اسکردو: نوعمر لڑکے کے ساتھ اجتماعی زیادتی، ملزمان گرفتار
اشاعت کی تاریخ: 4th, February 2025 GMT
اسکردو کے علاقے حسین آباد میں ایک نوعمر لڑکے کے ساتھ مبینہ اجتماعی جنسی زیادتی کا واقعہ پیش آیا ہے، جس پر پولیس نے فوری کارروائی کرتے ہوئے مقدمہ درج کر کے نامزد ملزمان کو گرفتار کرلیا ہے۔
پولیس کے مطابق حسین آباد تھانے میں متاثرہ لڑکے کے اہلخانہ کی جانب سے دی گئی درخواست پر کارروائی عمل میں لائی گئی،ایس ایچ او حسین آباد اور ان کی ٹیم نے قانونی عمل کے تحت ملزمان کو گرفتار کرلیا، جبکہ معاملے کی مزید تفتیش جاری ہے۔
یہ بھی پڑھیں: ڈونلڈ ٹرمپ کو جنسی زیادتی اور ہتک عزت کے الزام میں 50 لاکھ ڈالر ادا کرنے کا حکم
پولیس کا کہنا ہے کہ تمام قانونی تقاضے پورے کرتے ہوئے ملزم کو عدالت میں پیش کیا جائے گا تاکہ متاثرہ لڑکے کو انصاف فراہم کیا جاسکے۔
ہیومن رائٹس کمیشن کے صوبائی کوآرڈینیٹر اسرارالدین اسرار کے مطابق گلگت بلتستان میں بڑھتے ہوئے واقعات کی ایک بڑی وجہ آگاہی کی کمی اور روایتی سماجی طرزِ عمل ہے، جس میں والدین اور معاشرہ بچوں پر اندھا اعتماد کرتے ہوئے انہیں غیر محفوظ ماحول میں بھیج دیتے ہیں،جو کہ آج کل کے دور میں بلکل غلط ہے، اس حوالے سے والدین میں آگاہی پھیلانے کی ضرورت ہے۔
گلگت میں چائلڈ پروٹیکشن یونٹ قائم ہے، لیکن بیشتر والدین اور متاثرین ان اداروں سے ناواقف ہیں یا معاشرتی دباؤ کے باعث کیس رپورٹ کرنے سے گریز کرتے ہیں، اگر ہم جرائم پیشہ عناصر کو روکنا چاہتے ہیں، تو سب سے پہلے کیس رپورٹ کرنا ضروری ہے، کیونکہ جب تک متاثرین اور ان کے اہلخانہ آواز نہیں اٹھائیں گے، قانون حرکت میں نہیں آئے گا۔
یہ بھی پڑھیں: کرکٹر بابراعظم پرمبینہ جنسی زیادتی کا مقدمہ، جج نے نیا حکم جاری کردیا
انہوں نے کہا کہ بچوں کے ساتھ جنسی زیادتی کے مقدمات کو خصوصی عدالتوں میں تیز رفتاری سے نمٹایا جائے اور متاثرہ بچوں کو ذہنی اور نفسیاتی کونسلنگ کے لیے بھی اقدامات اٹھانے کی ضرورت ہے، ایسے کیسز میں صرف مجرموں کو سزا دینا کافی نہیں، بلکہ متاثرہ بچوں کی ذہنی و سماجی بحالی کے لیے نفسیاتی مدد بھی ضروری ہے۔
انہوں نے مزید کہا کہ چائلڈ پروٹیکشن اداروں کو مالی اور انسانی وسائل فراہم کیے جائیں، تاکہ وہ بہتر طور پر اپنے فرائض انجام دے سکیں، حکومت بچوں کے تحفظ کے حوالے سے واضح پالیسی مرتب کرے اور اس پر عمل درآمد کے لیے تمام متعلقہ اداروں کو متحرک کرے۔
یہ بھی پڑھیں: پاکستانی تعلیمی اداروں میں جنسی زیادتی و ہراسانی کے واقعات کیوں بڑھ رہے ہیں؟
’چائلڈ پروٹیکشن رسپانس یونٹ اور ریفرل میکانزم جیسے موجودہ نظام کو مزید فعال بنایا جائے اور پولیس کو بھی ایسے حساس معاملات کے حوالے سے خصوصی تربیت دی جائے، تاکہ وہ متاثرین کے ساتھ ہمدردانہ اور پیشہ ورانہ انداز میں نمٹ سکیں، گلگت بلتستان میں بچوں کے ساتھ جنسی زیادتی کے واقعات میں اضافہ انتہائی تشویش ناک ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسکردو انسانی حقوق کمیشن پولیس جنسی زیادتی کم سن لڑکا گلگت بلتستان ملزم گرفتار.ذریعہ: WE News
کلیدی لفظ: پولیس جنسی زیادتی کم سن لڑکا گلگت بلتستان ملزم گرفتار جنسی زیادتی کے ساتھ کے لیے
پڑھیں:
اے سیکشن پولیس کی کارروائی چوری میں ملوث ملزمان گرفتار
حیدرآباد(اسٹاف رپورٹر) اے سیکشن پولیس کی کارروائی، گھر میں چوری کی واردات میں ملوث ملزمان گرفتار، مسروقہ کیش رقم 7 لاکھ روپے برآمدتھانہ A-سیکشن ایس ایچ او انسپیکٹر نیک محمد کھوسو کی اپنے اسٹاف کے ہمراہ کارروائی دوران پیٹرولنگ کارروائی کرتے ہوئے گھر میں چوری کی واردات میں ملوث ملزمان گرفتار گرفتار ملزمان کی شناخت امجد اور عامر کے نام سے ہوئی مورخہ 2025-01-19 کو تھانہ اے سیکشن کی حدود لطیف آباد نمبر 7 کے رہائشی معاز زبیر کے گھر چوری کی واردات ہوئی چوری کی اس واردات کا مقدمہ کرائم نمبر21/2025زیر دفعہ 380,381 ،414 تعزیرات پاکستان کے تحت درج ہے۔
امریکہ میں مسافر طیارہ فوجی ہیلی کاپٹر سے ٹکرا کر دریا میں جا گرا، 18 افراد ہلاک