کثیرالقومی بحری مشق امن کا 9واں ایڈیشن 7 سے11 فروری تک ہوگا
اشاعت کی تاریخ: 4th, February 2025 GMT
تصویر سوشل میڈیا۔
پاک بحریہ کے زیر انتظام کثیرالقومی بحری مشق امن کا 9واں ایڈیشن7 سے11 فروری تک ہوگا۔
ملٹی نیشنل میری ٹائم مشق امن 2025، امن ڈائیلاگ کی میڈیا بریفنگ کراچی میں منعقد ہوئی۔
مسلح افواج کے شعبہ تعلقات عامہ آئی ایس پی آر کے مطابق کمانڈر پاکستان فلیٹ ریئر ایڈمرل عبدالمنیب نے امن مشق اور امن ڈائیلاگ کی تفصیلات سے آگاہ کیا۔
انھوں نے کہا کہ پاک بحریہ کے زیر انتظام کثیرالقومی بحری مشق امن کا 9واں ایڈیشن7 سے11 فروری تک ہوگا۔
آئی ایس پی آر کے مطابق 60 سے زائد ممالک امن مشق 2025 میں شرکت کر رہے ہیں۔
آئی ایس پی آر کے مطابق ہاربر فیز 7 سے 9 فروری تک منعقد ہوگا، اس میں بحری امور سے متعلق سیمینارز، آپریشنل مظاہرے، بین الاقوامی ثقافتی اور کھیلوں کی سرگرمیاں شامل ہیں۔
سی فیز کا انعقاد 10 سے 11 فروری تک ہوگا، سی فیز میں انسدادِ بحری قزاقی اور انسداد دہشت گردی کی مشقیں شامل ہوں گی، سرچ اینڈ ریسکیو آپریشنز، لائیو فائرنگ اور بین الاقوامی فلیٹ ریویو بھی ہوگا۔
آئی ایس پی آر کے مطابق پاک بحریہ مشق امن 2025 کے ساتھ پہلی بار "امن ڈائیلاگ" کا آغاز بھی کررہی ہے، امن ڈائیلاگ میں دنیا بھر سے بحری افواج اور کوسٹ گارڈز کے سربراہان شریک ہوں گے۔
کمانڈر پاکستان فلیٹ کا کہنا ہے کہ امن ڈائیلاگ عالمی بحری قیادت کو سمندری مسائل پر تبادلہ خیال کا موقع فراہم کرے گا، امن مشق میں عالمی شرکت میری ٹائم سیکیورٹی میں پاک بحریہ کے کردار پر اعتماد کی عکاس ہے۔
.ذریعہ: Jang News
کلیدی لفظ: فروری تک ہوگا امن ڈائیلاگ پاک بحریہ کے مطابق ایس پی
پڑھیں:
مسافر ٹرینوں کے کرایوں میں اضافے کا اطلاق ( کل) سے ہوگا
لاہور(اُردو پوائنٹ اخبارتازہ ترین - این این آئی۔ 04 فروری2025ء)پاکستان ریلویز کی جانب سے مسافر ٹرینوں کے کرایوں میں پانچ فیصد اضافے کا اطلاق کل 5 فروری( بدھ)سے ہوگا۔ کرایوں میں اضافہ ڈیزل کی بڑھتی ہوئی قیمتوں کے پیش نظر آپریشنل اخراجات کو پورا کرنے کیلئے کیا گیا ہے۔(جاری ہے)
نوٹیفکیشن کے مطابق ریلوے کی جانب سے ایکسپریس ، لوکل پسنجر ٹرینوں بشمول آئوٹ سورس کی گئی ٹرینوں کی تمام کلاسز کے کرایوں میں اضافہ کیا گیا ہے ۔ ریلوے ترجمان کے مطابق پچھلے سال اکتوبر سے اس سال فروری تک ہائی سپیڈ ڈیزل کی قیمتوں میں متعدد بار اضافہ ہوا لیکن ریلوے نے یہ بوجھ خود برداشت کیا۔ اب یہ ریشنلائزیشن باامر مجبوری آپریشنل اخراجات کو پورا کرنے کیلئے کی گئی ہے۔
علی بابا نے بھی اپنا اے آئی ماڈل کوین 2.5 میکس ریلیز کردیا