گورنر سندھ سے تھائی لینڈ کے قونصل جنرل کی ملاقات، اہم امور گفتگو
اشاعت کی تاریخ: 4th, February 2025 GMT
کراچی (اسٹاف رپورٹر)گورنرسندھ کامران خان ٹیسوری سے تھائی لینڈ کے قونصل جنرل سریشت بونٹی نندنے گورنر ہائوس میں ملاقات کی، ملاقات میں دوطرفہ تعلقات ، سرمایہ کاری، تجارت میں اضافے اور دلچسپی کے دیگر امور پرتبادلہ خیال کیا گیا۔ گورنرسندھ نے کہا کہ تھائی لینڈ سے تجارت میں اضافہ کے خواہشمند ہیں۔ تعلیم ، سائنس اینڈ ٹیکنالوجی ، ثقافت ، سیاحت میں سرمایہ کاری کے وسیع مواقع دستیاب ہیں۔ انہوں نے کہا کہ تھائی سرمایہ کاری صوبہ کے پرکشش شعبوں سے بھرپور استفادہ کر سکتے ہیں۔ تھائی لینڈ کے قونصل جنرل نے کہا کہ تھائی سرمایہ کار صوبے کے مختلف شعبوں میں بھرپور دلچسپی رکھتے ہیں۔ گورنر اینیشیٹیو کے تحت جاری منصوبے بالخصوص آئی ٹی اور امید کی گھنٹی قابل ستائش ہیں۔ قونصل جنرل نے گورنرہائوس میں شجر کاری مہم کے تحت پودا بھی لگایا۔
.ذریعہ: Jasarat News
کلیدی لفظ: تھائی لینڈ
پڑھیں:
دہشتگردی ایک عالمی چیلنج،دنیا پاکستان سے بھرپور تعاون کرے، وزیرداخلہ کی امریکی وفد سے گفتگو
وفاقی وزیر داخلہ محسن نقوی سے امریکی ارکان کانگریس کے وفد نے اہم ملاقات کی ہے ، وفد میں کانگریس مین جیک برگ مین، ٹام سوزی اور جوناتھن جیکسن شامل تھے۔ وزیر مملکت برائے داخلہ طلال چوہدری، قائم مقام امریکی سفیر نٹالی بیکر اور وفاقی سیکرٹری داخلہ خرم آغا بھی اس موقع پر موجود تھے۔
یہ بھی پڑھیں:
ملاقات میں دو طرفہ تعلقات اور باہمی دلچسپی کے امور پر تفصیلی تبادلہ خیال کیا گیا۔ دونوں اطراف نے معیشت، تجارت اور سرمایہ کاری کے شعبوں میں تعاون بڑھانے پر بھی تبادلہ خیال کیا، جبکہ سیکورٹی، انسداد دہشت گردی اور بارڈر سیکورٹی پر بھی تفصیلی بات چیت کی گئی۔
اس موقع پر گفتگو کرتے ہوئے محسن نقوی نے کہا کہ امریکہ کے ساتھ مضبوط اور پائیدار تعلقات پاکستان کی خارجہ پالیسی میں کلیدی حیثیت رکھتے ہیں۔
انہوں نے کہا کہ 30 اپریل کو امریکہ میں پاکستان کاکس کا انعقاد خوش آئند پیش رفت ہے۔ انہوں نے اس بات پر زور دیا کہ پاکستان دہشت گردی اور باقی دنیا کے درمیان دیوار کی طرح کھڑا ہے۔
انہوں نے زور دے کر کہا کہ دہشتگردی ایک عالمی چیلنج ہے اور عالمی برادری کو پاکستان کے ساتھ بھرپور تعاون کرنا چاہیے۔
انہوں نے اس بات پر زور دیا کہ انسداد دہشتگردی کے شعبے میں انٹیلی جنس اور ٹیکنالوجی کا اشتراک انتہائی اہمیت کا حامل ہے۔ انہوں نے مزید کہا کہ دہشتگردی کے خلاف پاکستان کی بے پناہ قربانیوں کی عالمی تناظر میں کوئی مثال نہیں ملتی۔
انہوں نے کہا کہ امریکی ارکان کانگریس کا دورہ دہشت گردی کے خلاف جنگ میں پاکستان کے بے مثال کردار کو اجاگر کرنے میں اہم ہوگا۔
یہ بھی پڑھیں:امریکی محکمہ خارجہ کے عہدیدار ایرک میئر کی وزیر داخلہ محسن نقوی سے ملاقات
وزیر داخلہ نے پاکستان منرلز انوسٹمنٹ فورم 2025 میں امریکی وفد کی شرکت کا خیرمقدم کیا۔ انہوں نے مزید کہا کہ حکومت سرمایہ کاروں کو ہر ممکن سہولت اور مکمل تحفظ کو یقینی بنائے گی۔
وزیر مملکت برائے داخلہ طلال چوہدری نے کہا کہ جون میں اسلام آباد میں ہونے والا انسداد دہشتگردی ڈائیلاگ انسداد دہشت گردی کے شعبے میں باہمی تعاون کو فروغ دینے میں کلیدی کردار ادا کرے گا۔
امریکی کانگریس کے وفد نے کہا کہ دہشتگردی کے خلاف جنگ میں پاکستان کے کردار کو اجاگر کرنے کی ضرورت ہے۔ ان کا مزید کہنا تھا کہ امریکا میں مقیم پاکستانی کمیونٹی بہت باصلاحیت اور محنتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی وفد پاکستان دہشتگردی محسن نقوی وزیرداخلہ
100 سے زائد فلموں میں کام کرنیوالے سینیئر بھارتی اداکار انتقال کر گئے