دہشت گردوں کو بسانے سے بڑھ کر ملک دشمنی نہیں ہوسکتی، وزیراعظم شہباز شریف
اشاعت کی تاریخ: 4th, February 2025 GMT
وزیراعظم شہباز شریف نے کہا ہے کہ پچھلی حکومت نے دہشت گردوں کو پاکستان میں دوبارہ گھسنے کا موقع دیا۔
اوورسیز پاکستانیز گلوبل فاؤنڈیشن کے ارکان سے ملاقات اور خطاب میں شہباز شریف نے کہا کہ چند سال پہلے ایک حکومت نے دہشت گردوں کو بسایا، اس اقدام سے بڑھ کر پاکستان سے کوئی دشمنی نہیں ہوسکتی ہے۔
وزیراعظم شہباز شریف نے اس بار رمضان پیکیج یوٹیلیٹی اسٹورز کے بغیر لانے کا اعلان کردیا۔
انہوں نے کہا کہ دہشت گردی ختم ہوچکی تھی لیکن پھر پچھلی حکومت نے دہشت گردوں کو پاکستان میں دوبارہ گھسنے کا موقع دے دیا اور بدقسمتی سے انہیں امن کا پیامبر کہا۔
وزیراعظم نے مزید کہا کہ جوانوں کی قربانیوں سے دہشت گردی کا ایک بار پھر مکمل خاتمہ کریں گے، دہشت گردی کے خلاف جنگ میں 80 ہزار پاکستانیوں نے قربانیاں پیش کیں۔
وزیراعظم شہباز شریف نے دارالحکومت اسلام آباد کو خوبصورتی کی مثال بنانے کے عزم کا اظہار کردیا۔
اُن کا کہنا تھا کہ اوورسیز پاکستانیوں کے ترسیلات زر میں 30 فیصد اضافہ ہوا ہے، اس اضافے سے ملکی زرمبادلہ ذخائر مستحکم ہوئے ہیں۔
شہباز شریف نے یہ بھی کہا کہ بیرون ملک مقیم پاکستانی پاکستان کے سفیر ہیں، اوورسیز پاکستانی ملکی ترقی میں اہم کردار ادا کر رہے ہیں، جن کے تجربے سے ملک اور قوم کو فائدہ پہنچنا ہے۔
انہوں نے کہا کہ گرین چینل کے معاملے پر وزیرخزانہ سے کہوں گا آپ کے ساتھ بیٹھیں، اسے دوبارہ بحال کریں گے۔
.ذریعہ: Jang News
کلیدی لفظ: وزیراعظم شہباز شریف دہشت گردوں کو شہباز شریف نے کہا کہ نے کہا
پڑھیں:
سپیکر سے ملاقات، عوامی فلاح کیلئے وفاق، صوبے مل کر کام کر رہے ہیں: وزیراعظم
اسلام آباد (خبر نگار خصوصی + نوائے وقت رپورٹ+اپنے سٹاف رپورٹر سے) وزیراعظم محمد شہباز شریف نے کہا ہے کہ ہمیں ہر قیمت پر پاکستان سے پولیو کے مرض کا خاتمہ کرنا ہوگا، مربوط حکمت عملی اور مشترکہ کاوشوں سے پولیو کا خاتمہ یقینی بنایا جا سکتا ہے، انسداد پولیو مہم کے ذریعے بچوں کا مستقبل محفوظ بنایا جا رہا ہے۔ ان خیالات کا اظہار انہوں نے گزشتہ روز یہاں رواں سال 2025 کی پہلی قومی انسداد پولیو مہم کی افتتاحی تقریب سے خطاب کے دوران کیا۔ تقریب سے خطاب کرتے ہوئے وزیر اعظم نے کہا کہ انسداد پولیو تعاون پر عالمی ادارہ صحت، یونیسف، سعودی عرب سمیت دیگر عالمی شراکت داروں کی معاونت پر مشکور ہیں۔ پاکستان کے کروڑوں بچوں اور بچیوں کو پولیو کے قطرے پلا کر اس مرض سے قوم کے بچوں کو محفوظ کریں گے ۔ انہوں نے کہا کہ انسداد پولیو ٹیم شبانہ روز محنت کر رہی ہے اور حالیہ مہم کے دوران پولیو ورکر ز ملک کے دور دراز علاقوں اور دیہاتوں میں ہر جگہ پہنچ کر ایک اہم قومی فریضہ سر انجام دیں گے۔ وزیر اعظم نے کہا کہ گزشتہ سال ملک میں پولیو کے تقریبا 77 کیسز سامنے آئے جو ایک بہت بڑا چیلنج اور پولیو کے حوالہ سے ایک بڑا سیٹ بیک تھا، اس سال ابھی تک جنوری میں ایک کیس ریکارڈ ہوا ہے، کاش یہ کیس بھی نہ آتا لیکن ہمیں ہر قیمت پر ان شاء اللہ پولیو کا پاکستان سے خاتمہ کرنا ہے۔ وزیر اعظم شہباز شریف نے کہا کہ اس حوالے سے ہمسایہ ملک افغانستان کے ساتھ رابطے میں ہیں۔ انہوں نے اس امید کا اظہار بھی کیا کہ باہمی تعاون کے ذریعے افغانستان سے بھی پولیو کا خاتمہ ہو گا۔ وزیر اعظم شہباز شریف نے انسداد پولیو کے لئے معاونت پر عالمی ادارہ صحت، یونیسف، سعودی عرب، بل گیٹس فاؤنڈیشن سمیت دیگر شراکت داروں سے اظہار تشکر کرتے ہوئے کہا کہ مشترکہ کوششوں کی بدولت ہی پولیو کا خاتمہ ممکن ہے۔ انہوں نے کہا کہ مربوط حکمت عملی اور مشترکہ کوششوں سے ہم پاکستان سے پولیو کے مرض کا خاتمہ کر سکیں گے۔ وزیراعظم نے سپیکر قومی اسمبلی ایاز صادق سے ملاقات کی جہاں پاکستان پیپلز پارٹی (پی پی پی) کے سینئر رہنما خورشید شاہ، شازیہ مری اور ڈپٹی سپیکر غلام مصطفیٰ شاہ سے بھی ملاقات کی اور سیاسی صورت حال پر تبادلہ خیال کیا گیا۔ وزیراعظم شہباز شریف نے ڈپٹی سپیکر کو بیٹے کی شادی پر مبارک باد دی اور ملاقات کے دوران ملک کی مجموعی اور سیاسی صورت حال پر تبادلہ خیال کیا گیا۔ وزیراعظم شہباز شریف نے کہا کہ بہتر ہوتے معاشی اشاریے، بین الاقوامی سرمایہ کاروں اور عالمی اقتصادی اداروں کا پاکستان پر بڑھتا ہوا اعتماد خوش آئند ہے۔ انہوں نے کہا کہ عوامی فلاح و بہبود کے لیے وفاق اور صوبے مل کر کام کر رہے ہیں۔ وزیراعظم آفس سے جاری بیان میں کہا گیا کہ اس ملاقات کے موقع پر دیگر اراکین قومی اسمبلی بھی موجود تھے۔ دریں اثناء وزیراعظم شہباز شریف ایک روزہ دورے پر آج کوئٹہ جائیں گے۔ وہ امن و امان کی صورتحال سے متعلق اجلاس کی صدارت اور صوبائی وزراء اور ارکان اسمبلی سے بھی ملاقات کریں گے۔مزید برآں وفاقی وزیر داخلہ محسن نقوی نے سپیکر قومی اسمبلی ایاز صادق سے ملاقات کی۔ ملاقات میں باہمی دلچسپی، سیاسی امور اور ملک کی مجموعی صورتحال پر تبادلہ خیال کیا گیا۔ ملاقات میں مذاکرات کے لئے حکومت کی جانب سے مثبت پیشرفت کے باوجود پی ٹی آئی کے رویے پر بھی گفتگو کی گئی۔ وزیر داخلہ نے تمام اپوزیشن و حکومتی جماعتوں کو ساتھ لے کر چلنے میں سپیکر قومی اسمبلی ایاز صادق کی کاوشوں کو سراہا۔
امریکہ میں مسافر طیارہ فوجی ہیلی کاپٹر سے ٹکرا کر دریا میں جا گرا، 18 افراد ہلاک