائندگی کیلیے تیار